فكرة للتاجرات عشان .........

**ميـ أم ـودي** · 2010-03-17, 10:25

السلام عليكم
شخباركم خواتي تاجرات وعضوات مشتريات

ما كملت العنوان للتشويق شوي ...
المهم قريت موضوع لأم يحيى وأكثر من تاجرة يشتكون من اللي يطلبون وعقب ما يردون على المندوب
وحرااام عليهم بصراحة إذا يتعمدون هالشي ..
بس يتني فكرة وقلت لو أنا كنت تاجرة بسوي هالشي ؟؟!!

اممم الله يسلمكم ليش ما تدفع الزبونة قيمة التوصيل عالأقل عن طريق تحويل رصيد للتاجرة
يعني الوحدة يوم تطلب طلبية وتتفق مع التاجرة على كل شي تحولها رصيد بقيمة التوصيل يعني 25 وإلا مادري كم ... وبعدين يوم تستلم البضاعة تسلم بس جيمتها ..
والتاجرة تدفع للتوصيل اللي هو أصلا وصلها عن طريق الرصيد وجيه بتكون التاجرة ريحت راسها كيييف؟؟؟!!
لأنه الله يسلمكم التاجرة يوم اطرش البضاعة والزبونة ما ترد ترجع البضاعة للتاجرة بس تخسر التوصيل ،،، يعني لو وحدة دفعت التوصيل وعقب ما ردت على المندوب أو غيرت رايها وطنشت خلاص ما عليها لوم بتكون دفعت جيمة التوصيل >>> هاي لو وحدة حابة اطنش لازم تخسر شوي
والبضاعة بترد للتاجرة مرة ثانية وتبيعها على حد ثاني وما تكون خسرت شي ...

إن شاء الله يكون الموضوع مفيد للتاجرات ،، وبصراحة من حق أي تاجرة تضمن حقها والله يكون في عونهم ...

ها شو رااااايكم ؟؟؟؟؟

المزيد من آخر المواضيع من نفس القسم:

**عواشهـ** · 2010-03-17, 11:42

فكره حلوه و واايد تاجرات طبقوها.....شكلي بطبقها بس انا اتعامل .... و هم اذا الزبونه ما استلمت ما ياخذون وحليلهم هالشركة مال واحد مواطن حقاني الصراحه

**&هجير&** · 2010-03-17, 12:39

الغاليه وايد تاجرات طبقوا الفكره بس بعد ما شي فايده

**رحلة أمل** · 2010-03-17, 12:57

انا اشووف بعد مامنها فايده .. يعني يقولون نخسر 25 ولا ندفع الباقي ..

**أم الكباتن** · 2010-03-17, 13:04

للأسف الفكره ما منها فايده

لأنه بالاضافه للبنات اللي ما يهمهم مبلغ التوصيل

تعالي شوفي كم بتخسرين فلوس توصيل في رصيد تليفون طبعا لو عندج طلبيات وايد

يعني انتي الخسرانه

الصراحه انا طبقتها فتره وليقت نفسي احرق ثمن التوصيل في صورة رصيد تليفون ومافي منه فايده

وفي النهايه غصب عنج بتتكلمين فيه ويطير

**فراولة راك** · 2010-03-17, 13:46

الدفع المسبق

**الغلا زايد** · 2010-03-17, 15:15

ان مع الخوات ما شى احسن من الدفع المسبق ,,,, بهذى الطريقة ما في حد بيتهرب ابداً

و الله يعين التاجرات

**ميـ أم ـودي** · 2010-03-17, 18:36

أول شي أشكر الغالية هجير لأنها ردت الموضوع عقب ما نقلوه...

