كرهت ريلي !!!

**اذكروا الله** · 2010-03-31, 00:22

لاحظت من كلامج كله تطرين سلبياته وطبعاً كلامج من قلب مجروح ومقهور
لج الحق انج تزعلين
ابتعدي عنه فتره لأن الظاهر المشاكل بينكم واصله السما
سوي سبيس بينكم بس مب وايد يعني اسألي عنه وايلسي وياه لدمرين حياتج بأيدج
الريال صح خانج وهالشي يعور القلب بس خل الخسارة هني وبس
لتخسرين عمرج كل شي

**حزن قلبي** · 2010-03-31, 00:43

الله يعينج

**dnyailwalah** · 2010-03-31, 00:43

عيشي حياتج وسويله طاف حتى لو فالبيت الريال من يحس الحرمه فيها غموض او انها صارت غير ومطنشتنه بروحه يضربه خبال...

لان الحرمه كتاب مفتوح جدام ريلها مجرد ماتسكت او يسوودها صمت غريب يخاف الريال انه شيء تحت راسها مابالج اذا شافها احلى من القمر ... ماعيبتيه برايه بس كلج ثقه وفرحي ويا عيالج وضحكي وكوني ربيعات...

خليه يشووفج سعيده بدووونه بيمووووت ويوصلج

**دلووعتهم** · 2010-03-31, 01:15

لا اله الله محمد رسوول الله
الله يعيييييييييييييييييييييينج يارب ويبدل حالج للاحسسسسسسسن ان شاء الله

**ظبايه الحلوه** · 2010-03-31, 01:17

اشتغلي واعتمدي على نفسج بيييييج عقب يركض لانه الريال مهما كان قو يحب الحرمه الواثقه

**أم فلونه** · 2010-03-31, 01:20

ماعليه حبيبتي معذوره ماتنلامين كل وحده تمر في موقفج اككيد تفقد الشعور بالاماان وتحس بالكره صوب ريلها

بس صدقني هالشي مؤقت شوي شوي بترد الامور لمجراها الطبيعي

انتي لاتضغطين ع اعصاابج وخلج ريلاكس

بالنهايه ماحد ينفعج لو خسرتي صحتج لاساامح الله

ماتحبينه ماتبين قربه وتجوفي كداامج اووكي تجنبي هالفتره لا تضغطين ع اعصاابج

للين تهدا اعصاابج وتحسين انج خلص قادره انج تتقربين منه وتحاولين انج تكسبي ردي له

وقووي ايمانج وخلج صبوره عيالج بحاجه لج انتبهي ع روحج والله يسعدج ويسخر ريلج لج يارب

**ارجوانيه** · 2010-03-31, 01:52

من تجربتي مع ريلي

تعلمت ان الريال لما يشوف حرمته مضايقه منه وضارب بوز وتشرد عنه او تفتح

مواضيع المشاكل القديمه فهو يظن انها تحبه مووت وضعيفه لانها بعدها متاثره من جروحه

والله انه لو عاملتيه كاب لعيالج بس واذا تبين شي منه روحي وانتي تتمايلين من

الفرح وتكلمينه وانتي مبتسمه باحلى ابتسامه مو علشانه بس علشان ويهج يكون حلو وجذاب اكثر

وخلي في بالج اذا تبينه يندم ع كل كلمه قالها فكري بالبنات اللي يكلمهم كيف

حركاتهم شو يلبسن كيف يمشون وسوي نفسهم وصدقيني بتنسين كل شي سواه لج

يوم تشوفينه يجي لعندج يبي رضاج ويتاسفلج

واذا ياب سيره الطلاق قوليله لا تطلقني علشان خاطر العيال والحقيقه انج لازم

تتنتقمين منه ومن بنات اللوث ترى يا فرحتهن لو طلقج

**أم الكندي** · 2010-03-31, 02:49

دايما تنصحون بالصبر وليش اهم ماعندهم ذرة صبر
شوبقى اذا يتكلم عليها جي من وراها
زبليييييه ولاتهتمي
اخ لا
اكره الرياييل

**أم الغناه** · 2010-03-31, 02:57

الله يفرج همج...

**.. محتارهـ ..** · 2010-03-31, 08:27

..

عليج بالادعيه و الاستغفار ..

..

