كرهت ريلي !!!

[لو_سمحتي]

السلام عليكم
هذا موضوعي عشان تفهمون السالفه !!!
http://forum.uaewomen.net/showthread.php?t=675620

كرهت ريلي مشاعر حب 5 سنين كلها انجلبت كره ...كملت اكثر عن اسبوع مب جايفه ويهه
مب متحمله اشوفه ..ما احب اسمع صوته ..

ما ادري ليش جي ..

يوم يكون في البيت تييني ضيجه ابغيه يطلع ..ما ابغيه ....

ما يهمني اذا يخوني و الا ما يخون ..مايهمني شو يسوي من الاساس ..بس ما ابغيه يرد البيت

استويت ما ادانيه ..من عقب سالفت المواجهه ووصولها للطلاق هو يحاول يكلمني

يطلب من اسويله غدا او عشان او يسال عن شي

سار الدوام ارتحت قلت الحمدلله ما بجوفه طول هالمده ما يتصل ما يسال و الله مب زعلانه ..بالعكس

انا نفس الشي ما اتصل فيه ..بس اتصل يوم ابغي اظهر اخذ اذن منه


اليوم رد الظهر من رجع و انا ظاربتني ضيجه ..ما ابغي اجوفه او حتى اسمع اصوته

كل ما اتذكر كيف فضل بنات ما يسوون بيزه عليا و انا حلاله اكرهه زياده ..كل ما اتذكر دعاويه

اكرهه زياده .كل ما اتذكر كيف يلعن الساعه اللي خذني فيها و انه ندمان انه خذني اكرهه زياده

كل ما اتذكر انه سحب عني بطاقت البنك و قطع عني خدمت البلاك بيري اكرهه زياده يعاقبني على

خيانته لي ..يعاقبني بس عشان اتكلمت و اعترضت ..ما احس بالامان ..اليوم البطاقه و البلاك بيري

باجر بيسحب عني اشيا ثانيه و الله ما احس بامان معاه ..استوت عندي قناعه اني ما املك شي

في هالدنيا غير عيالي بس و الباقي كله له ...

شو اسوي ..كيف بعيش معاه في بيت واحد و انا كارهتنه كيف بتقبله .و الله في شي داخلي استوا

مب عارفه شو .

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كيكة الكرز]

السلام عليكم ورحمة الله وبركاته
حبيبتي اهدي وصلي على النبي كان بينكم قصة حب وعلاقة قوية والحين الوضع اختلف انزين ليش ما فكرتي ليش انا ما بقول العيب في حد منكم بس يمكن مسويلكم سوا او حسد او عيرة من احد الله يفرج همج بس حبيت انبهج لشئ يمكن انتي غافله عنه لأن في واااااااااايد حاقدين يخربون على المرتاحين في حياتهم ابدا لا تقولين لحد ان ريلج يموت فيج ولا سوى لج شئ حلو لأن في ناس حياتهم كلها حزن وتعاسة ويغارون من الناس السعيدين في حياتهم والله يفرج همج وهمي لأن مشكلتي اكبر من مشكلتج ان ريلي ما يعبرني يموووووووووووول ويغيب عني بالشهور ولايسأل عني وانا بعدني عروس صار لي بس ستة اشهر ويعاملني بالهطريقة بس مالي غير الله الجأ اليه وهو القادر ان يحول حياتي الي احسن حال .

[لو_سمحتي]

السلام عليكم ورحمة الله وبركاته
حبيبتي اهدي وصلي على النبي كان بينكم قصة حب وعلاقة قوية والحين الوضع اختلف انزين ليش ما فكرتي ليش انا ما بقول العيب في حد منكم بس يمكن مسويلكم سوا او حسد او عيرة من احد الله يفرج همج بس حبيت انبهج لشئ يمكن انتي غافله عنه لأن في واااااااااايد حاقدين يخربون على المرتاحين في حياتهم ابدا لا تقولين لحد ان ريلج يموت فيج ولا سوى لج شئ حلو لأن في ناس حياتهم كلها حزن وتعاسة ويغارون من الناس السعيدين في حياتهم والله يفرج همج وهمي لأن مشكلتي اكبر من مشكلتج ان ريلي ما يعبرني يموووووووووووول ويغيب عني بالشهور ولايسأل عني وانا بعدني عروس صار لي بس ستة اشهر ويعاملني بالهطريقة بس مالي غير الله الجأ اليه وهو القادر ان يحول حياتي الي احسن حال .