ثانياً مشكوورات خواتي على ردودكم وتجاربكم ...
بس مب فاهمة اللي جربتها من أي ناحية الخسارة ..
الحين المشكلة في اللي تتهرب إن التاجرة تخسر ثمن التوصيل وبس صح وإلا لا؟؟
يعني الأغراض ترجعلها مرة ثانية صح وإلا لا؟؟ وتقدر تبيعها على حد ثاني ؟؟
بالنسبة لي :
الزبونة >>> تدفع ثمن البضاعة + ثمن التوصيل
ناخذ ثمن التوصيل مقدما كعربون >>>> إذا غيرت رايها مشكلتها ما تستلم البضاعة عادي والرصيد راح عليها >>> والأهم هنيه إن التاجرة ما بتدفع للمندوب..
التاجرة>>> تستلم من المندوب ثمن البضاعة بس لأن المندوب ياخذ فلوسه من الزبونة صح ؟؟؟
زين الحين يوم الزبونة تتهرب مب التاجرة اللي تدفع ثمن التوصيل؟؟
زين ليش لو هي ماخذة الرصيد أول أحسن لها ما يضيع عليها شي ...
واللي يقول الرصيد خسارة ليش ؟؟؟
أولا تقدر تبيعه لحد ثاني >> يعني تحول له وتاخذ فلوس.
وتقدر هي تستفيد بدل ما تشتري بطاقات وجيه وتحط رصيد هذا الرصيد يوصلها .. وتوفر فلوس الرصيد اللي هي تحطه..
وممكن التاجرة إذا ما تبى تلخبط يوم يوصلها رصيد تعتبر إنها اشترت بطاقة وتحط ثمنها على ينب يعني للمندوب..
مادري بس جيه حسيت إن التاجرة ما تخسر ثمن التوصيل
والزبونة مشكلتها إذا عقب كنسلت على راحتها ...

طبعا الدفع مقدم كامل للي يقدر في ناس ما يقدرون أو يحبون سلم واستلم ..

مشكووورين خواتي على مشاركتكم وأنا حبيت أشوف إذا هالفكرة تفيد وإلا لا بس >>>>> طلعت جديمة

**glbe** · 2010-03-17, 23:34

اصلا التاجرات لازم يعتمدن على الدفع المقدم
يضمنن حقوقهن ولا يضيع عليهن وقت من ناحية المشتريه~

**غموض** · 2010-03-18, 01:53

الدفع المسبق

**شمس الامارااات** · 2010-03-18, 02:14

معظم الزبونات يفضلون طريقة سلم واستلم وانا بصراحه منهم

**ميـ أم ـودي** · 2010-03-18, 10:17

المشاركة الأصلية كتبت بواسطة شمس الامارااات

معظم الزبونات يفضلون طريقة سلم واستلم وانا بصراحه منهم

وبصراااحة أنا بعد نفس الشي بس ما عندي مانع أدفع جيمة التوصيل مقدما أقل شي كرصيد،،،
وبعدين مب كل البنات يقدرون يرسلون المبلغ من الصرافة أو البنك في ناس ما تقدر تطلع دوم ...

أتريا راي التاجرات وييينهم؟؟

**ميـ أم ـودي** · 2010-03-18, 10:18

المشاركة الأصلية كتبت بواسطة glbe

اصلا التاجرات لازم يعتمدن على الدفع المقدم
يضمنن حقوقهن ولا يضيع عليهن وقت من ناحية المشتريه~

بس الغالية مب كل الزبونات يقدرون يطلعون ويطرشون الفلوس!!!

**عواشهـ** · 2010-03-18, 12:43

الله المستعان..

**رآحت أيامك ,** · 2010-03-18, 12:46

والله انا من حركات البنات قمت اطلب الدفع مسبق,,

واللي اتعامل كرصيد وياها المشكله في منهم من تقولين لهم جذا يهبون في ويهج

يعني شو انا مب امينه ؟يعني مادري شو !

ورايج حلو استخدمته كذا مره

فبقولج شي الجاده والله الجاده بتخلي اي حد يودع لها’

انا اقولج انا ساعات ماعندي حد بس لو ابى شي بتصرف وبطلع الشي الللي اباه من تحت الارظ

اما صدج لو ماتقدر وتخبرني انها ماتقدر ,, ممكن اعذرها واخليها سلم واستلم

بس تدرين ماحب حرقه الاعصاب كل مره اروح الشركه الطلبيه ماجلتنها وساعات مكنسله وساعات !!

فساعات انحرج اقولهم عطوني رصيد مقدم،,

بس يالله اسوي هالطريقه وقت مااا ان البنت مش عارفتنها عدل او اللي ماتعاملت معاها قبل

الموضوع: فكرة للتاجرات عشان .........

أدوات الموضوع

عرض

فكرة للتاجرات عشان .........

المزيد من آخر المواضيع من نفس القسم:

المواضيع المتشابهه

فكرة رائعه ومميزه للتاجرات اكسبي معي 100%