**لو_سمحتي** · 2010-03-31, 09:08

المشاركة الأصلية كتبت بواسطة dnyailwalah

عيشي حياتج وسويله طاف حتى لو فالبيت الريال من يحس الحرمه فيها غموض او انها صارت غير ومطنشتنه بروحه يضربه خبال...

لان الحرمه كتاب مفتوح جدام ريلها مجرد ماتسكت او يسوودها صمت غريب يخاف الريال انه شيء تحت راسها مابالج اذا شافها احلى من القمر ... ماعيبتيه برايه بس كلج ثقه وفرحي ويا عيالج وضحكي وكوني ربيعات...

خليه يشووفج سعيده بدووونه بيمووووت ويوصلج

شكرا على ردج

هذا الل اسويه حاليا مطنشتنه ...و ساكته ما يخصني فيه ..احاول قد ما اقدر اشغل نفس ...الحمدلله

عندي وايد صداقات و عند وايد هوايات ..و حاليا بس افكر في نفسي و عيال و هو شالتنه من لستتي...

و الله كريم

**دندونه اماراتيه** · 2010-03-31, 09:40

الله يكون في عونج

**حصوووه** · 2010-03-31, 10:49

صراااااااااااحه ماعرف شو اقووووووولج انتي صبرتي وااااااايد وحاولتي وااااايد ماقدر اتفلسف عليج واقوول اصبري وواتحملي لانج انسانه من دم ولحم ولو كنت مكانج ... أنا عن نفسي مابرد له .. اللي انكسر ما يتصلح والقرار لج ليش دايماًلازم نتحمل اغلاط الرياييل وبلاويهم وننجعم ... عشان نحن حريم .. عادي لازم نصبر يعني والله حاله لابارك الله فيهم كلهم جي .. اذا مابيغازل ... بتلقينه خايس وبذيئ وملوع جبدج .. ولا بخيل ولا ولا ولا مابنخلص

سوي اللي تبينه مايسوى تعيشين في هم طول حياااااااتج يولي الزوااااااااج باللي فيه راحتج اهم لاتسمعين كلام حد الناس وااايد بيرمسووون ومن كل صوب بتيج نصيحه بس محد بيحس في اللي انتي فيه .. ان بغيتي تتحملين انتي حره وان مابغيته فأمان الله قلبي وياج والله
..

**ديــايــه** · 2010-03-31, 11:29

انا الحين بس قريت موضوعج الاول ..

اول الموضوع كنتي كاتبه له كلمات ..

وانتي كنتي تعبانه وايد لانه الموضوع ممكن يوصل للطلاق ..

وكاتبه تحبينه ..

معقوله نسيتي هذا كله؟!!

تتذكرين شعورج يوم كنتي بتتطلقين؟

هل تبين ها الشي ؟؟؟

يوم كنتي بتخسرينه غلى ف عينج وتبينه وادورينه ..

والحين يوم عندج كرهتيه ..

يعني تبين تخسرينه عشان تعرفين قيمته؟؟

الغاليه خاين وعصبي ووو .. وبروحج قلتيها محد كامل يالغاليه ..

مب عشان شي واحد انا انهزم وانكسر واحول حياتي جحيم ..

لازم تغيرين عمرج ولازم تغيرينه .. مافي شي تام للابد

حاولي وياه ودوسي على عمرج .. اتذكري شعورج يوم كنتي بتخسرينه

يمكن ترد المحبه لقلبج .. الحين ها كله لانج مجروحه .. مب عشان شي

هوه جرحج وانتي مب رايمه تنسين ..

الغاليه صح اللي مريتي فيه مب شويه .. بس لاتخلين شي يكسرج

حاولي تتعايشين مع جرحج .. ولو كل وحده فينا انجرحت وبس قالت خلاص ماشي فايده

وماباه .. جان كل الحريم بتحصلينهم مطلقات .. يالغاليه مافي حياه سعيده

مافي شي كامل سواء السعاده او الاشخاص .. ولازم تكون هناك منغصات عليج

المسامح كريم .. افتحي صفحه يديده

وحاولي تكسبين ريلج من اول ويديد يمكن الله يهديه ويودر البنات

الله يعيينج ويسعدج دنيا واخره يارب

**لو_سمحتي** · 2010-03-31, 12:35

المشاركة الأصلية كتبت بواسطة ديــايــه

انا الحين بس قريت موضوعج الاول ..

