~{! رقية و ماي و زيت !} ~

**Miss.Feminine** · 2010-04-06, 12:13

السلام عليكم بناات

ان شاء الله كلكن بخـــير

اليوم و انا اقرى ردود البنات على موضوع من المواضيع

قريت في توقيع وحده ما اذكر اسمها من زود الغصه يعني ما افتكرت بالاسم

!!

المهم توقيعها فيه انها تبيع :

ماي و زيت مقراي عليه من الشيخ عبدالله السدحان و اتييبه من الرياض

الماي بـ 20 و الزيت بـ 25

طبعا مادري عن التوصيل بكم !!

اللي مزعلني اني انا طلبت الماي من موقع الشيخ عبدالله السدحان

عن طريق مندوب في دولتنا الحبيبه ريال مواطن

و لكل دوله حاطين مندوب يوصللج الماي و الزيت مع كتيبات دينيه و كاسيت + سيدي الرقية الشرعيه بصوت الشيخ عبدالله السدحان

+ كتيب ارشادي و ملزمه ارشاديه و توعويه

وكله ببلااش

يوصلج للبيت عن طريق الارامكس

تدفعين فقط للارامكس قيمة التوصيل

و يوصلج خلال 24 ساعه

لانه الشيخ مب محلل البيع ولو حد طلب منج فلوس حق الماي والزيت تبلغين عنه !!

حتى الاستيكر اللي على الماي و الزيت مكتوب عليه انه ببلااااش وما تدفعين ولا عانه !!

ولهم قناة عالتليفزيون و لهم موقع للمنظمه وكلها للشيخ عبدالله السدحان

انا ما تطمنت و لا ارتحت و وثقت فالموقع و الشيخ الا بعد ما عرفت انه ببلاش ولله فالله ونيته الهداية و الشفاء

لانه اللي يطلب مقابل انا ما اعتبرة مطوع او شيخ نيته العدايه و الشفاء ولا اصدقه

--
-----
--------
-----
--

فحبيت اقول للي تبيع الماي و الزيت

حرام اللي تسوينه

لا تبيعين هالماي والزيت

و فيدي الناس المحتاجه للشفا لا تستغلين قلت الحيله و ضعفهم و رغبتهم في الشفا

حتى لو تشوفين انه المبلغ 20 ولا 25 شي هين وبسيط

حتى لو ب 5 دراهم

المسأله مب مسألتة فلوس برايها البيزات ولا شي

هذي أمانه

و حبيت انبه البنات

وحبيت اقول للبيدشن و بيقولن فضحتي الحرمه

و لا شهرتي فيها

انا ظميري مرتاح

و السمـــــــــوحه

المزيد من آخر المواضيع من نفس القسم:

*** ام خماس *** · 2010-04-06, 12:55

يزاج الله خير00والله يهديناا لماا يحب ويرضى

**شذى الروح** · 2010-04-06, 12:59

يزااج الله خير
والله يهدي اليمييع,,

**أم عوض88** · 2010-04-06, 13:05

الله المستعان

**حرمه يديده** · 2010-04-06, 13:06

حتى انا شفت التوقيع و استغربت .. بس جان راسلتيها ع الخاص تنبهينها ؟!

ع العموم الله يهدي الجميع ..

**ثريا النجوم** · 2010-04-06, 13:07

يزاج الله خير الغاليه على التنبيه

**دار ثيبان** · 2010-04-06, 13:09

مشكوره الغاليه على التنبيه

**حور 123** · 2010-04-06, 13:09

انا بعد استغربت لما شفت التووووووقيع

الله يهدي الجميع

**اشوااك ناعمه** · 2010-04-06, 13:14

انا معاكي بكل الكلام
ليش نبيع الي ما ينباع
مشكووووووووووره اختي
والله يوفقك
وربي يهدينا ويهدي الجميع

**حلم المسافر** · 2010-04-06, 13:30

جزاك الله خير وكثر الله من أمثالك ...
فعلا المنتوجات للشيخ جميعها مجانا ...
وهاي صورتها ...