اختي شكلج ما قريتي موضوعي الاول

ريلي خاين و جذاب و فوق هذا كله يسبني و يدعي عليا طول الوقت

خمس سنين و انا متحمله و اخر شي انفجرت ما قدرت خلاص

و انا من النوع اللي اتكلم عن ريلي او اطريه

و الله يعينج يا رب بس انتي توج عروس شو بلاه ريلج

الله يعيني و يعينج ...

[cute uae]

أختي اقري سورة البقرة و استغفري وايد و بتشوفين خير ان شاء الله


جربي فديتج

[الــــورده]

الله يعينج غمظتيني

بس الغاليه خلج قويه شو ماعندي شي غير عيالي لا عندج كرامتج ونفسج وهي الاهم طبعاااا

لاتعتمدين عليه في شي كوني معتمده على نفسج وحاولي ماتفكرين بالسلبيات فكري بالاشياء الحلوه مب بس وياه

لا فالدنيا كلها عيشي حياتج ويوم بتنشين من النوم قولي اليوم ابا اعيشه وانا مستانسه شفت ويهه والا ماشفته

اقنعي نفسج انج احسن عن غيرج وعطي نفسج الامل والا بتتعبين وايد .. غيري حياتج وخلي الاوليه لنفسج بس وعقب عيالج وفالاخر ريلج

دلعي نفسج لاتبخلين على عمرج في شي مب معناته تهملين عيالج لا خلي يوم واحد خاص فيج الحياه بتعيشينها مره وحده

حاولي تعيشينها والله راضي عليج وبتكونين راضيه عن نفسج وحياتج يعني باختصار عامليه بموده واحسان كصدقه وعشان ربج يرضى عليج انتي بسسسسسسس


وربي يبرد على قلبج ويفرحج بعيالج ان شاء الله

[أم خالد الحلو]

حبيبتي الغالية
أدري إنه الأمر وااااايد صعب ومب شوي اللي سواه فيج

بس أحياناً الحرمة تصبر لأجل عيالها .. وإنهم ما يكونون بعيد عن امهم وأبوهم

الغالية
عطيه فرصة لأجل عيالج ..
اذا شفتيه حالياً متغير للاحسن .. اصبري

أكثري من الاستغفار والدعاء .. واقري سورة البقرة بنية الله ييسر أمورج ويهديه

وإن شاء الله .. ربي بيصلحه وبيهديه
الحياة حلوة رغم مرارتها ..
وعيالنا وفرحتهم .. تخلينا نتراجع عن أمور وايد

اصبري فديتج وعطيه فرصة .. أكيد هو ندمان وغلطان
وربما كانت بداية صفحه يديدة

صدقيني الريال .. شو ما سوا من غلط .. مصيره يعرف قدر حرمته ويعرف انها أحسن عن بنات الشوراع
وهذي فترة وتعدي إن شاء الله

فرفشي وضحكي وطلعي .. ولا تشغلين بالج أو تخلينه همج الوحيد
اذا سويتي جيه . .بتتضايقين وبتشوفين نفسج مهمومه ..
اكشخي وخل يشوفج بهالصورة .. عسب يعرف انه كل اللي سوييته ما أثر فيج نهائياً

الله يييسر أموركم ^_^

[رحلة الحب]

اختي انا قريت موضوعج الاول وصدق قلبي عورني واااايد عليج صعب واايد ان الحرمه تسمع ريلها يدعي عليها جدامها ويواجعها بغض النظر عن خيانته اذا كانت هاي حياتج فهو ريال ماينزعل عليه ولاتذرفين دمعج عليه لان مايستاهلج صح الحرمه واجبها تتحمل وتصبر على زوجها بس اعتقد يوم توصل للعلاقات الغير مشروعه لازم نقول ستوب يوم هو مافتكر في حلاله ليش تفتكرين فيه يوم هو ماخاف عليج من الامراض وغيره شو تبين فيه يمكن الطلاق فيه خيره لج انا ماشجعج على هالشي بس في اعتقادي يوم توصل لهاي الدرجه فالانفصال احسن حل وحسبي الله ونعم الوكيل فيهم اللي مايخافون من الله ويخربون البيوت ورب العالمين فوق ودوم اتحسبي عليهم

[لو_سمحتي]

الله يعينج غمظتيني

بس الغاليه خلج قويه شو ماعندي شي غير عيالي لا عندج كرامتج ونفسج وهي الاهم طبعاااا

