اربيعتي

**ام الغلا99** · 2010-03-24, 16:55

طنشيهااا حبوبه ...وماعليج من ردوود البنات اللي انتقدنج..

هذا يزااج تسالين عنهاااا وتعزينهااااااا..

شخصيتها مزاجيه...انسيهاااا ولاتذلين نفسج لهلاشكااااااااال اللي ماتقدر الصداااقه

**!خليجية!** · 2010-03-24, 17:00

ااختي ذكرتيني بسالفتي ويااا ربيعتي كنا ربع في المدرسه وعقب انا دشيت الجامعه وهي مادشت اهلها منعوها وتميت متواصله وياها بالتلفون لمدة 3 سنين عقب المدرسه بدون مانتشااوف ووعقب هال 3 سنين فجاه وبدون اي مقدمات اختفت مع انه انا الي كنت ااتصل من الجامعه وورمسها دووم ااقولج فجاه اختفت وادق ع بيتهم يقولون ملجت والي يملج مايخبر عقب فتره عرست واختفت نهائي حتى ماعزمتني ع العرس تخيلي وومر العمر وتخرجت من الجامعه ومرت سنين قبل اسبوع شفتها في عرس ناس بعد غياب 8 سنين اانصدمت مني وتقول كم رقمج ااقولها نفسه ماتغير من سنين تقول ابي مرا ثانيه انا من ملجة سويت دليلت لكل الربع وتقولها كاش بالويه وااحين تبي ترد وانا طنشتها

سوي لربيعنج طااااف ااذاا بغتج خل تركض ورااااج الي مايباج لا تصيح تبيغه

سووري طووولت

**غاليه الحمادي** · 2010-03-24, 17:06

حبوبتي
خليها ع راحتها
اذا ما تبا تتصل بج .. برايها ..

البنت بعد ما تعرس تنشغل وااايد
ربيعتي كنت معاها 24 ساعه .. سبحان الله اخوانها اللي اهم اخوانها ما كانوا يقدرون يبعدونا عن بعض و لا يوقفون اتصالاتنا

بس من عرست .. لا حس و لا خبر
انا استحي اتصل
و اهي دومها مشغوله و مب متفيجه ..

و انا عاذرتها ^_^
لآنه بيجي اليوم اللي اعرس ان شاء الله .. و بختبر كل اللي اهي تمر فيه الحين
عسب جيه لا تظلمينها و عطيها فرصتها .

**شظايا الروح** · 2010-03-24, 18:46

المشاركة الأصلية كتبت بواسطة نعيمية دلع

شرات ما قالت انا كان عندي ربيعه جي اسكر ف ويها وترد تحرق فوني اطرشلها مسج انا بزي انا راقده ترد تحرقه والله صابني اكتأب شو هالناس الحشره لدرجه وصلت اني طرشتلها مسج وقلتلها الله يلعنج يعلج تموتين من القهر

استغفر الله العظيم استغفر الله العظيم

شو هالـــــــــــــــــــــــــــــــــــــــــــــــ ـــــرد أختي !!!!!!!!!!!!!!!!!!!!!!!!!!

الله يلعنج واستغفر الله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اعتقد تعرفين ان اللعنة ماتجوز !!!!!!!!!!!!!!!!!!!

الله يهديج يا أختي

أوكي انتي مب حابة تتواصلين وياهاا فيه أساليب ثانية .....

وبعدين تبين الصدق ماااتخيل ان وحدة تتخبر عني وعن صحتي و أحوالي ويكون هذا ردي لهااا ؟؟؟؟؟

بدال ما أقوللها جزاج الله خير على سؤالج ... بالذمة منوه يتذكر حد في هالوقت .....

.................................................. ....

وفعلا أختي كاتبة المشكلة انتي بالغتي .... يعني ماتبا ترد دربها خضر ...

الي عليج سويتيه واكثر عن جيه ما تقدرين بالسهاااله والرب حااافظ ...

في فئة من الناس تتحرى العرس والعيال نهاية المطاف خلاص .. اوه واذا اشتغلت خوزوا عنها!!!!

