متزوجة وتشتغلين بعد ؟؟؟؟!!!!!!

[زهرة السوسن]

انا من راي البنت والمترزوجه وما عندها اعيال تشتغل مب مشكله وتساعد ريلها وتصرف على عمرها بس اذا كانت عندها اعيال وريلها قادر يصرف عليها بالحد المعقول افضل انها تقعد في البيت تربي اعيالها وتجابل ريلها وما تعتمد على الخدمات ....
الا اذا كانت محتاجة وفلوس ريلها ما تكفي للصرف على البيت تتحمل الشغل والصرف والمشاكل الا بتي من الخدامات

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

[مي الاماراتية]

احيانا مايكون دافع الزوجه في الشغل هو المعاش ... احيانا يكون الدافع الكارير نفسه ...

في رياييل يبوون يشوفون حريمهم ماسكين مناصب ومتفوقات ..

اعرف شخص من هالنوع.. يشجع زوجته انها تشتغل مب لدافع مادي ... لانه يبغي يشوفها ماسكه منصب...وناجحه ويقول ان الحرمه اللي تيلس في البيت عقلها يصغر.. والحينه الدنيا تغيرت ...

بس بالنسبة لي اشووف ان طاعة الزوج اهم .. واذا هو مب راضي تشتغل الحرمه فالافضل انها تجابل بيتها وعيالها ... ومهما قالت الحرمه انها بتوفق بين شغلها وبيتها فأنا بكل ثقه اقول صعب وايد توفق الحرمه بين بيتها وعيالها وزوجها وشغلها ....

وفي نفس الوقت الزوجه اللي تشتغل بتساعد زوجها في المصرف وللاسف اغلب الرياييل يبدوون يعتمدوون على حريمهم في وايد اشيا ....

[أم ريم دبي]

من اتزووجت وانا يالسه في البيت لاني احس ان الوحده صعب اتوفق بين البيت والشغل و الريل العيال ..
يعني اذا الحرمه اشتغلت لازم بتحس انها مقصره في شي معين ياما العيال ولا الريل .. فتيلس في البيت احسن لها وتربي عيالها وتجابل ريلها اذا كان هو هب مقصر عليها ..
بس في حالة ان الريال يبا حرمته اتساعده في المصاريف , احس ان الحرمه لازم تشتغل وتساعد ريلها لين ما يقدر انه يعتمد على عمره روحه في كل المصاريف ..

[*فراولة*]

الصراحة مكان المرأة بيتها و اهم عمل لها تربية عيالها ......و غذا ريلي (المستقبلي ....امييييييييييييين .....)اترك الشغل ..من عيوني ..طبعا إذاهو قادر على المصاريف ..و قسط السيارة و ما له و عليه من امور الدنيا (اللهم اللطف اللطف ) ليش لا ....جلست البيت و تربية العيال و الاهتمام بالزوج من اهم و اشرف و انبل عمل للمراة و استر لها .... و تدرون المراة نص المجتمع ....و هي الراعي ..و حبيباتي كثير متزوجات يبون يتركو وظايفهن لانهن حسوا بمدى تقصيرهن للببيت و العيال .... والكثير منهن سببت لهن طول الدوام بمشاكل ( ...الطلاق او ظهور الزوجة الثانية )لعدم مقدرة الزوجة على التوفيق بين الدوام والبيت..
وكان الله في عونهن

[أم حمزوزي]

أنا معاكم ضد عمل المراة، بركة المرا يوم تيلس في البيت.......................

[ماماة الامارات]

أشكر كل اللي ردوا على الموضوع واهتموا فيه .... شكلنا بنسوي جمعية حريم البيوت .... ولا شوه رايكم شوه نسمي الجمعية .؟؟