نزول المشيمة

**دلــع** · 2010-03-24, 19:58

مرحبا حبيباتي

بصراحة مش عاارفه كيف ابدا

بس حبيتكم تشاركوني و تفيدوني بخبرتكم و معلوماتكم
و بما انه هذا هو حملي الأول
و ما عندي خبرة كافية

من الشهر الرابع قالتلي الدكتورة انه المشيمة نازلة و في احتمال اذا
كبر البيبي ترتفع و ترييت فترة
و من يومين رحت افحص عشان اتأكد اذا ارتفعت

و بصراحة تكدرت واايد طلعت المشيمة بعدها نازلة

و مش عارفه شو اسوي ,,تقولي الدكتورة لا تشلين ثجيل و لا تتحركين
و انا اصلا مافي شي اشيله و مريحة و لا دوام و لا شي قاعده ولله استغربت
ابد ما ارتفعت
البيبي بخير حمدلله بس ماعرف شو اسوي,,

الحين قالتلي ع اول السابع اروحلها يعني ع شهر 5

عندكم خلفية عن الموضوع
يالـــــــــــــيتكم تفيدووني,,

و مشكوورين لا خليت منكم,,

المزيد من آخر المواضيع من نفس القسم:

**Looooonely** · 2010-03-24, 20:06

هلا اختي..
انا بعد فالشهر الرابع والمشيمة نازلة عندي..
وعندي موعد الشهر الياي بجوف اذا ارتفعت ولا لا..؟؟
ما شي حل غير الراحة التامة..
حتى فالبيت حاولي ما تتحركين واايد..

**مهاجره بأحساس** · 2010-03-24, 20:15

الله يعينج يارب اختى

ويسهل عليج

**دلــع** · 2010-03-24, 20:17

مشكوورات خواتي ع المرور

ولله احاول ما اتحرك بس مشكلة بطبعي ما اعرف اتم قاعده

ولله اتملل وااايد

**ام سعيد 2001** · 2010-03-24, 20:42

لا تتحركين وايد اختي ..
الله يحفظج و يسهل عليج ان شاء الله ..

**دلــع** · 2010-03-24, 22:46

مشكورة اختي ع المروور

**بدر0البدور** · 2010-03-24, 22:53

الله يعينج يارب

ويسهل عليج

أنا بحملي الأولي كانت المشيمة نالة عندي وتمت تقريبا ثلاث شهور نازلة وبعدين أرتفعت

**الجريحه_555** · 2010-03-24, 23:01

لا تتحركين وايد اختي وحاولي تناميين على ورا وترفعين رجلج شوي طبعا حطي مخده تحتج وقد ما تقدرين سوي هالحركة لأنهاعلى حد علمي ترفع المشيمة والله أعلى وأعلم..
الله يحفظج و يسهل عليج ان شاء الله ..

**umm khamis** · 2010-03-24, 23:08

بداية مبروك عليج الحمل .. انا في حملي الاول صار لي نزول في المشيمة ... بس اول شهورحملي ... عموما الحل هو تقليل الحركة قد رالمستطاع ... حاولي تنامين وترفعين رجلج على فوق يعني حطي 2 او 3 مخدات ترفع ريلج على فوق ... والله ايتمم عليج ان شاء الله ... وبعد الافضل انج تتجنين الجماع موقتا واذا كان لابد ما يكون عميق والله اعلم ... نصيحة مجرب

**الحزينه** · 2010-03-25, 00:07

انا بعد عندي المشيمه نازله وانا فى الشهر الخامس وقالت الدكتوره لازم تنامين عندنا فى المستشفى وتريحين وانا طلعت وقعت على مسؤليتي مع العلم انا ما اداوم ولا اشتغل فى البيت بس كل جمعه اروح عند اهلي وانا اسوق السياره فيدوني خواتي السواقه اتاثر

**نسل الاحرار** · 2010-03-25, 00:25

اختي بعد عندها المشيمه نازله وقالت لها الدكتوره ارتاحي

مافيه حل الا الراحه وبترتفع بعد شهر شهرين متى ما ربك اراد

**the_witch** · 2010-03-25, 00:35

نفس حالة ربيعتي ..قالولها المشيمة نازلة من الشهر الرابع وتموا يقوللها إذا تميتي على نفس الحال بنولدج قيصري بس الحمدلله ارتفعت على الثامن وقالولها بتكون ولادة طبيعية

الله يسرلج ويعينج والتزمي بالراحة التامة

وربي يسهل عليج حبوبة

**buss-girl** · 2010-03-25, 01:24

انا فالشهر السادس اظني قالوا لي المشيمة نازلة

واهم شي في هاي الفترة ما تشلين اشياء ثجيلة و حاولي اطيحين على ظهرج و ترفعين ريولج

انا ما كانت نازلة وايد بس عقب فترة قالوا لي الحمدلله وضعها طبيعي

**شهادي** · 2010-03-25, 02:59

الغلا لاتحاتين ريحي عمرج ومثل ماقالو الخوات ارفعي ريولج وانا فعلا جربت وفادتني ووووووووووووووايد الحمدلله

**shashey** · 2010-03-25, 13:17

حطي تحت ريولج مخدة

الموضوع: نزول المشيمة

أدوات الموضوع

عرض