عطي كل شخص في حياااتج قدره ومكانه الصحيح .. لا تزيدين ولا تنقصين لو حد من خواتج ولا من اهلج بقولج خلج اوكيه احسن عنهم لانهم أهلج .. لكن شخص مابيني وبينه الا معرفة يسمحلي

سبحان الله وبحمده سبحان الله العظيم

**❥~S** · 2010-03-24, 18:59

هلـآ ختيـ ه‘

حلو يوم اتحصًل حد يهتم فيك ويعزك ويقدر الصدآقـ ه‘ مثلجَ
والحيآهَ حلوه ومآتوقف على صًديق واحدَ
اتوكلــي ع ربج وقولي { يالله يآقلبـي سرينآ ضآقت الدنيآ علينآ }

وخليهآ تعيش حيآتهآ . . دآمَ أنهآ عرستَ والحين حآملَ
أكيد مضآيجـ ه‘ . . !
وبعدينَ ماتتوقف الصدآقـ ه‘ عليهآ هيه بسً
اتعرفي . . ع البنآتَ
وايدَ بنآت والنعمَ فيهنَ . . وبتلقين هالمبآدره منهن

ولا تضآيقينَ عمرجَ . . إمرهَ
وربـــي يرزقج ع قد نيآتجَ

**نسنوسة** · 2010-03-24, 19:22

اختي في وايد بنات جيه
من يعرسون يبتعدون عن ربيعاتهم الي مب معرسات
وحتى لو كانت هالبنت من اهلج
الله يهديهم ماعرف ليش جيه البنات !!

**.Um Hamad** · 2010-03-24, 19:36

عزيزتي..

قد لاتُنسى الصداقات بعد الزواج

ولكن تختلف الميول ...وتتغير الاهتمامات

فتصبح للصديقه مع زواجها ميول مختلفه عما كانت عليه بالسابق

وايضا اهتمامات مختلفه

ماترينه انتي مهم وواجب هي لا يسع وقتها للالتفات اليه

او الاهتمام به

نعم لا انكر انها قـد تكون مقصرة...

واجبها ان تسأل وتطمئن عليكِ في مرضكِ

ولكن بخصوص الامور الاخرى مثل تهنئة يوم الميلاد

اعتقد انه امر لايستحق ان نقف عليه

ولكــن خذيها مني نصيحـه..

الصداقه اساسها محبة خالصه لوجه الله

احترام متبادل

تقدير للظروف

والوقوف مع الصديق في السراء والضراء

ان وجدتي ان صديقتكِ لا تتوفر فيها تلك الشروط

اعلمي انها مجرد علاقه زمالة او معرفة

لم ترتق بعد الى منزلة الصداقه الحقيقيه

ومثل هذه العلاقات عابرة... ولا تستحق ان نقف عليها مطولاً

وفقتِ

**سحا111يب** · 2010-03-24, 19:41

فى كثير ناس بهالاخلاق ،،، يعنى من تعرس الوحده تودر ربيعاتها وتلتهي بزوجها تقول الدنيا هي العرس بس الحياه فيها الزوج وفيها الصديقه وفيها الام وفيها الاخت والاقارب والله يعينها كان تفكيرها محدود بييها يوم بتمل وزوجها بيطلع وبتركها لوحدها هني بتحس وتدور حد يكلمها ، ولا حتى يرسل مسج .

**حبوبه 222** · 2010-03-25, 01:34

اشكر كل الاخوات اللي نصحوني وشجوعوني غلى وجود أمل في الحياة وفعلا الصداقة اذا انبنت على مصالح تنتهي فكل شي لله سبحانه
يمكن انا بالغت في اتصالي لها مع العلم انها تفرح لما تشوف رقمي وهي حاليا من اربع شهرو عند امها ومب عند زوجها
صدقن خواتي قد تكون مشغولة
والله ان شا الله يبعثث لي صديقة وفية يا رب العالمين
واتمنى من الاخوات يسامحوني
واشكركم كل الشكر ومن كل قلبي
والله يحفظ الجميع

**m.dxb88** · 2010-03-25, 01:51

لاعورين راسج
اللي يبيعج بيعيه

**سحــر العيـون** · 2010-03-25, 02:03

المشاركة الأصلية كتبت بواسطة Miss.Feminine

!!

بس مب ملاحظه انج مزودتنها حبتيــــــــن !!!

يعني لو ما ردت تدقين لها 10 مراات !!

و تروحين لها البيت !!

و لو ما ردت تدقين ع فون البيت !!

