اللي سوت عمليه قيصريه

**أم رشودي وعبادي** · 2007-05-14, 08:20

يا ليت يا حلوات أي وحده سوت عمليه قيصريه تخبرنا عن تجربتها:::::::::::::::
مثلا كم يوم تمت في المستشفى ؟
لما ردت البيت هل تعبت وايد ؟
يعني باختصار كل شي.............

المزيد من آخر المواضيع من نفس القسم:

**امنة على** · 2007-05-14, 10:13

مرحبا اختى امسوية العملية مرتين .. تنامين فى المستشفى 5 ايام .. فية الم بس يعطونك مسكن.. اهم شى ما تشأل اى شئ ثقيل.. شو تبغين تعرفين بعد؟

**ماما فاطمة** · 2007-05-14, 10:46

انا تميت اسبوع وتالمت واد بعدهاااااا ا لين اليوم قهرررر ولا تشلين شي ثقيل

**أم رشودي وعبادي** · 2007-05-14, 11:29

مشكورين على الردود بس بغيت أعرف بالتفصيل أكثر.....
يعني في شي معين استخدمتيه للخياطه عشان اتهون بسرعه ؟
وعن طريقة الإستحمام والأكل .

**أم حتوس** · 2007-05-14, 15:35

انا بعد مسويه مرتين مره بالثامن ومره بالتاسع فيه الم مثل التنغيزات وعادي تاكلين اي شي بس في

اول الايام لا تاكلين اشياء دسمه وهم بالمستشفى بيهتمون بهالشي وبعد الخمس ايام عادي كل شي

تمام بس لا تشيلين اشياء ثقيله وبيعطونج مرهم خاص تحطينه ع العمليه وبس وطبعا بيعطونج موعد

عشان يبطلون الخيط تقريبا اليوم العاشر من موعد العمليه وبعدين انا بالعمليتين كنت في بنج كامل

لانه الله يبعدكم عندي جلطه وكل حمل اخذ ابر كل يوم لمدة عشر شهور من بداية الحمل وكل شي

ايرد مثل ما كان لا تحاتين ما فيه الم وايد بس اول يوم لانه الجرح يكون طري والله يبعدج عن العمليات

**LuLeTa** · 2007-05-15, 19:36

انا سويت بس بالبدايه تعبت لاني رايحه اولد طبيعي بس راس ولدي افترت على جنب اخر لحظه
واطروا بسرعه يفتحون بطني ويطلعونه =(
بس ماطولت الحمدلله 3 ايام بالمستشفى وقليل من الم بالبيت لان عطوني مسكنات
ربي يهون على كل حامل ويرزقها الولاده الطبيعيه =)

**بلبل** · 2007-05-15, 20:04

انا سويت عملية قيصرية,رحت المستشفى و على أساس كل شي طبيعي بس بعدين قال راس البيبي مو متوجه صح فاطرو انو يعملولي عملية,حسيت انو العملية أسهل من الطبيعية بس انا تحملت التنين,لأن اجاني طلق 10 ساعات.و بعد العملية أول يوم كان الألم فظيع و أول مرة مشوني كمان كان الألم لا يحتمل.بس بعدين الحمدلله كان فيه وجع خفيف و كله عادي.الله يهون على الكل

**ناعمة الصوت** · 2007-05-16, 01:00

هلا حبيبتي ..

ان توني فرش توني مكملة 10 ايام ... وانا لين الحين احس بألم مثل التنغيزات وقبل ما اقدر اتحمل بس الحينه أهون والحمدلله

والحمدلله في المستشفى ما قصروا فيني مووووووووووليه .. وريحوني

وان شاء الله ما تحتاجن عمليه لانها تعب

بس بغيت اسأل متى تروح الكرشة لانها تعققققققققد الصراحة

**الطائر الحزين** · 2007-05-16, 02:04

يا سلام تصدقون محد جرب مثلي

أنا ولدت بقيصرية لان راسه مب متوجه صح مع انهم حاولوا وعطونى طلق صناعى بس ما في فايدة

الحمد الله على كل حال

وغير هذا ولدى اللحين داخل في الشهر العاشر وأنا حامل اللحين وبتكون الولادة لما اكمل سنة من العملية

ياارب اربى طبيعى

**رمله** · 2007-05-16, 02:14

انا سويت في عيالي الثلاثه عمليه اول مولود كان الالم فظييييييع وكنت اصيح هههههههههه
ثاني مولود الالم اخف الحمدلله..وفي المولود الثالث كان الالم اخف من الولاده الثانيه
خلوني اسبوع في المستشفى..اول يومين ما يخلونج تتحركين بس ثالث يوم لازم شوي تتحركين يبتدون يعطونج سوائل وعقب شوي شوي تبتدين تاكلين..وتقريبا باليوم الرابع قصوا خيط العمليه وتسبحت على طول..بس نصيحه اختي كثر ما تقدرين امشي..والعمليه لازم تتعقم وتتنظف يوميا بالمسحه الطبيه
واي سؤال انا حاضره يالطيبه..قصيت قصة حياتي خخخخخخخخخخ

