كيف ادخن عباتي؟ ساعدوني

**كرافت عسل** · 2010-03-22, 21:17

مرحبا بنات شخباركم؟

انا ابا ادخن عباتي بس المشكلة كلما ادخنها الريحة عقب ساعة خلاص اتخوز ليش؟؟ وكم الفترة اللي لازم ادخنها؟؟ خمس دقايق او اكثر؟؟ لاني انا استخدم العود الملكي ما استخدم البخور العادي ممكن تفيدوني؟؟ واذا مثلا عقب ما ادخن ثيابي اذا رشيت عليه عطر بتخوز ريحة الدخون؟؟؟؟؟ ممكن تفيدوني؟؟؟؟ بليز اتريااااااكم

المزيد من آخر المواضيع من نفس القسم:

**ريـــــــماني** · 2010-03-22, 21:27

مرحبتين ,,, بخير دامج بخير عزيزتي

يمكن انتي بس اللي تحسين الريحه اتخوز لانج اتعودتي عليها

شي بخاخ مثبت لريحة الدخون بتلقينه عند ياس للعطور جربيه حلو

وعن انج اتعطرين ثيابج عقب ما اتدخنيهن يخوز ريحة الدخون والا لا فعن تجربتي

لا ما تخوز خصوصا اذا كان العطر مضرب يختلط ويا الدخون وتطلعلج ريحه رهيييبه

أنا دوم استخدم المبخره احط تحتها المدخن واخليها تاخذ راحتها احس تثبت الريحه اكثر من

ما ادخنها بالكبت والا المعلاق

بسير البق الفحم وادخن شجعتيني بهالموضوع ( :

**فن القفطان** · 2010-03-22, 21:28

**كرافت عسل** · 2010-03-22, 21:38

هلا اختي بس كم المدة اللي لازم ادخنها كم دقيقة؟؟؟ ويوم ادخنها احط المدخن تحت العباة او احطها على الصوب وادخنها؟ ههههههههههههههههههههههههه اسألتي غريبة

**وردة غلااا** · 2010-03-22, 21:46

والله ياأختي اني انا من ادخن أتم في العبايا لين تنغسل وما تخوز عنها الريحه ،، وهب أي دخون يعلق وبالنسبه للعطر حطيه مرتين مره قبل ما تددخنين ومره بعد ما تدخننين

**اسياا** · 2010-03-22, 22:49

للرفع

**دلع المنتدى** · 2010-03-22, 23:05

هلا والله بالغالية ...

هذي اول مشاركة لي في المنتدى ... عالعموم بخصوص كيف تدخنين العبي والله أحسن حل إنج من تيبين عبيج من الدوبي وهم بالجيسة النايلون حطي المدخن تحت العبي لين ما الدخان يختفي بالمرة وعقب رشي عطوراتج المفضلة بس أحسن إنج تدخنين العبي قبل طلعتج بفترة يعني مب حزتها ولا تمكسين بين الفرنسية والمخلطات العربية قولي ليش؟؟؟؟

لان العطورات الفرنسية حق الطلعات والأماكن العادية وتكون الريحة حلوة وهادية للصبح ...
اما المخلطات العربية أوكي حق المناسبات والعزايم ...

وجربي هاي الطريقة وبشريني ,,, ولا تنسين دعوة حلوة منج ...

**حمامه حم** · 2010-03-23, 00:31

وانا بخبركم عن تجربتي ،،

احط عباتي على المدخنة ،، واخلط عوده مع الدخون ،، واخلي عباتي على المدخن لين ما تموت

الفحمة ،، يعني عادي ساعة ،، ما استعيل عليها ،، خمس دقايق ماتسوي شي حبيبتي ،،

وبعدين اجيب المرود واحط على العباة ،، مخلط دهن العود ،، مش كثير تقريبا اربع مراود يعني

اربع مرات ،، وبعدين ارش العباة بكوكو شانيل ،، او بيوتيفل استي لودر ،، اممممممم تقولين شيخة

**ام سالم** · 2010-03-23, 21:56

غريبه

عن نفسي استخدم البخور والعود اللي عندي وادخن يوم بي بسير عند العرب معزومه يعني

واحط المدخن تحتي عقب ما البس ثيابي والعباه واخليه جان كثرت 3 الى 5 دقايق وبسسسسسسسس

واتم الريحه حتى عقب كمن لبسه

وادخن الكبت بعد

موفقه ان شاءالله

**Pheno-m-enon** · 2010-03-23, 22:03

ليش ما تثبت الريحة؟
فديتج انا اللي اسويه إني ادخن ثيابي كل جمعة
قبل كنت كل ما البس ثياب ادخنهم بس لانه بنت اختي موجود عندنا فيتحسس صدرها
قمت كل جمعة او سبت.. ع حسب

احط المدخن ف الكبت و اسكر عليه و ارش ثيابي بعطري المفضل
و اخليه لين ما جريب ما يحترق
يعني قبل ما تظهر ريحة الفحم نفسه
و يكون ف المدخن عبارة عن دخون + عود او ع حسب المزاج و الريحة اللي اباها ^^

و بالعكس.. ثيابي كلها فيها ريحة الدخون
و ما تخوز بسرعة
يمكن يعتمد ع الدخون نفسه
و ان شاء الله اكون افدتج ^^

**baby woman** · 2010-03-24, 03:17

للرفع

**بيت القصيد** · 2010-03-25, 01:57

انا ادخن العبي طريقه اتضحك اجلب سلة الملابس وحط المدخن تحت السلة والملابس والعبي احطهم فوق السلة

**دنيا الولهه** · 2010-03-25, 02:31

انا ادخن العبي طريقه اتضحك اجلب سلة الملابس وحط المدخن تحت السلة والملابس والعبي احطهم فوق السلة

نفس طريقتي وااايد اوكي

**alfatami** · 2010-03-25, 12:46

للرفع

**الريـم2009** · 2010-03-25, 18:47

الغلا حطي عباتج بالكبت ودخنيها وعقب خلي المبخرة داخل الكبت وسكري عليها الين ماتخلص وخليها تقريبا يوم كامل وشوفي الريحه كيف انا جيه اسوي بس ما ادخن عباتي حق الملابس بشكل عام والاظمن تسكرين الكبت عشان الريحه اتم داخل وجيه شمي عقب وادعيلي

الموضوع: كيف ادخن عباتي؟ ساعدوني

أدوات الموضوع

عرض

كيف ادخن عباتي؟ ساعدوني

المزيد من آخر المواضيع من نفس القسم:

المواضيع المتشابهه

بقع بيضاء على عباتي دخيلكم ساعدوني !

ساعدوني بختيار عباتي؟

ساعدوني الله يخليكم..عباتي

عشان ادخن الثياب .......... ساعدوني

عباتي البليسية ..........ساعدوني