موضوع للنقاش

**ورده جوري** · 2010-03-20, 22:05

السلام عليكم ورحمة الله وبكاته
هناك موضوع دار ببالي منذ فترة لكني مالقيت له جواب فقلت خلني اطرحه لخواتي بنات المنتدي ونتناقش فيه يمكن نلقى جواب
الموضوه هو ( هل سؤ الاخلاق مكتسب ام وراثي)
يعني نسمع الناس تنصح الريال اذا بغا يعرس انه يدور له علي ناس طيبين مشان يطلعون عياله طيبين
والعكس صحيح للحرمه
واذا وحده عيالها طلعوا شرين قالوا شابه خواله ولا عمومته. يعني الوراثه تلعب دور
لاكن بعد ما ننسى البيئه المحيطه للطفل اكيد لها دور بتكوين سلوكه
فياريت اللي عندها راي بها الموضوع تطرحه ونتناقش فيه
وسلمتم

المزيد من آخر المواضيع من نفس القسم:

**دودة ..~** · 2010-03-20, 22:10

كلهـن ..
آلورآثة وآلتـربية ..
حـن عآيلتنـآ كلهـآ طبية .. وكـل مآ آلآقي وحدة طيبة تكوون اختها طيبه مثلهـآ ..
يعني ورآثة ..

بس آلتـربية وآلبيئة تخـرب آلطيبين ..
هذآ رآيي

**الاماراتيه -** · 2010-03-20, 22:15

بعض الاخلاق تكتسب وبعضها تتوارث
مثل الصفات الظاهره ( الطول القصر المتن لون البشره ) تكون متوارثه نفس الشي بالنسبه لبعض الاخلاق

وفي مثل مصري يقول ( إإلب الحله لوشها تطلع البنت لامها ) ههههه انا وااايد مؤمنه بهالمثل
لانه فعلا شي واقعي
البعض من البنات يكونن نسخه من امهاتهن في الاخلاق

**lailee** · 2010-03-20, 22:15

انا من رايي كل الامور تلعب دور بس الاصح النية اقربها لج اكثر وما اعرف لو هالكلام مسموح بهالمكان ولا لا لانه هالقسم يطلع عليه البنات المراهقات بس بقوله بشكل علمي يمكن الكل يستفيد منه النيه هي عند اللقاء الزوجي بين الزوجين فيه حديث لازم انقوله وتعلمناه من رسولنا الكريم اللهم جنبنا الشيطان وجنب الشيطان ما رزقتنا فتتشكل النطفه ع حسب نية الزوجين كذلك الحاالة النفسية للزوجين اذا كان احد الطرفين زعلان ولم يحسن الظن بالله فللاسف الله يرزقه ع حسب تفكيره بالاضافه للي قلتيه من البيئة سواء القريبه وهي الاهل او البيئه الخارجية وهم الاصدقاء والمدرسة.

**حرمه يديده** · 2010-03-20, 22:37

أنا أشوووف من الأصدقاااء ..

هم اللي يحددون الشخص يكون حسن الخلق او سيء الخلق

يا ما ناس ربوا عيالهم زين و قمة في الاخلاق الطيبه بس من يرابعون الناس السيئين يصيرون اخس و ناس يكونون العكس ..

**bissanza** · 2010-03-20, 22:43

من وجهة نظري المتواضعه سوء الاخلاق مكتسب ما اعتقد له خص بالوراثة ...كل انسان بيخلق نظيف والبيئة الحواليه هي اللي تغيره واهم شخصين بيكتسب منهم امه بالدرجة الأولى لان شخصية الطفل تتكون اجمالا في الثلاث سنوات الاولى ويكون في هذه المرحلة لصيق بالام وبالدرجة الثانية الاب ...

*** ام خماس *** · 2010-03-21, 01:38

مثل ماا قال الرسول صلى الله عليه وسلم

يولد الطفل على الفطرة00000

البيئه وتربيه الاهل وهو صغير ولمااا يكبر اصدقاااءه هييل العوامل

هي الي تحدد سلوك واخلاق الفرد00

هذاا رايي ومشكورة الغلا ع الموضوع

**بطه22** · 2010-03-21, 01:53

انا اعرف وحده اهلهاااااااااااااا الله يستر عليهم والبنت بحكم ابوهااا مفارق امهاااااا
ومستويه مشاااااااكل مبينهم سار ابوهاا فرهااا عند ام عياله طليقته الاولى<<<<وهى بعدهااا نونو ومن كبرت كملت 8 سنين عاشت عند ابوهااااااا وتربت عند حرمة ابوهااااا ومارتاحت
لين ماكملت 16 سنه ردت وعااشت بالاخير عند امهاااا بس كل هاذااا مأثر فيهاااااا لدرجه انه تحااول تعيش صح عشااان ماينطبق هالمثل عليهاااااااا( إإلب الحله لوشها تطلع البنت لامها ) وتقولى انا اباه انستر واريد اعيش صح
وهى مضااااااااااااايقه وااايد من تصصرفااات اهلهااا >>سوء الاخلاق

انتوااا شوه رااايكم!!!!!!!!!!
وهاى صديقتى بروووح وزين انج فتحتى هالموضوووع لان صدق انااا وايد افكر اخظبهااا لاخوى بس اترددد
عطونى راااااااااااايكم
والله يوفق لى فيه الخيييييييير

**بطه22** · 2010-03-21, 03:05

up up up

**الدانه 2009** · 2010-03-21, 08:57

؟؟؟؟؟؟؟

**StranG LOovE** · 2010-03-21, 09:04

سبحان الله انا احس انى طيبه وايد طالعه لابوى الله يرحمه حتى ماخده شكله مع انى ما شفته

**ماحد شراتي** · 2010-03-21, 09:06

موضوعج حلو

الاطباع متوارثه.. مثل العناد والكبرياء وعزة النفس ....الخ
اما الاخلاق فالبيئة والتربيه والاصدقاء يلعبون دور بكسبها

**أم يوسف 85** · 2010-03-21, 10:17

هلا اختي
يا الغالية في تصرفات سبحان الله في الشخص تكون وراثة
مثل الحنة والعناد

وفي تصرفات بروحه الشخص تكونت فيه من شخصيته

**(خيماويه)** · 2010-03-21, 10:17

البيئه وتربيه الاهل وهو صغير ولمااا يكبر اصدقاااءه هييل العوامل

هي الي تحدد سلوك واخلاق الفرد00

**شوقاني** · 2010-03-21, 10:34

حبيبتي مافي جين ف جسم الانسان يحمل صفة الادب و الاخلاق؟؟!!!!!!!!!!!!

هالشي يكون مكتسب مع الاهل و البيئه اللي الانسان عايش فيها..

الموضوع: موضوع للنقاش

أدوات الموضوع

عرض