اتمنى من كل حرمه معرسه تدخل وتعلق على الموضووع !

[shgaweyah]

مرحباا بناااات .. شحالكم ؟ ان شاءالله ان كلكم تكوونوون بخير .... انا عرسي قريب و خايفه من موضوع واحد , انا بعيش عند اهل ريلي وماشاءالله هو عنده خوات وايد .. والموضووع اللي خايفه منه كيف بقدر اتعامل مع خواته ؟ الكل يوم يدري اني بعيش مع اهل ريلي يخوفني من هالموضووع يعني ماعرف اتقرب منهم ولا ابعد ... بليز بناات ساعدووني انا من طبعي اجتماعيه وايد واحب السوالف والمزح .. اغير طبعي ولا شوه بظبط ؟؟ والسمووحه من الكل

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Asooma]

لا تخافين اختي
خلج طبيعيه وعامليهم شرات خواتج

[نزف العيون]

لا تخافيني

عيشي وياهم خذي واعطي وياهم

بس حاولين تبتعدين عن اي شي مايخص فيج يعني

علشان باجر مايقلبون عليج خلج في حالج بس خلج سطحيه وياهم

[حياة الفارسة]

أختي ليش تغيرين من نفسج ..

دام ما فيج شي غلط أو عيب ..
خلج واثقة من نفسج..

وعامليهم بالطيب...
بيعاملونج بالمثل ..

[ام سالم]

لا تخافيني

عيشي وياهم خذي واعطي وياهم

بس حاولين تبتعدين عن اي شي مايخص فيج يعني

علشان باجر مايقلبون عليج خلج في حالج بس خلج سطحيه وياهم

نفس الكلام

[صمت الزمن]

الله يوفقج ويتمم لج على خير يارب
خلج ع طبيعتج .. بس لا تتمادين وايد لين ما تتعودين ويتعودون عليج

ولا ادخلين عمرج في امور خاصه معاهم ^_^ عسب ما تصير حساسيات ..
ومثلا لو صار موقف بين الخوات لا تتدخلين عسب الثانيه ماتحقد عليج دامج عروسه يديدة ^__*
خلج طبيعية .. مثل ما يقولون تفرجي بدون ما تتكملين ..

[shgaweyah]

مشكورين .. و يزاكم الله خير ماقصرتوو خواتي

[harair]

الغاليه خليج على طبيعتج .. لكن بحذر .. لما تعرفين شخصياتهم ..
وبعدين تشوفين كيف تتعاملين معاهم ..
وبادري بالطيب .. ومثل ما قالن البنات .. لا تتدخلين فيما بينهم .. ولا دخلينهم في خصوصياتج ..
وما في داعي يعرفون عن حياتج مع زوجج إلا الظاهر .. وخصوصا الاشيا اللي يبان منها حب زوجك لج أو اهتمامه .. لان هذا ممكن يولد الغيره في قلوب خوات ريلك و عمتج بعد ..
واللي يستر عليج ويبارك لج ..

[همسة حب2009]

عادي حبيبتي خليج طبيعيه شرات خواتج اعتبريهم
بس ما تخبريهم اي شي يكون بينج وبين ريلج ولا اسراركم
خليج بعيده عن هالسوالف ابتعديهم

[*عســـولة*]

عامليهم مثل خواتج

ربي يسعدج

[فواازي]

فديتج انا من نصيحتي انج تكونين سطحيه وياهم ولما تيلسين وياهم ماتقولين لهم كل شي لانج ماتعرفينهم بعدج ومع الزمن بتعرفين طبع كل وحده وكيف تتعاملين معاهم بس لاترزين ويهج بشي مايخصج لانهم في بعضهم يكونون من تحت لتحت يحبون يعرفون كل شي عنج بس ما يبطلون حلجهم اذا السالفه عنهم والله يتمم زواجج على خير ان شاءالله حبيبتي

[تـولي]

انتي بس ابعدي عن الي مايخصك واهتمي بالي يخصك بس والكلمه الطيبه وحتى لو عاملوك بالسوؤ عامليهم بالحسنى هم بيرجعوا يتغيروا ولاتخافي كثير عايشات مع اهل ازوجاهم وفرحانين

[كل شي موجود]

حبيت اباركلج فالبدايه
والله يسعدج ويبعد عنج كل شر وحسد وعين

مثل ماقلن الخوات

خلج سطحيه ألا اذا وحده منهن حاولت تتقرب منج وتفتحلج قلبها اخذي منها بس لاتعطينها اسرارج على قد ماتقدرين خلج كتومه اسمعي ولاتعطين ولاتخلينهم يحقدون عليج فشي وخلج على طبيعتج بس لاتزودينها معاهم في بعض الاحيان مايستاهلون الاهتمام الزايد والطيبه هالزمن ماتنفع وفالبدايه اعرفيهم واعرفي طبعهم عدل خلاف احكمي على نفسج كيف تتصرفين معاهن واتصرفي مثل ماتحسين عمرح مرتاحه
والله يبعد عنج شرهم

[!baby_face!]

[ صبـآحـ، / مسُـآء الخيُـِر ,,~

:
:

الغُـآليــِة
بالأول الله يوفقج في حيًـآتج اليديده
ويتمم عًـرسج على خيًـِر يـِآآآرب ^_^

:
:

ونصيحتُـي لج ..~
خـِلج طبيييـعيــه ولاتتصنعيــن ,,~
ودآم إنـج تحبين السـِوآلف وإجتمـِآعية
صدقيــني رآح تكسبينهـِـم

:
:

بس تحمُـِـلي تحشـِرين نفسـًج في مشآآكلهم
عـِليج من نفســِج وريــلج ومـِآيخصج في أحـِد
إقعـِدي وإسمعـِي وتنـِآقشي ,, بس لاتحـِآولين تحـِلين المشـِآكل
لانـِه بالأخيُـِر بينقـِلب ضدج ,, وبقـِولون فـِلانة قِآلت لنـِآ نسوي جي ..~
>_< ...~

:
:

وعـِـآآمليهم شُـرآآت خـِوآآآتج ^_^
وإن شـآْء الله مِـآآ يصير إلا كـِل خيـِر غنًـآآتي ..~

:
:

..~

[أم اشجان]

الله يوفقج ويتمم لج على خير يارب
خلج ع طبيعتج .. بس لا تتمادين وايد لين ما تتعودين ويتعودون عليج

ولا ادخلين عمرج في امور خاصه معاهم ^_^ عسب ما تصير حساسيات ..
ومثلا لو صار موقف بين الخوات لا تتدخلين عسب الثانيه ماتحقد عليج دامج عروسه يديدة ^__*
خلج طبيعية .. مثل ما يقولون تفرجي بدون ما تتكملين .. ((( مع راي صمت الزمن ))