اول الموضوع كنتي كاتبه له كلمات ..

وانتي كنتي تعبانه وايد لانه الموضوع ممكن يوصل للطلاق ..

وكاتبه تحبينه ..

معقوله نسيتي هذا كله؟!!

ما نسيت بس ما اعرف ليش مشاعري جي تغيرت من صوبه و الله ما ادري ..الانسان ما يقدر يتحكم بمشاعره يمكن لاني كنت احبه و ما اتريا مقابل و كنت اسامحه بدون ما اتريا اعتذار منه هو يغلط و انا اللي اعتذر لاني كنت واااايد احبه

تتذكرين شعورج يوم كنتي بتتطلقين؟

هل تبين ها الشي ؟؟؟

يوم كنتي بتخسرينه غلى ف عينج وتبينه وادورينه ..

والحين يوم عندج كرهتيه ..

يعني تبين تخسرينه عشان تعرفين قيمته؟؟

و منو قالج انه الحين عندي تتحرين علاقتنا ردت لا ....انا مستحيل اعتذر له لاني ما غلطت وهو مستحيل يعتذر باي شكل من الاشكال لانه مايبا يطلع غلطان ...علاقتنا ما تتعدى الكلام الرسمي يوم يبا شي يكلمني و انا نفس الشي يوم ابغي اظهر اكلمه استاذن بس ..ما في ش ثاني بيننا ..و على فكره هو بعده مستمر في اللي كان يسويه و هذا اكبر دليل اني ما اهمه و اللي عنده اهم و اغلى ..وهو اللي بيخسرني مب انا هو اللي بيعرف جيمتي ...الزواج مب بس بيزات و سفر و طلعات اذا ما كان شي احترام و اخلاص ما اعتقد اني بخسر شي

الغاليه خاين وعصبي ووو .. وبروحج قلتيها محد كامل يالغاليه ..

مب عشان شي واحد انا انهزم وانكسر واحول حياتي جحيم ..

لازم تغيرين عمرج ولازم تغيرينه .. مافي شي تام للابد

الحمدلله الحمدلله بفضل من الله رجعت لي ثقتي بنفسي و نفسيتي وايد ممتازه ..اهتم بعمري اتسوق اسير الصالون امارس كل هواياتي و هم معتبرتنه مب موجوده ..عايشه لنفسي و لعيالي ..و الله استوا ما يهمتي يسوي اللي بيسويه سواد الويه حقه هو ....انا الحمدلله صاينه نفسي و راضيه ربي و الله رزقني راحه البال عقب فتره كانت اكثر من الصعبه ..ما عندي سالفه اسير احرق اعصابي على شخص ما يستاهل

حاولي وياه ودوسي على عمرج .. اتذكري شعورج يوم كنتي بتخسرينه

يمكن ترد المحبه لقلبج .. الحين ها كله لانج مجروحه .. مب عشان شي

هوه جرحج وانتي مب رايمه تنسين ..

الغاليه صح اللي مريتي فيه مب شويه .. بس لاتخلين شي يكسرج

حاولي تتعايشين مع جرحج .. ولو كل وحده فينا انجرحت وبس قالت خلاص ماشي فايده

وماباه .. جان كل الحريم بتحصلينهم مطلقات .. يالغاليه مافي حياه سعيده

مافي شي كامل سواء السعاده او الاشخاص .. ولازم تكون هناك منغصات عليج

المسامح كريم .. افتحي صفحه يديده

وحاولي تكسبين ريلج من اول ويديد يمكن الله يهديه ويودر البنات

اذا حسيت لو واحد بالميه انه هالانسان يحبني و شارني و انا اسوي وايد عنده و الله بسامحه بس الحين مستحيل اسامحه انا ما اقوله شي مووول ساكته عنه كيفه يسوي اللي بيسويه الله يمهل و لا يهمل...

الله يعيينج ويسعدج دنيا واخره يارب

الموضوع: كرهت ريلي !!!

أدوات الموضوع

عرض

المواضيع المتشابهه

دخيييلكم كرهت ريلي

ريلي خاني !!! ريلي عيونه زايغه !!! ريلي اتزوج عليه !!!! الخ الخ

خلاص كرهت ريلي ماباه .. !!

كرهت غرفة نومي وبيتي كااامل والسبب.... ريلي!!!!!!!!!! هيييلب مي بلييييز

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش