مشروع مزرعه

**جرين هاوسز** · 2010-04-11, 16:27

السلام عليكم
انا طرحت موضوع وما بعرف ليش انحذف
مشروع بيوت بلاستيكية بالمزراع هو مشروع حاله حال اي مشروع بهذا القسم هو فكره لمشروع تجاري ناجح انا تناولت فيه مميزاته ومكاسبه وهو مشروع لم يطرح بهذا القسم من قبل
وحبيت اشاركم افكاري وخبرتي فيه
فكرة البيوت انها تزرعين كل انواع الخضار الموسمية وغير الموسميه
والوحده ممكن تبني بيوت بلاستيكيه وتاجرها على الناس
وممكن تبيع هالبيوت لصاحبة مزرعه ثانيه وما تخسر فيها شي

المزيد من آخر المواضيع من نفس القسم:

**رحلة أمل** · 2010-04-11, 16:31

فكره حلللللللوه .. بالتوفيج الغاليه

**&هجير&** · 2010-04-11, 16:36

المشروع حلو والله ويوفقج

**ميـ أم ـودي** · 2010-04-11, 20:13

أختي ممكن تفاصيل أكثر خاطري أعرف عن هالموضوع

**جرين هاوسز** · 2010-04-11, 21:56

يا سلام على الناس الي عندها عقل تجاري
شوفي يا غالية
الوحده اذا عندها مزرعه تقدر تستغلها ببناء بيت بلاستيكي داخلها او صاله يعني اكثر من بيت لاصقات في بعض
شو فايدة هذي البيوت
اولا توفير جو مناسب حسب نوع الزراعة الي تحبي تزريعها
جو بارد او دافي لان يركب داخل هالبيوت مراوح وسلدك للتبريد
شو نزرع داخلها
نقدر نزرع اي شي بغير موسمه يعني لو احنا بالشتا تقدرين تزرعين خضره صيفية والعكس
طيب بتساليني يمكن المنتوج يكون اشوي
الجواب مستحيل لان بالسوق فيه انواع بذور تكون مهجنة ومحسنة يعني البذره الوحده تسوي منتوج كثير ولون الخضره بعد يكون احلى
والتسويق يكون لتجار الخضرة بدبي
واحسن شي الناس تزرع الخياروالكوسا

**ميـ أم ـودي** · 2010-04-12, 09:15

زين كم قيمتها هالبيوت ؟؟؟
وكم مساحتها؟؟
ومشكوووورة على الرد يالغلا

**جرين هاوسز** · 2010-04-12, 16:40

شوفي عزيزتي
البيوت البلاستيكية نوعان
بيوت مفرده كل بيت يعني لوحده طوله 38 وعرض 9 متر وهنا يشترط ان كل بيت بعيد عن الثاني مسافة متر ونص وهذا ياخذ من مسااحة المزرعة
وفي نظام الصالات ويكون طول 38 وعرض 8 متر يعني البيوت تكون تلاصقة ومافي بينها مسافات وبالتالي يوفرلك مساحة بمزرعتك وانتاج اكثر لانك بتوفري اكثر من مترين بين كل بيت
السعر طبعا الصالات تكون اغلى بالف او الفين حسب المواصفات عن البيوت
ومكسبك تحصلينه باول يوم تزرعي فيه

**m_salmany** · 2010-04-13, 08:13

معلومات أكثر لو سمحتي بارك الله فيج؟؟؟

**جرين هاوسز** · 2010-04-13, 11:22

اول شي تسويه الي عندها مزرعه تاخذ عينه من الماي الموجود فيها وتشوف درجة الملوحه
اذا كانت حلوه خير وبركه اما اذا في نسبة ملوحه فالموضوع يكون غير
شو نسبة هالملوحه====================صاحبة المزرعه تضطر تشتري جهاز تنقية الماي
بعدين اذا قررت تسوي بيوت بلاستيكية على ارض مزرعتها مش شرط على كامل المزرعه ممكن بيتين ثلاثة على قدر مقدرتها الماديه والربح تقوم تبني فيها زياده وبالتالي بتيضاعف عندها الربح
اهم شي يزرعونه الخيار مطلوب بشكل رهيب بالسوق المحلي وعند تجار الخضره وتقدرين تنسقي هالشي مع تجار الخضرة يشلون انتاجك
لازم تختارين نوعية بذور عالية الجوده ومهجنة وهذي تكون مستورده تاخيها من الوكيل ليش؟
اكثر انتاج
اكثر لون اخضر
اكثر مقاومه للامراض
وانتي بتكوني خلصتي نفسك من الصدعة اي شي تبينة تزرعيه فليفلة ملفوف ذرة
في وحده اعرفها زرعت زهور ماتطلع الا في بيئه بارده جدا -اوروبا وقاعدة تسوقها للمحلات
حتى الطماطم الهولندية الي تشوفيها بكارفور مزوعه هنا لكن بذورها هولندية بليوا

**uae13122** · 2010-04-13, 13:18

للهــــــــــم ,,

أنت ربي لا إله إلا أنت ,,،
خلقتني وأنا عبدك ,,،

وأنا على عهدك ,,
و وعدك ما أستطعت ,,،

أعوذ بك من شر ماصنعت ,,،

أبوء لك بنعمتك علي ,,
وأبوء لك بذنبي

فأغفر لــــــــــــي ,,،

فإنـــــــــــــــــــــــه
لايغفر الذنوب إلا أنت

**AUMESSA** · 2010-04-13, 13:26

فكرة جديد وحلو........ الله يوفقج يارب

سبحان الله وبحمده سبحان الله العظيم

**^ روح ^** · 2010-04-13, 14:26

فكره يديده ومبتكره الصراحه

الله يوفق الجميع يا رب

**رحلة أمل** · 2010-04-13, 15:55

بالتوفيييج ..

**امرأه فرعون** · 2010-04-13, 18:35

في ناس وايد ياجرون جزء من المزوعه على اسيوين ونهاية كل شهر يدفعون مبلغ معين ..

**حمدة 9** · 2010-04-13, 20:50

موفقه

الموضوع: مشروع مزرعه

أدوات الموضوع

عرض

مشروع مزرعه

المزيد من آخر المواضيع من نفس القسم:

المواضيع المتشابهه

ツ】ઇ需✿`•. مشروع مزرعه في كل بيت 2011.•`✿需ઇ【ツ

ابي مزرعه ضروري

مزرعه للتأجير

مزرعه