لاتعتمدين عليه في شي كوني معتمده على نفسج وحاولي ماتفكرين بالسلبيات فكري بالاشياء الحلوه مب بس وياه

لا فالدنيا كلها عيشي حياتج ويوم بتنشين من النوم قولي اليوم ابا اعيشه وانا مستانسه شفت ويهه والا ماشفته

اقنعي نفسج انج احسن عن غيرج وعطي نفسج الامل والا بتتعبين وايد .. غيري حياتج وخلي الاوليه لنفسج بس وعقب عيالج وفالاخر ريلج

دلعي نفسج لاتبخلين على عمرج في شي مب معناته تهملين عيالج لا خلي يوم واحد خاص فيج الحياه بتعيشينها مره وحده

حاولي تعيشينها والله راضي عليج وبتكونين راضيه عن نفسج وحياتج يعني باختصار عامليه بموده واحسان كصدقه وعشان ربج يرضى عليج انتي بسسسسسسس


وربي يبرد على قلبج ويفرحج بعيالج ان شاء الله

كل اللي قلتيه اطبقه في حياتي...الحمدلله طلعت من جو النفسيه الزفته و اايد نفسيتي تغيرت للاحسن

اطلع و اسير و ارد و امارس هواياتي و اسوي كل شي احبه في حياتي

بس هو مب متقبلتنه في حياتي من رد اليوم و رديت اكتئبت من شفته اتضايجت ما ابغي اشوفه

و الله طول هالفتره ما طرا على بالي ..احسبه استوا شخص مب مهم بس افكر في نفسي و في عيالي

حتى اكسسوارات البيت غيرتها و كل يوم ادخن حجرتي يوم هو محد عشاني ..كل شي اسويه الحين

عشاني مب عشانه ..بس ما ابغيه يرد البيت مب متحملتنه ..

[الجـــوريـــ]

حبووووبه .. مالج غير انج تصبرين عسب العيااال ..وهوو خليه يولي يعني اعتبريه شي مب موجووود ما تدرين يمكن ربي يهديه ويرجع شرااات اول ..

ربي اييسر اموورج انشالله ..

[اللآلئ]

حسبي الله و نعم الوكيل
من قريت سالفتج الاوليه غمضتيني ..
ماا عرف شو اقوول ..
اعصر مخي ابغي ادوور لج حل .. ما عرف كييف ؟؟
ابغي حل رااادع ..
مثلاا :
العااصي اذا سوا حادث مثلا و شااف الموت بعيوونه يتووب و يصلي و يستوي انساان ثااني ..
و الانساان اللي مضيع وقته و يا بناات و ينام ويااهم و ان شااء الله ما يكون ريلج منهم يااااااااارب اذا عرف انه انساان مصاب بالايدز مثلا يتووووووب و يستغفر ..

انتي لازم ادورين حل .. فكري بشوو ممكن ريلج يخاف منه و يردعه عن فعايله ؟؟
دوري نقطه ضعفه!!
حراام والله !

انتي لا تسوين له سالفه و اذا اقترب منج قوولي له بصرااحه اجززززززك وااايد و انا انساانه اخااف من الامرااض ..
و د ايما حسسيه انه منبوووذ .. غيري روتينج افتحي قرآآآآآآآآن فبيتج خليه يستغرب ..
اقري جدااااااامه قرآآآآآآآآن صلى صلاة قياام الليل و خليه ينتبه لج ادعي بصووت عااالي و انتي تصيحيين فلييل و هو يسمع و رديي هالكلماات ( ياااا رب انا عبدتك الطاااااااهره النقيييييه .. انا محتااجة لك .. ماا عندي حد سواااااااك اشكيله همي .. انا مهموووومه .. احفظ لي ابنااائي من فعل الكبااائر التي يفعلهااا الفاسقوووووون .. استرني في بيتي و استر اهل بيتي .. اللهم ابعد زووجي عن الكبااائر و غض بصره ) اي دعااء يقربج من الله و يحنن قلب زووجج .. خلييييييييه يحس .. من يقوول لج شي قوولي له ان شااء الله ان شاء الله حااضر حااضر ،، كلميه بحتراام خليه يستحي منج و يستحي من نفسه .. بيني له انج مب كاارهتنه بس منبووذ يعني وجووده و عدمه وااحد ..


