الجزر المهروس

**::ملاك::** · 2010-03-26, 22:56

السلام عليكم ورحمة الله

خواتي أنا من يومين عطيت بنتي جزر مهروس لأول مرة،، وهي ربي يخليها عمرها 6شهور و نص بس للأسف زاعت كل شيء.. من أول لقمة زاعت،، مع اني كنت عاطتنها شوي بس..
هل من الجزر ولا ؟
اخاف اعطيها شيء ثاني وتزوع بعد..

المزيد من آخر المواضيع من نفس القسم:

**زم_قمر_ان** · 2010-03-27, 00:44

لالا تعطينهاا جزر عطيهاا بطاط وارز

يمكن سبحان الله تتحسس من الجزر

وربي يحفظهاا

**بنت السلطنه** · 2010-03-27, 01:29

عطيها مع عيش وبطاط انا بنتي جي اعطيها والحين كبرت اخلط فيه روب يعجبهااا

**ام فهد وراشد** · 2010-03-27, 14:16

دائما اعطي عيالي وعندي احينه ولد عمره 6شهور يحب الجزر

فوري الجزر مع بطا طا او جزر روحه مع ماجي

حتى يوم اسوي عيش اخليه لين وايد مهروس يعنى شرات الهريس اضيف ماجي

ماجي مكعبات

**راعية الجود** · 2010-03-27, 15:41

حبيبتي فوري الجزر و البطاط و الكوسة . . و بعدين فوري معاه عيش مصري و اهرسي بالخلاطة مال اليهال و ان شاء الله بتتقبله بنتج انا أحبه . . ههههههه

**حلم صيفي** · 2010-03-27, 15:48

ضيفي للجزر بطاطا وارز واخلطيهم ....

لا تحطي مااااااااااجي ابداااااااااااااااااااا

واذا البيبي ما عجبه ممكن تحطي ذرة ملح صغييييييييييييرة ...

والله يخليها لج ^^

**وردة صفرة** · 2010-03-27, 18:57

مااااااااااااااااااجي!!!!!!!!!!
الله يسامحج تقولج ست شهور وماجي بهاااااااراااااااااااات والياهل مب زين له البهارات إلا بعد السنة!!
..
اختي بطاطا ورز وجزر ظربيهم في الخلاط وإن شاء الله مابضرها.. أو كل شي بروحه عادي بعد يعني عيش أو بطاطا .. واللي يناسبها وحسيتيها تحبه عطيها إياه .. التفاح المهروس وااااااااايد زين بعد..

**♥ نبض♥ قلبـي♥** · 2010-03-27, 21:20

الغاليه نصيحتي لج لاتعطين الياهل جزر وهو للحين ما كمل سنه ,, لانه الجزر صعب الهظم عند اليهال وياثر على الكلى حتى السبانخ ابعدي عنهم,, ابدي ببطاط ويا رز وعسب اتحببين الياهل باكله حطي شويه من الحليب يلي يشربه واهرسيهم مع بعض وكل 3 ايام غيري وايبي صنف يديد ,, ونصيحه ثانيه لاتعودين الياهل على الفواكه اولا خليه يتعود ع الخضار لانه اذا عيبه طعم الفواكه الحلو مابيعيبه طعم الخضار ,, مااقولج اقطي ولاتعطينه فواكه عطيه بس ابدي اول شي بالخضار وخلي الفواكه يحلي فيهم ,, والسمووووووحه طولت عليج

**the duchess** · 2010-03-28, 04:01

نوعي له في الأكل يمكن ما يحب طعم الجزر

جربي مثلا كوسا وعيش ،، ولا كوسا وبطاطا وحطي شوية جزر عشان ما يحس بطعمه وايد

**ام حمدان82** · 2010-03-28, 12:17

فوريلها تفاح و كمثرى و شوية موز و هرسيه ... يميييييييييي .. و شو الريحه محلاتها تطلع ...

**::ملاك::** · 2010-03-28, 13:44

تسلمون على الردود خواتي

**smily** · 2010-03-28, 18:01

ما انصحج تفورين الفواكه

**ام فهد وراشد** · 2010-03-31, 01:42

المشاركة الأصلية كتبت بواسطة وردة صفرة

مااااااااااااااااااجي!!!!!!!!!!
الله يسامحج تقولج ست شهور وماجي بهاااااااراااااااااااات والياهل مب زين له البهارات إلا بعد السنة!!
..
اختي بطاطا ورز وجزر ظربيهم في الخلاط وإن شاء الله مابضرها.. أو كل شي بروحه عادي بعد يعني عيش أو بطاطا .. واللي يناسبها وحسيتيها تحبه عطيها إياه .. التفاح المهروس وااااااااايد زين بعد..

انا ما قلتلها غصبا عنج حطي ما جي

عطيتها راي

واضيف ماجي حق اكل عيالي كنكهة لا اكثر وطعمه يكون اوكي

يعني لا فلفل ولا شياته ولا يسسبب لهم حساسيه بالنسبة لعيالي

والسموحة

**ام اعقوص** · 2010-04-02, 01:37

انا اعطي اعيالي من 4 شهر اكل مطحون عيش مصري لازم مع طماطم وجزر وبطاطا وكوسى افوره في الماي اسلقة ويوم يبرد احطهم في الخلاطه وعقب احطهم في حراره حق يوم واحد كل 3 ساعات اعطي اعيالي ماشالله يقدون لي اثقال

**حياتي انجاز** · 2010-04-02, 03:30

نصيحتي الغالية ابدي وياها تدريجيا و بكميات بسيطة جدا يعني مب وجبة الين ما تتعود
ابدئي بالكوسى فوريلها حبة كوسى صغيرة و اضربيها بالخلاط و استمري لمدة اسبوع شفتيها اتقبلته ضيفي جزرة صغيرة مع الكوسى لمدة اسبوع اتقبلته حطي وياهم بطاطه صغيرة و شوي شوي زيدي الكمية طبعا بدون ملح و لا اي بهارات ممكن تسويلها عيش مصري مع بطاط و تضربينه بالخلاط و بس ربي يعينج

الموضوع: الجزر المهروس

أدوات الموضوع

عرض

الجزر المهروس

المزيد من آخر المواضيع من نفس القسم:

المواضيع المتشابهه

طريقة عمل البطاطس المهروس و الهولندية للتقديم مع ((( ستيك ))

بيض بالبطاط المهروس

ممكن طريقه العيش المهروس ..

الجزر او عصير الجزر .. له تأثير سلبي عاليهال ؟

التمر الهندي المهروس..مضر بالحامل والجنين ولا ؟؟؟؟ضروري