و مسجات

و عتاب زايد !!

مادري

احسج مضايقتنها و ازعجتيها

حلوة الصداقه

بس مب جيه 24 ساعه تبينها تراسلج و ترد عليج

مب لازم تكلمينها كل يوم !!

اصلا ماشي سوالف بتخلص !!

غريب امرج من حقها تتضايق و تبعد

ازعجتيها ترا خفي عليها شوي

و بعدين قدري ضروف الاخرين

و لا تتوقعين انه الناس كلها تسوي شراتج

و لا تتريين شي من احد

انتي تسوين الشي هاذا لله و بس عشان تبينها تسويلج شراتج ؟!

المفروض تعذرينها عروس و حامل و تعبانه اكيد و مب فاضيه !!

و يوم قالت تافهه

احس قالتها من خاااطرها منقهرة من تصرفاتج الطفولية !!

اسمحيلي اكيد بتزعلين من رايي

لاكن انا صريحه

و ما بجاملج

لازم تعرفين الحقيقه و لا بتمميين جيه مع كل حد و بينفرون منج

سامحيني حبيبتي انا مع الاخت...

انا قطعت علاقتي مع وحده من ربيعاتي كانت اتسوي نفس هالتصرفات بالضبط...

عني انا ما اتحمل هالتصرفات...

**Ms anime** · 2010-03-25, 02:25

مرات الظروف تغير الانسان انتي ماتدرين شو قاعد يصير معاها, بس خليها واذا هي تحبج اكيد بتسال عنج حتى لو ما تواصلتي معاها

**مجروحة النفس** · 2010-03-25, 03:52

م للرفع

**الجـــوريـــ** · 2010-03-25, 08:32

حبووووبه . يوووم قالت عنج تافهه .. خليها اتولي عنج ,, الصداااقه معزة واحتراااام .. وين الاحترااام ف راايج ؟!

مشكله يووم الحريم يتخبلن ويقطعن الناس والربع وكل شي عسب انها اتزوجت والله اضحك عليهن لانهن ما عندهن سالفه اصلا .. شوفي الريل اذا يقطع ربعه يووم يتزوج . ما يقطعهم ابدا والله من ثاني يووم تلقينه يبي يطلع عندهم ويستانس مب كله ويا الحرمه ..

على عكس الحرمه ما احب الفئه اللي شعارها ريل× ريل (( 24×24 ساااعه )) لانها ف الاخير هي اللي بتتعب وبتنعزل عن الدينا ..

خليها اتولي عنج ..

**ponyo** · 2010-03-25, 08:42

المشاركة الأصلية كتبت بواسطة Miss.Feminine

!!

بس مب ملاحظه انج مزودتنها حبتيــــــــن !!!

يعني لو ما ردت تدقين لها 10 مراات !!

و تروحين لها البيت !!

و لو ما ردت تدقين ع فون البيت !!

و مسجات

و عتاب زايد !!

مادري

احسج مضايقتنها و ازعجتيها

حلوة الصداقه

بس مب جيه 24 ساعه تبينها تراسلج و ترد عليج

مب لازم تكلمينها كل يوم !!

اصلا ماشي سوالف بتخلص !!

غريب امرج من حقها تتضايق و تبعد

ازعجتيها ترا خفي عليها شوي

و بعدين قدري ضروف الاخرين

و لا تتوقعين انه الناس كلها تسوي شراتج

و لا تتريين شي من احد

انتي تسوين الشي هاذا لله و بس عشان تبينها تسويلج شراتج ؟!

المفروض تعذرينها عروس و حامل و تعبانه اكيد و مب فاضيه !!

و يوم قالت تافهه

احس قالتها من خاااطرها منقهرة من تصرفاتج الطفولية !!

اسمحيلي اكيد بتزعلين من رايي

لاكن انا صريحه

و ما بجاملج

لازم تعرفين الحقيقه و لا بتمميين جيه مع كل حد و بينفرون منج

أنا مع الأخت ..

نصيحة أختي لا تشغلين حياتج بحياة غيرج .. عيشي لربج وأهتمي بعمرج

الموضوع: اربيعتي

أدوات الموضوع

عرض

المواضيع المتشابهه

اربيعتي ..

حلم اربيعتي

::اربيعتي::

اربيعتي

قصة اربيعتي