**alramla** · 2007-05-16, 10:58

انا سويت قيصريه في آخر اثنين من عيالي في الأول بسبب نزول المشيمة وسووها لي وأنا في الثامن وفي اول يومين تاخذين سوائل هم يعطونج مع مسكنات للألم وفي اليوم الثالث يبدو يمشونج حتى ما تتورم ريولج بس في البدايه بتحسين بدوخه وما بتقدرين تشلين عمرج وبتحسين انه بطنج بيتبطل بس عادي مسكيه وامشي شوي شوي ليما تتعودين والخياطة يبطلوها في اليوم السابع حسب التآم الجرح وأما في مولودي الثاني كانت عندي أوجاع الطلق وتميت من العصر لين الساعة وحدة من الليل ما انفتح الرحم واضطروا يسوولي قيصرية بس حصل خطا طبي وهوجرح الحالب واستغرقت العملية خمس ساعات حتىاستدعاء طبيب مختص للمسالك والحمد لله مشت الأمور على خير ولكن بقيت في العناية يومين وأنا مبنجه بعد اليومين بدو يعطوني سوائل وفي اليوم الرابع بديت أمشي بمساعدة الممرضة ورضعت ولدي عادي ما كنت خايفة مثل بعض الأمهات يخافن من الرضاعة في هذه الفترة بسبب العملية وتميت في المستشفى تسعة أيام بسبب الخطأ الطبي لأنهم ما رضوا يطلعوني لين يتأكدوا من التآم جرح الحالب ،،، ولما ترجعين البيت تحتاجين راحة وما تشيلين شيء ثقيل لأنه خطر عليج وتعتنين بالجرح لأنهم بيعطونج معقم وشاش للتنظيف وأهم شيء تمشين وتسوين التمارين اللي بعد الولادة لانها مفيدة وتشد البطن ..... أرجوا أن أكون ما طولت عليج والله يقومج بالسلامة

**ba6ah_3asal** · 2007-05-16, 13:38

الله يرزق الكل ولادة طبيعيه يارب

انا سويت عمليه في اول حمل واحين بنتي داخله في السبع شهور..

انا كان فيني طلق لكن ماكان يزيد يعني يوم كامل نفس الطلق مع انه الرحم مفتوح لكن ماشي فايده لعوزتني لووووووووووووووووووول

العمليه وايد اتتعب ولين احين احس بنغزات لكن والله يوم تشوفين البيبي تنسين كل شي ...
بس انا اعاني من مكان العمليه مرات يطلع ريحه مع اني انظف دايما بس مرات انساه

**um hammod** · 2007-05-16, 23:03

انا سويت العملية قبل ثلالث شهور لانه كملت ثلاثة ايام و ما فتح الرحم و مع انه في حملي كل شى كان طبيعي بس قبل اسبوعين من موعد الولاده تم ينزل مني ماى وثاني يوم خلوني امشي
بس اول ايام تحسين بالوجع و عقب عادي و صراحة قلت يوم بحمل مرة ثانية بعد بسوي عملية بلا طلق و صراخ و عوار الراس

**غلا البدر** · 2007-05-17, 00:21

مراحب .. أنا مسوية العملية من 6 أيام والله و بعدني تعبانة منها .. بس لدكتورة قالتلي أهم شي يكون الجرح ناشف تماماً .. أغسله بماي و صابون و بعدين أنشفه زين بالتربيت الخفيييييييييييييييف ..
و تكرمين صعبه عملية التبول فب هالفترة بس مادري لين متى !!!

سؤالي للي جربوا العملية .. متى يروح الألم و تقدرون تمشون سيدة و تنقلبون على جنب في النوم بدون ألم .. و متى أقدر أنسدح على بطني ..

**alramla** · 2007-05-18, 16:20

أولا أختي حمد الله على سلامتج
ثانيا الألم يبيله وقت تقريبا أسبوعين بس في هذه الفتره داومي على تمارين البطن لأنها مفيدة وتقدرين تنامين بس جنبج في هذه الفترة لين تكملي شهر تقريبا وأنا ما أنصحج تنامين على بطنج لأنه مكروه ..
والله يعافيج

الموضوع: اللي سوت عمليه قيصريه

أدوات الموضوع

عرض