تعبت ....

[مالك غيري]

بنااااااااااات بليز ساعدوني عطوني حل ....

انا معرسه صارلي 9 شهور واحينه حامل ... بس احس انه ريلي تغير واااااااااايد مب شراااااااات قبل ما يحب يطلع معاي ابد وما يحب يقعد فالبيت يعني ما يقولي خلا نظهر او شي فخاطرج ..مثلا انا عندي اجازه قلتله يالله نروح تايلاند خاطري اشوفهااا ما اعرف شو ياااه سار وخذ دوره فدوامه ما اعرف ليش؟؟ قبله انته الللي طلبتهااا قالي والله هم عطوني اياهااا ...
احس اني معرسه صارلي 10 سنوات ما ادري شو السبب معنه والله ثم والله اني ما مقصره فيه لبس والبس له وجو رومنسي اسويله ومفاجأت اسويله يعني ما احسن اني مقصره وياااه ...

ناقشته بهالامر وخلاص من كلامه احس انه صدق بيتغير بس للاسف ما يتغير شي ....
عطوني حل يمكن لاني حملت بسرعه ... استغفر الله ....

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[نسل الاحرار]

الله يسعدك دامك مو مقصره معاه بشي
يمكن عشانك حامل ومايبي يتعبك ويخاف على البيبي

[مالك غيري]

الله يسعدك دامك مو مقصره معاه بشي
يمكن عشانك حامل ومايبي يتعبك ويخاف على البيبي

هو اصلا مو مهتم بالبيبي ولا عمره سألني كم صارلك ؟؟

مشكوره حبوبه ع المرور

[دلوعه2008]

الله يعينج

[وردة الدار]

حبيبيتي الي تمرون فيه شي عادي لأني انا بعد مريت فيه في اول سنه زواج وكنت حامل بعد ... حبيبتي ريلج ماتغير كل الموضوع انج استويتي حساسه بسبب الحمل وتبين اتشوفين اهتمام اكبر من ريلج ... هذا عادي وهي فتره وبتعدي بس انتي هدي بالج ولاتخلين هالشي يشغلج وايد وصدقيني ريلج يحبج وفرحان لأنه بيستوي ابو بس رياييلنا مشكلتهم مايعبرون عن عواطفهم... الله يسهل عليج الحمل والولاده وتربين بالسلامه

[العوف]

الله المستعان

[لذة عذابه]

الريايل حالات

[ديــايــه]

الغاليه اتعرفين احنا شوه مشكلتنا ..

نتحرا العرس كله ظهرات وردات وحب ورومنسيه ..

بس عقب فتره ننصدم بالواقع ..

شوفي الغاليه طبعا اول العرس غير يكون الوله والعواطف ..

وعقب فتره يستوي نوع من التعود .. بس مب معناته خلاص مايحبج او مايباج ..

لا تنسين انه هاي حياه يديده .. كل شي اختلف عنده صار مسؤول وان شاءالله قريب بيستوي اب ..

ماتعرفين شوه من مشاعر تمر عليه .. او شوه هوه يفكر فيه ..

وانتي حامل والهرمونات لاعبه لعبتها .. تبين اكثر اهتمام وحب وانتباه ..

بس ترا رياييلنا بشكل عام مايعرفون يعبرون ويوم تقوليلهم يقولج لازم انتي تحسين بشعوري مايحتاي اقول .. الافعال الي ادل مش الكلام ..

يعني انتي لاتحسسين هاي بدايه العرس الين كل واحد يتعود على طبايع الثاني وكل واحد فيكم يعرف كيف يتعايش مع الثاني ..

انتي خذي الامور ببساطه اكثر .. لاتعقدين الامور من بينكم

انتي سوي اللي عليج من اهتمام ولا تتوارين في اظهار مشاعرج ..

وهوه بيتعود شوي شوي ان شاءالله ..

ربي يسعدكم دنيا واخره .. ويسهل عليج ولادتج يارب ..

[مدام راك]

عزيزتي افتحي النقاش مره ثانيه و هالمره حطو النقاط على الحروف
يعني توصلو لحل .. كل واحد شو اللي بيغير في نفسه .. و ذكريه عقب اذا ما تغير
الرياييل يختلفون .. شوفي ريلج شو كان يمدح فيج او شو كان يحب فيج و ركزي على هالناحية .. ذكريه انج تحبينه و بأن اهتمامه فيج يأثر ع نفسيتج .. مراجعاتج للحمل حاولي تكون وياه .. خليه يشوف البيبي في الجهاز
لا تخلين سوالفج وياه عن متاعب الحمل و اللوعه و غيره .. حاولي تسوين اللي يحبه

ولا تلومين اللي فبطنج .. لا انتي ما حملتي بسرعه ان شاءالله تتعدل الاوضاع و تستانسون بالبيبي .. عسى الله يخليكم لبعض

[شيخة شيوخ]

الله المستعان والله يوفقكم

[ايامي مريرة]

استوت لي مره وواجهته طلع كان متضايق من بعض تصرفاتي

لكن مع الايام اتأقلمنا ع طباع بعض والله يسرها

الله يصلح مابينكم وترجعون مثل قبل واحسن اختي

الحين مو مقدر قيمتج لكن مع الوقت بيرجعلج انشالله الله يسخره لج حبووووووووووووووووووووووووبة

ويعطيج كل الخير ويقومج بالسلامة ويسهل عليج

[غلا علي]

الله يكون فعووونج

تحملي يا ختيه

كلنا نعاني جيه

[كنوشه22]

حبيبتي كل الرياييل جي بس اصبري عليه انشالله بيتغيرِ
ِِِِِِِِِِ
انا كنت نفسج ما أحس بهتمام ياما تمر علينا مناسبات بس ولا يعبر عادي عنده الدينا بخيرِ
ِِِِِِِِِِ
وانا كل الوقت اصيح ويشوفني بس قلتلج عااااااااااااادي بطقاق
ِِِِِِِِِِ
حتا كنت اقوله حشا مب كأنا معرسين من سنه جنهن 10 سنوااااات لأن ابد مايطلعني مكان انتي تصدقين ما طلعني غير مرة وحده فندق اول ماعرسنا و الله استحي واتيني الغصة يوم كانو يسالوني ما اعرف شو اقول "فـــــــضـيييييحه"
ِِِِِِِِِِ
أما عن الحمل مشاااااالله من الهم و الغم ياني السكر وقمت آخد انسواين
ِِِِِِِِِِ
نصيحة مني لاااااااا تفكرين وااااااايد بس كوني مأدية الواجب معاه على أكمل وجه ،ودايما كوني راااااضيه وأدعيله وصلي قيام ليل وعليج بالاستغفار
السموووووووووحة طولت عليج

[مالك غيري]

حبيبتي كل الرياييل جي بس اصبري عليه انشالله بيتغيرِ
ِِِِِِِِِِ
انا كنت نفسج ما أحس بهتمام ياما تمر علينا مناسبات بس ولا يعبر عادي عنده الدينا بخيرِ
ِِِِِِِِِِ
وانا كل الوقت اصيح ويشوفني بس قلتلج عااااااااااااادي بطقاق
ِِِِِِِِِِ
حتا كنت اقوله حشا مب كأنا معرسين من سنه جنهن 10 سنوااااات لأن ابد مايطلعني مكان انتي تصدقين ما طلعني غير مرة وحده فندق اول ماعرسنا و الله استحي واتيني الغصة يوم كانو يسالوني ما اعرف شو اقول "فـــــــضـيييييحه"
ِِِِِِِِِِ
أما عن الحمل مشاااااالله من الهم و الغم ياني السكر وقمت آخد انسواين
ِِِِِِِِِِ
نصيحة مني لاااااااا تفكرين وااااااايد بس كوني مأدية الواجب معاه على أكمل وجه ،ودايما كوني راااااضيه وأدعيله وصلي قيام ليل وعليج بالاستغفار
السموووووووووحة طولت عليج

نفس الشي يستوي معااااي ...

[بسمة فجر]

ريحي بالج هذه أمور ادية مع الأيام بتعرفين كل شي اهتمي بنفسج و بالبيبي
و إن شاء فترة و بتعدي
حاولي تشغلين وقتج بشي مفيد