**StranG LOovE** · 2010-04-06, 13:47

احسن تستاهل عيل شو بعد ها التصرف

**bissanza** · 2010-04-06, 13:50

الله المستعان

**مبدعة الامارات** · 2010-04-06, 14:03

اولاااااا وقبـــــــــل كل شي النصيحه عشان يكون ضميرج مرتاااااااح لازم تكون بالسر يعني بالخاااااااااااص وعمر النصيحه الصادقه ما كنت جهر بس ماقول غير حسبي الله ونعم الوكيل

ثانيااااااا واقسم بالله العظيم يمين اتحاسب عليه يوم الدين اني ماخذه الزيت والماي لكل علبه عشره ريال من عطار الحمود باسواق طيبه واي وحده عايشه في الرياض بتعرف ان كلامي صحيح وما خذيته ببلاش ابدااااا

ثالثا كنت اجهل ان في مندوب يوصل واجهل تماما انه مب محلل اي حد يبيع الزيت او الماي ببيزااااات قلت افيد الناس هنيه بمبلغ مقدور عليه

رابعاااااااا انا ما ارضى اي فلس حرام يدخل على جيبي انا اماراتيه وعندي اولاد اخاف عليهم ونا حذفت التوقيع حتى قبل لا اشوف موضوعج اللي اثار غيضي بس ماقول غير حسبي الله ونعم الوكيل كان عندج الخاص يابنت الحلال ليه مالجأ تيله

**Um Hazza33** · 2010-04-06, 14:05

يزاج الله خير

**Miss.Feminine** · 2010-04-06, 14:35

المشاركة الأصلية كتبت بواسطة مبدعة الامارات

اولاااااا وقبـــــــــل كل شي النصيحه عشان يكون ضميرج مرتاااااااح لازم تكون بالسر يعني بالخاااااااااااص وعمر النصيحه الصادقه ما كنت جهر بس ماقول غير حسبي الله ونعم الوكيل

ثانيااااااا واقسم بالله العظيم يمين اتحاسب عليه يوم الدين اني ماخذه الزيت والماي لكل علبه عشره ريال من عطار الحمود باسواق طيبه واي وحده عايشه في الرياض بتعرف ان كلامي صحيح وما خذيته ببلاش ابدااااا

ثالثا كنت اجهل ان في مندوب يوصل واجهل تماما انه مب محلل اي حد يبيع الزيت او الماي ببيزااااات قلت افيد الناس هنيه بمبلغ مقدور عليه

رابعاااااااا انا ما ارضى اي فلس حرام يدخل على جيبي انا اماراتيه وعندي اولاد اخاف عليهم ونا حذفت التوقيع حتى قبل لا اشوف موضوعج اللي اثار غيضي بس ماقول غير حسبي الله ونعم الوكيل كان عندج الخاص يابنت الحلال ليه مالجأ تيله

لا تتحسبين حبيتي

اولا

انا كنت اجهل من تكونين وفريت المتدى فرر ادورج

و النصيحه سواء عالعام او فالسر كلها نصيحه و ايه نعم ضميري مرتاح

ثالثا الواحد من يبتدي مشروع يدور زين و يبحث عنه قبل لا يبيع و الانترنت زااخر بالمعلوومات

و اصلا موجود على استيكرات المنتجات و الغرش و الاكياس نفسها انه ببلااش و ما ينباع !!

فلا تتحسبين عليه

تفهمي موقفي كأنسانه انا متعامله وياهم و واايد احب الشيخ عبدالله السدحان فالله و احترمه

لو كنتي مكاني كنتي بتسوين نفس الشي

و السموحه

الموضوع: ~{! رقية و ماي و زيت !} ~

أدوات الموضوع

عرض

~{! رقية و ماي و زيت !} ~

المزيد من آخر المواضيع من نفس القسم:

المواضيع المتشابهه

رقية المريض

شيخ رقية

ام رقية

رقية للعقـم والإســـقاط

رقية الشيطان !!