طلبي غريب شوي ؟

**دانه==** · 2007-05-18, 09:45

السلام عليكم ....
هلا بالجميع ..... انا وزوجي:1 (59): :1 (19): فكرنا في بناء بيت بحدود 600000
حد منكم يعرف مقاول معروف في الشارقة يبني لنا بيت دور واحد
او اي حد عندة خبرة في هال الامور من بناء والتصميم يعطينا من خبرته
ساعدوني ..... جزاكم الله خيرا

المزيد من آخر المواضيع من نفس القسم:

**ورودة دبي** · 2007-05-18, 10:47

اختي لبناء اي بيت يجب مراجعة مكتب استشاري و بعد عمل الخرايط يتم طرح المخطط في مناقصه لتحديد الاسعار

و اللي يحدد جيمة البيت و البناء هي الاشياء المستخدمه في البيت و الاساسيات و الحديد و المواصفات ككل

و الاهم مافي الموضوع مساحة البناء

عموما ربي يوفقج

**الاترجة** · 2007-05-18, 10:54

الغالية .............. اول شي البيت ما يعتمد على دور واحد او اثنين ........ يعتمد على المساحة اللي تبغونها......... واذا كنت امسوية خريطة للبيت هل البيت فيه كسرات والا سيده ؟؟؟ ........ اما اذا ما كنت امسوية الخريطة فاختاري تصميم ما يكون فيه كسرات عسب ما اتكلفج وايد ..........

والله يوفقج حبيبتي ......... واي استفسار انا حاضرة

**دانه==** · 2007-05-18, 15:51

مشكورررررين ...... معلومات اول مرة اعرفه
بخبركم بالتفصيل .....طلع اسمنا في المساكن حكومية في الشارقة على نفقه الحكومة بتكلفة 600000 وبما انكم خبيرين ودي ان ابغي تصميم بيت على طراز القديم .....مثل البارجيل وابواب قديمة شرات متحف ..... حد يعرف مقاول ممتاز وموثوق يبني بيت على هذي المواصفات
وجزاكم الله خيرا

**3yo0on_Al_Maha** · 2007-05-18, 16:04

والله الغاليه ما أعرف ..
بس البنات إن شاء الله ما بيقصر وياااااج..

**دانه==** · 2007-05-19, 09:15

انا في انتظار البقية .....

**ضحكة قلب** · 2007-05-19, 11:32

فديتج والله ابوي مقاول بس فعيمان وماعنده تصريح يبني في الشارجه والا جان خليته يساعدكم

**Miss Cavalli** · 2007-05-19, 12:01

يا سلام .. فكرتج حلوة .. و انا من مؤيدييييييين الفكرة بعد .. ((لني اداوم في المتاحف)) لوووول .. سيري بيت النابودة في الشارجة و شوفي خذي افكار .... صدق بيت يججننننننننن ...

**دانه==** · 2007-05-19, 15:17

تسلمون والله على المرور الطيب .....وما زلت انتظر ردودكم يالغاليين

**bochra79001** · 2007-05-19, 15:54

السلام عليكم زوجي مقاول و ممكن يبني في اي امارة و عنده خبرة كبيرة ببناء ممكن تطرشي لي اميلك او رقم تلفونك و بكلمك على الخاص و شكرا

**دانه==** · 2007-05-19, 17:32

مشكورة الغالية

**شئ للذكرياات** · 2007-05-22, 03:05

إن شاء الله ما بيقصر وياااااج..

**بتوته** · 2007-05-22, 04:23

ونحن نتريا عاد العزيمه في البيت اليديد انشالله

الموضوع: طلبي غريب شوي ؟

أدوات الموضوع

عرض

طلبي غريب شوي ؟

المزيد من آخر المواضيع من نفس القسم:

المواضيع المتشابهه

اعرف طلبي غريب شوية

طلبي غريب شوي :-) خخخخخخخخخ

طلبي غريب أدري!!!!

طلبي غريب دخلي وبتعرفي خخخ