صدقيني ترا كل ريال يتمنى يااخذ بنت تخااف الله و تذكر الله و محترمه عشاان تربي اعياله و يرمسوون هذول للتسليه فقط ^^
الله يعينج

[لو_سمحتي]

حسبي الله و نعم الوكيل
من قريت سالفتج الاوليه غمضتيني ..
ماا عرف شو اقوول ..
اعصر مخي ابغي ادوور لج حل .. ما عرف كييف ؟؟
ابغي حل رااادع ..
مثلاا :
العااصي اذا سوا حادث مثلا و شااف الموت بعيوونه يتووب و يصلي و يستوي انساان ثااني ..
و الانساان اللي مضيع وقته و يا بناات و ينام ويااهم و ان شااء الله ما يكون ريلج منهم يااااااااارب اذا عرف انه انساان مصاب بالايدز مثلا يتووووووب و يستغفر ..

انتي لازم ادورين حل .. فكري بشوو ممكن ريلج يخاف منه و يردعه عن فعايله ؟؟
دوري نقطه ضعفه!!
حراام والله !

انتي لا تسوين له سالفه و اذا اقترب منج قوولي له بصرااحه اجززززززك وااايد و انا انساانه اخااف من الامرااض ..
و د ايما حسسيه انه منبوووذ .. غيري روتينج افتحي قرآآآآآآآآن فبيتج خليه يستغرب ..
اقري جدااااااامه قرآآآآآآآآن صلى صلاة قياام الليل و خليه ينتبه لج ادعي بصووت عااالي و انتي تصيحيين فلييل و هو يسمع و رديي هالكلماات ( ياااا رب انا عبدتك الطاااااااهره النقيييييه .. انا محتااجة لك .. ماا عندي حد سواااااااك اشكيله همي .. انا مهموووومه .. احفظ لي ابنااائي من فعل الكبااائر التي يفعلهااا الفاسقوووووون .. استرني في بيتي و استر اهل بيتي .. اللهم ابعد زووجي عن الكبااائر و غض بصره ) اي دعااء يقربج من الله و يحنن قلب زووجج .. خلييييييييه يحس .. من يقوول لج شي قوولي له ان شااء الله ان شاء الله حااضر حااضر ،، كلميه بحتراام خليه يستحي منج و يستحي من نفسه .. بيني له انج مب كاارهتنه بس منبووذ يعني وجووده و عدمه وااحد ..


صدقيني ترا كل ريال يتمنى يااخذ بنت تخااف الله و تذكر الله و محترمه عشاان تربي اعياله و يرمسوون هذول للتسليه فقط ^^
الله يعينج

مشكوره على ردج ..ريلي بعده ما تطورت العلاقات عنده اكثر عن مكالمات و محادثات على النت ...

بطبق اللي قلتيه مع اني جربت هالحركه من قبل بس بدون فايده يجوفها رياء و اني بالعماله اسوي هالحركات جدامه ..

عندي احساس ريلي ما بيتغير الا اذا يته مصيبه عوده من ورا هالبنات ..عفان الله

[خطيرة الملامح]

الله يسهل أمورج يااااااااارب

ادعي ف صلاتج دوووم

[تاجرة عادية]

الله يوفقج يارب ويسعدج

ماعرف شو اقول

بس ماحبيت اظهر من دون مادعيلج بالخير ..

الله يفتح قلبه عليج وتردون نفس قبل واحسن من قبل يارب

[أم العلالي]

الله يهون عليج ويهديه لج ولعيالكم

عليج بالاذكار والاستغفار وادعيله عسى الله يهديه ويبعد عنه عيال الحرام

عيشي حياتج اضحكي والعبي ويا عيالج جدامه واكشخي 24 ساعه خلي يوم لج تظهرين ويا خواتج والا ربيعاتج ويوم اظهري ويا عيالج ؟؟؟احترميه ولا تفتحين وياه اي موضوع كل ما يطلب منج شي لبيه بسكات صدقيني بينقهر من هدوءج وعدم مبالاتج به ؟؟؟؟ومافي إنسان معصوم من الغلط اذا كل وحده ريلها يخونها تتطلق ما بتم حرمه متزوجه بس اذا حاول ينرفزج ويسبج ويغلط على اهلج قوليله مشكور يا ولد الناس انا ما بغلط في اهلك لانهم اهلي واهل عيالي وانت الله يهديك اقوووووووولج بيتخبل وبستحي على ويهه لازم بيتأثرفي يوم

وإن شاءالله انتي ماجوووره على صبرج ومعاملته بما يرضي الله

[أم غالي]

الله كريم