موقفج يا عروسة يوم النظرة الشرعية ..دشي وخبرينا موقفج !!!

**bent_oboyah** · 2010-04-13, 20:46

عقبالي يا رب...

**البنوووتة** · 2010-04-14, 21:06

انا فهاك اليوم ما كنت ادري انهم يايين عسب يجوفني لانهم كانوا يايين يباركون لاختي بولادتها
وفجأة ونحن قاعدين فالميلس جان يقولون الريال بيدش بيجوفج...وجاان اشرد والشردة نص المريلة ههههه
سرت داخل اتعدل وعقب تأخروا جان اقول لامي يالله وينه بسرعة>>هههه ما كنت مستعيلة .كنت ابي اسير الحمام ومن الخوف مب قادرة وقلت لامي هاتيه الصالة هو وامه بس ..المهم قعدت فالصالة وعقب دش هووو ..ما طالعته فالبداية من المستحى بس عقب قلت فخاطري يالله يا بنت شدي حيلج وطالعي هاي فرصتج الوحيدة
الموهيم اتجرأت ورفعت عيني كذا مرة وجفته...وعقب يوم شبعت قلت لامي حياج انا داشة داخل هههههههه
وووو سرت داخل اقول لا خواتي مووحلوو ما عيبني ..بس عقب تفكير وافقت وتوكلت ع ربي لان الجمال مب كل شي وووبس..ونفس اليوم بليل قالولي ان عيبته وهو موافق ووووبس...ونتريا الملجة حاليااا

**عيون عيناوية** · 2010-04-14, 23:07

انا ذكرت موقفي قبل
فالشوفه ما كانت اول مرة يشوفني فبها
لانه ربيع خالي وكنت طالعة ويا خالي
وبالصدفة حصلناه ووقف يسلم عخالي
وشافني وياه وطاحت عيني بعينه
بعد فترة اتصل بخالي وقال انه يبي يخطبني
ويو البيت هو وامه واخته
وطبعا يلسوا كلهم ويا امي فالميلس
وانا دخلت عليهم وكنت شوي مستحيه مب واايد
وسلمت على امه واخته وسولفت وياهم وهو كان يطالعني ما رفع عينه عني
وامه حبتني وااايد احلى شي الله يخليلي اياها عمتي
والحمدلله ملجنا وربي يتمم عخير

**(^^)** · 2010-04-15, 00:57

حلو الموضع تحمست ههههههههههه

انا عني هو ولد عمي نفس الحوش والبيوت متقاابله هههه يعني مافي نظره شرعيه بس الحبيب مصير يشوفني اون نسيت شكلها من 5 سنين مساافر مااشوفها ماتطلع يوم اي

المهم عرفو اني برفض فقررت بننت عمي تسوي فيني نذاله المهم والاهم قالتلي اليوم بعزم ربيعاااتي ف الميالس

قلتلها الله ناايس يالله فوووقه هههههه مرتبش بين بناات وسواالف ههههه

المهم كاااشخه واخر كشخة وطبعاا مطلعه القصه وتنورة وقميص ومكيااج فول والروج على قولة اخوي من بعيد يبين قول ليزر هههه والحال لله والعطر شال الدنياا

رحت ودقيتلها قالتلها انا كااشخه مابي من صوب البيت لان عيال عمي وطبعا لازم اتغشي وانا اصلانا مااتغشي منهم بس لاني متعدله ومترصصه ههههه بروح الميااالس وبترياج اهنااك قالت خلاص روحي بلحقج

المهم كلي ثق راايحه ولاحااط اغااني ف فوني واغني و والابتسااام كريس

دخلة الميلس وانا اعاابل فوني ولاحسيت انه في حد يالس اخر الميلس ويطالعني طبعا يلست على اول كرسين ههههههههههههههههههههه اخ بطني وماااخذه راحتي تتخيلوووون

ولاحسيت غير اسمع حد احم احم احم والتف الصوب الثاني وطااحت عيني ف عينه مااقدرت اسوي شي غير تميت اطاالعه وسااكته هو طبعااا عيبه المووضع ماتحرك وفجأه حسيت بالي يالس اسويه وقوم واشرد من الميلس

ههههههههه واربع البيت ربيع قوول مرثوون هههههه

ويت بنت عمي ولقت اخوهااا الحبيب منسدح على الكرسي وحااط الختره على ويه

ربعة قالته شفتها قال منو؟ قالت........
قالها هههه قصدج قمر بيتنا"أستحـــــــــــي" ههههههه
لحقيني قلبي انسرق اه اه وماعرف شو ههههههههههههه

اكيد بتخبل حااط كيلووو مكيااج على ويهي هههههههه
المهم وماااشي طبعاا اليوم الثااني راح عند يدتي"ام العوده" قالها اباا املج وماايخصني وحشرهم الين صاارت الملج وحددو العرس ههههههه لجل عيون ابو الشباااب واااااااااااااااااي فديته

وهي قصتي ويه المعرس^^

**فراشه المنتدى** · 2010-04-15, 03:39

**عليونة** · 2010-04-15, 07:21

انا خطيبي لا اعرفه ولا اهلي يعرفون اهله وانا منقبه بس سبحان الله النصيب
كنت سايره حفله نجاح عند ربيعتي واخته يايه واهو ربيع اخو ربيعتي
ويوم يا ياخذ اخته وهم طالعين شافني كنت داخل الباب انفتح شوي وهي طالعه
وراح خطب من ربيعه عباله اني اخته
وعقب شافها فالنظرة الشرعيه وقال مب هاذي
وعقب قالهم شو كنت لابسه اخته عرفت واهل ربيعتي خبروهم وين بيتنا وجي
ماكان في نظرة شرعيه
وانا شفته وانا فسيارة اخوي عاد مركب مخفي تطالعت عراحتي
هههههههه كنت اقول اظحك خلني اشوف ظروسك عن تكون خربانه هههههههه احاتي مستقبل عيالي

**بنت الإمارات~** · 2010-04-15, 11:37

ررررررررررررررررررفع

**zaina elzoina** · 2010-04-15, 11:47

malgoofa

**أم حمدآآآن^^** · 2010-04-15, 21:36

لوووووووووووووووول
والله ويهي كان قافط ما شفته ابد الا يووم الملجه اتخيلو
طووول الوقت كنت منزله راااسي

**بنوتة80** · 2010-04-16, 15:13

كشخة سوالفكم

عقبالنااا

**قمر الزمن** · 2010-04-17, 14:06

للرفع

**اميرة الذووق** · 2010-04-17, 18:26

انا بعدني ملقوفة وصغيرونة

**عطرك انفاسي** · 2010-04-17, 19:11

وحليلي ما شي نظره شرعيه
ولد عمتي
خخخخ
عسى ربي يوفقني ويتمم لي ع خير

**ملكية ..~** · 2010-10-30, 15:26

للرفع

الله يرزقني ويرزقكم بالزوج الصالح عاجلا غير اجلا اللهم امييييين

**عسوله الجنه** · 2010-10-30, 15:59

المشاركة الأصلية كتبت بواسطة ملكية ..~

للرفع

الله يرزقني ويرزقكم بالزوج الصالح عاجلا غير اجلا اللهم امييييين

الموضوع: موقفج يا عروسة يوم النظرة الشرعية ..دشي وخبرينا موقفج !!!

أدوات الموضوع

عرض

المواضيع المتشابهه

+++ شو موقفج؟؟ +++

النظرة الشرعية وما ادراكم ما النظـــــــرة الشرعية؟؟؟؟؟؟

شو بيكون موقفج ؟؟؟؟

شو بيكون موقفج ؟؟؟؟

شو موقفج