مظلومة ارجوكم ردوا علي

**جموحي عزتي** · 2010-04-08, 18:37

حالتي النفسية مدمرة وتعبانه وبقولكم قصتي الي مش قادرة استوعبها

قبل 20 يوم كانت ملجتي وامس تطلقت ,,ألمي محد يقدر يتحمله احس بثقل على صدري ,,رحمتك يا ربي

تزوجت متزوج وقال ان حرمته عارفه انه يبا يتزوج ,, يعني راضيه مرت الايام الي ولا احلى منها حسيت اني طايرة من الفرحة حبيته وهو حبني مش قادره انسى كلامه ومش قادرة انسى شكله ,, قبل ما يطلقني بيوم كنت معاه والامور ماشية ولا احلى وكنت مجهزه كل شغلي وزهبتي كنت اتريا كمن يوم عشان أخذهم للبيت الثاني الي قررنا نأثثه وزواجي كان مقرر في اخر شهر خمسه ,, يوم الي قرر انه يطلقني كنت اترياه يدقلي الصبح عشان اجهز ونسير دبي نتمشى انا وخواتي ,, كانت صدمتي كبيرة ,, الظهر شفت امي وخواتي واخواني في الميلس يصيحون انصدمت خفت ان ابوي او طليقي صار لهم شي ,, خبروني بالخبر انه عنده ظروف اقوى منه وحرمته خيرته بيني وبينها ,, رغم انها رضت بالزواج ولكن ما عرف شو استوا هذاك اليوم واليوم الثاني الي هو امس طلقني ,, انا تعباااااااااااااانه ادعولي والله تعبانه ,,,,في المحكمة مبين انه ما يبي يطلق ولكن في شي جبره ما اعرف شو هو ,,,, انصحوني شاسوي تفكيري كله فيه

المزيد من آخر المواضيع من نفس القسم:

**الدختوره** · 2010-04-08, 18:40

>< الله يعينج ع رمسه بعض البنات ..

بس نصييييحهـ ها نصيب // ما تعرفين يمكن ها فيهـ خير لج ..
وتلقيين اللي شاريج واللي احسن عنهـ بمليووون مرهـ ^^ ..

ربي يبعد الهم عن قلبج ويرزقج باللي يسعدج ..

**ام زايد21** · 2010-04-08, 18:45

ما عليه فديتج هدى حالج ليش ما تتصلين فيه وتسالينه شو الاسباب عسب ترتاحين وربما خير الغاليه ادرى ان الامر صعب عليج بس يمكن هذا اختبار من رب العالمين صبرى واحتسبى الاجر عند الله وعسى ربى يعوضج خير

**Miss Awawy** · 2010-04-08, 18:46

ما عليه غناتي قدر الله وما شـــــــاء فعل
شي استوى وخلص واكيد هالشي خير لج انتي بس انتي انتبهي على عمرج ولا تضايقين لان كل شي بهالدنيــــــــــا قسمه ونصيب ... وانشالله يكون نصيبج باللي احسن عنه ...
الله يوفقج ...

**استندرا** · 2010-04-08, 18:47

حراام عليــه’’ ليــش جي ’’
والله صدق اغلب الرياييل مايحسون’’
يوم انت مــب كفــو حــرمــة ليــش تعرس ’’
شو ذنـــبج انتـــي’’حتى لو انــج رضيتــي تكونيــن الثانيــة تراه نصــــيب’’
عســـب جي الوحــدة لازم تفــكر قبل لاتاخذ واحــد معــرس ’’
حبيبتــي لاتزعلـــين’’بييــج نصــيبج انتي ماعليـــج زلـــة ’’
الله يصــبرج ويعــوضج خيــــر ’’وعســى ان تكرهــو شيــئأ وهــو خيــرٌ لــكم’’

**قمر هيا** · 2010-04-08, 18:50

وعسى ان تكرهوا شيئا وهو خير لكم.........

