شو اكل ولديه

**نسكافيه** · 2010-04-08, 22:51

خواتي ابا ابدأ اكل ولديه عمره ست شهور وهذا اول ولد عندي ..

بس ماعرف كيف ابدأ وشووه اعطيه وكم وجبه في اليوم

المزيد من آخر المواضيع من نفس القسم:

**النشميه..** · 2010-04-08, 22:57

انا اعطي بنتي فواكه مهروسه وخضره مسلوقه وعطيه حبيبتي ميلوبا وايد زين

**أم يوســـف** · 2010-04-08, 23:08

أنا أعطي ولدي سيرلاك الصبح وبسكويت فارليز العصر

وبدي بالخضرا كل ثلاث أيام صنف مثلا أول يوم جرز مهروس لمدة ثلاثة أيام وبعدين بطاط مهروس وهكذا
حك الغدا سوي خاشوقة عيش مع نوع واحد من خضرا
ولا تنسين العصائر

**غيابك اتعبني** · 2010-04-08, 23:10

اشتري له سيريلاك بالقمح مال قوم 6 شهووور واي حلو وبيحبه

وسوي له بالخلاط موز وتفاح مهروسين

وجزر وبطاط وعيش مهروسين

واممممم .. وعطيه روب بالفواكه ووالفراوله وجي

وبث ^^

**بنت الزيودي** · 2010-04-09, 00:12

انا جريب وببدا ااكله بيدخل السادس

**نسكافيه** · 2010-04-09, 00:35

اكله هالاكلات مره وحده والا وجبة وحده في اليوم وبعد اسبوع ازيد وجبه ثانيه

**روح وليد** · 2010-04-09, 01:48

للرفع

**سمو** · 2010-04-09, 21:21

السلام عليكم ورحمه الله وبركاته

عزيزتي انا مثلج ام يديده وبديت ااكل بنتي وعندي كتاب عن الاطفال و بقولج شو قريت فيه.

اول شي اشتري ارز الاطفال مولوبا المزود بالحديد - معلقه بلاستيك مالت الاطفال- سداره - خلاط طعام الاطفال .

قبل لا تاكلينه خليه يرضع نص رضعه وبعدين جربي عطيه معلقة شاي او معلقتين صغار من الارز مره وحده في اليوم لمده 3 ايام عشان تتاكدين انه ما عنده حساسية وبعد ما تاكلينه كملي الرضاعه.

و بعد 3 ايام خذي تفاحه وقشريها و فوريها في ماي لين تصير مثل البطاطس المفور وهرسيها بالمعلقه لين تصير مثل العصيده او في خلاطه طعام تلقينها في محل الاطفال عطيه 1-2 معلقتين صغار ونفس الشي اكليه تفاح 3 ايام وراء بعض.

بعد التفاح جربي (الكمثرى - موز- بطاطس- كوسى- جزر).

ملاحظات:

خفيفي الاكل بماء صحة او حليب اللي يشربه عشان يكون مثل العصيده سهل في الاكل.

لا تاكلينه فليل اكليه الضحى او الظهر لانه يمكن تصيبه غازات او معدته تضايق من الاكل.

زيدي كميه الاكل تدريجيا.

سمي بسم الله قبل لا تاكلينه.

اذا مطاع ياكل من المعلقه اكليه بصبعج.

اهرسي الاكل عدل عشان ما يغص.

حطي الاكل اول لسانه عشان يذوق الطعم.

هذه البدايه وفي المنتدى كتيب مثبت كيف تدخلين باقي الاكل في قسم تربية الابناء فوق وفي وصفات للاكلات الاطفال بعد.

**نسكافيه** · 2010-04-10, 11:14

مشكورات خواتي ..وان شاء الله ببدا اليوم

الموضوع: شو اكل ولديه

أدوات الموضوع

عرض

شو اكل ولديه

المزيد من آخر المواضيع من نفس القسم:

المواضيع المتشابهه

ولديه ......

محتاره مع ولديه!

ضعف ولديه

عرس ولديه

معلمات ولديه