افتكيتي من المشااااكل وعوار الراس

**نهر الحياه** · 2010-04-08, 18:52

ماتعرفي وين الخير

وبعدين عشرين يوم شوي اقل عن شهر ملجه وطلاق

أحس مو وقت انه يحبج وتحبيه معقوله هالفتره حبيتيه

وتعلقتي فيه ؟؟؟

المهم اختي حاولي تضبطين اعصابج ...وتفكري في نفسج

هل وقفت طموحاتج عند هذا الحد ومستقبلج انهار

انتي احسن عن غيرج طلاق من غير عشره او دخله او عيال

ولا تحطي ف بالج انه هالفتره كلها تعلقتي فيه

هذه حياه مستقبليه ...وانتي كنتي بتكوني الثانيه

ماتعرفي ظروف الزوجه الأولى ....احتمال هو ظلمكم انتو الثنتين

ارضي بالواقع ..واحساسج برضا يولد لج قناعه وشعور

بتفاؤل

الله يوفقج

**ميـــااري** · 2010-04-08, 18:53

السلام عليج و رحمة الله و بركاته

اللهم أجرني في مصيبتي و اخلف لي خيرا منها
اللهم أجرني في مصيبتي و اخلف لي خيرا منها
اللهم أجرني في مصيبتي و اخلف لي خيرا منها

لا حول و لا قوة إلا بالله العلي العظيم .. ادعي بهالدعاء الغلا .. و عسى الله يفرج همج و كربج
ماعليه .. ان شاء الله الأمور بتنحل حبيبتي .. بس كوني واثقه بالله و اتفائلي
و ان شاء الله يكون سوء تفاهم و غلطة بدرت منه و بتتصلح بإذن الرحمن فديتج ..

و اذا الله قدر و انتهى الموضوع على جذه .. لا تيأسين الغلا .. و تمي ادعي .. اللهم أجرني في مصيبتي و اخلف لي خيرا منها

ما تعرفين يمكن الله كتب هالموقف يصير عشان سبب خير نحن مب عارفينه سبحان الله !

عسى الله يعوضج و يفرج همج و يصلح الحال يا غناتي و ان شاء الله يااارب
الله يخفف عليج و يشل عنج حزنج ..

**عشان الحب** · 2010-04-08, 18:55

حبيبتي والله
ماتستاهلين ....

الله ينتقم منهم ورددي حسبي الله ونعم الوكيل فيهم

لاتفكرين واايد
(( وعسى أن تكرهوا شيئا" وهو خير لكم ))

**سمسانه** · 2010-04-08, 18:56

خليه يولي
برايه جي بس هو الوحيد بالدنيا والله ألف وااااحد يتمناج غناتي
بس لاتظايجين بعمرج ولاتعبين حالج
علشان صحتج وعلشان أمج واهلج حبوبتي فديتج
الله يرزقج بغيره

**ga6utah** · 2010-04-08, 18:58

والله صدق اغلب الرياييل مايحسون’’
يوم انت مــب كفــو حــرمــة ليــش تعرس ’’
شو ذنـــبج انتـــي’’حتى لو انــج رضيتــي تكونيــن الثانيــة تراه نصــــيب’’
عســـب جي الوحــدة لازم تفــكر قبل لاتاخذ واحــد معــرس ’’
حسبي الله ونعم الوكيل عليه بيلقاه في بناته

**UAEGIRL08** · 2010-04-08, 18:58

وعسى ان تكرهوا شيئا فهو خير لكم

**جمر بارد** · 2010-04-08, 18:58

احسن

لج

قبل العرس

مب عقب ما تعرسين بتكون الصدمه اقوى

خصوصا انه معرس\

وموقفج ع كف عفريت ع قولتهم

قولي اللهم اجرني في مصيبتي واخلفلي خيرن منها

وخليها للايام

**Raa7eel** · 2010-04-08, 18:59

يمكن ماكان حب مجرد بدااية ... لان مهما كان الزواج عشرة عمر .. والحب الحقيقي بعد الزواج

بس باعتقادي الاحسن انج تعرفين السبب عشان ماتمين طول حياتج تفكرين وتدورين السبب ..

ماتعرفين ربج وين كاتبلج الخير .. اصبري واستغفري وتوكلي عرب العالمين

والي رزق غيرج قادر على رزقج .. ادعيه والله يصبرج ويرزقج بالزوج الصالح

**فاطمةالحمادي** · 2010-04-08, 18:59

الخيــــــــــــــرة فيـــما اختــــــاره الله

الموضوع: مظلومة ارجوكم ردوا علي

أدوات الموضوع

عرض

مظلومة ارجوكم ردوا علي

المزيد من آخر المواضيع من نفس القسم:

المواضيع المتشابهه

ارجوكم ردوا علي ........

ارجوكم ردوا علي

ارجوكم ردوا علي

ارجوكم ردوا علي

ارجوكم ردوا علي