موضوع مهم..

**مزايين0** · 2010-03-15, 13:58

السلام عليكم ورحمة الله وبركاته ..
اشحالكم عساكم بخير وصحه وسهاله
خواتي حبيباتي لانكم مهمين عندي واايد واايد واايد فحبيت اسولف معاكم بهالموضوع ..
موضوعي باختصار.. شو رايكم في الزوج اللي يسمي بنته على اسم أمه .. أو ولده على اسم أبوه وهل فعلا هذا يعتبر من باب البر .. ولا بس من باب ادخال السرور على قلب الام والاب ..

الحين اسمحوا لي أقولكم رأي ..
طبعا وايد من الناس بقولون ان مجالات البر بالوالدين عديدة منها قضاء الحوائج والهدايا والصدقة الجارية وغيرها الكثير .. لكن ما تعتقدون أن اليد واليده لما حد من عيالهم يسمي باسمهم فرحتهم تكون كبيرة .. وتحسون الفرحه في ويهم .. ويمكن يتباهون بهالشي جدام الشواب والعيايز ربعهم ..صح في بعض الاسماء ما تكون حلوه وهالشي يخلي الام ما ترضى بالاسم وخاصه انها تعبت في الحمل وتعبت في الولاده وتحس ان من حقها تختار اسم الياهل اللي ياها .. بس يبقى في شي كبير لازم يكون في الاعتبار .. وهو احتساب الأجر عند الله ..
لأنج يا أختي الحبيبه بتكونين يده في يوم من الأيام .. وتخيلي نفسج في ذاك اليوم ولدج وحرمته يقولون لج سميناها باسمج يالغاليه ..

ودمتم بالحب ..

في انتظار ردودكم ..

المزيد من آخر المواضيع من نفس القسم:

**bellegirl** · 2010-03-15, 14:04

مشكـــورة يزاج الله خير ,, ونحن من الحين مقرريتــن نسمي بنوتي على اسم عمتـــي ^_^

لإن يدت ريلي الله يرحمهـــأ ,, والوالدة ماعندهــأ مانع ^_^

وعمتي وأمي واحد ربي يحفظهم ويديم المحبة بينا وبينهم

وأكيــتد التسميـــة انطلاقا من تسميـــة أهلنا لها اثر طيب على نفوس أهالينا ^_^

يزاج الله خير على الطرح

**اسمهايت** · 2010-03-15, 14:07

انا بالنسبه لى الا هو اسم وحلو انى اخذ الاجر يوم انى ادخل السرور في قلب انسان خصوصا يكون كبير بالسن وانى اسميي بنتى او ابني باسم امه او ابوه هذا اقل شي نقدر نسويه ونرد لهم الجميل انهم تعبوا وربوا ولدهم

**Om Rashoood** · 2010-03-15, 14:10

وانا بعد ريلي جالي بسمي على امي
ماعارضته لاني احسها فرحانه لاني بسمي عليها
بس نشاء الله تكون نفس يدتها
والله يحفظ لنا اهلنا من كل شر

*** ام خماس *** · 2010-03-15, 14:11

حلو الموضوع

واناا مسميه على عموووتي00وهي طاالبه هاالشي وفرحت واييد

مشكورة الغلا

**منى المدفع** · 2010-03-15, 14:18

يزاج الله خير ع الموضوع

**@ام خالد2@** · 2010-03-15, 14:27

موضوعج جدا رائع
صحيح كلامج
بس تعرفين في ناس مايرضون أن نسمي العيال على أسمهم
وكثيرين يقولون مايهون علي حد يعصب على سميي او اشوف سميي مضايق ( سوالف شواب )
في أحيانا مش كثير بس شي نادر طبعا
أن الطفل لما يسوي شي غلط وتظهر كلمة زلة من حد من اهله هيه تراك شرات فلان الشخص اللي مسمينه عليه
شو تتوقعين تكون ردت فعل الشواب تراهم يزعلون بس مايعرفون شو يسوون ... في مواقف كثيرة تصير
وأحنا عندنا متوارث اسم الجد كثير ...
صح في شياب يقولون لما راح اموت سمو على اسمي الحين مابي حد يسمي علي .. صارت عندنا بس ماعرفنا السبب

**دلة رسلان** · 2010-03-15, 14:30

هي والله صح كلامج

**اخت شما** · 2010-03-15, 14:49

مشكوره اختي عالموضوع الحلو..
ونحن الحمد لله عندنا هاي العاده وااااااااايد..وما شاء الله لها تأثير كبير في قلب اليده واليد^^..يفرحوووووووووون..وبالذات لما نخليها مفاجأه لهم..يعني لما يسألون شو اسم الياهل نقوله اسمه فلان بن فلان ..ويكتشف انه اسمه شرات اسمه..ما شاء الله يتشقق من الخااااااااااطر^^..

**>>الحنين<<** · 2010-03-15, 17:43

تسلمين عالموضوع .. واتصدقون أخوي لما حرمته يابت بنت سماها على اسم أمي ، والوالده استانست وفرحت وخبرت ربيعاتها .. فرحانه وتقول حق ربيعاتها ان ولدها سمى بنته على اسمها .. وبعد أيام قال لها خلاص غيرت اسمها وان شاالله البنت الييايه .. الوالده اتضايقت وايد وأثر في نفسيتها خاصة انها خبرت ربيعاتها .. وبعد هالبنت الله رزقاه بثلاث بنات وما سمى ولا وحده منهم باسم أمي الله يسامحه ..

**حياة القلوب** · 2010-03-15, 18:09

في ناس احيانا تدخل باللي ما يعنيها انتي تسمي عن طيب خاطر ولاسعاد غيرها واخذ الاجر وناس تاخد الموضوع انه سيطره وانهم غصبوكي عليه انا سميت ابني عاسم جده بس توبه والله ما سمي بنتي عاسم حماتي بعد اللي صار طلعوني مجبوره وجوزي اللي غصبني وانا ما بدي وووووووووووووووووووووووووووو
قرفوني الصراحه

**جنون راك** · 2010-03-15, 18:46

صج الشواب يستانسون لكن بعد لازم نفكر أن الإسم مب مال يوم ولا يومين
لازم نختار اسم مساير الأيام ،، يعني مستحيل أسمي عيالي اسم مايليق فيهم
يعني يكبرون ويلعنون اليوم إلي إتسموا فيه؟ ليش حرام،،

**حوردبي** · 2010-03-15, 18:58

أنا سميت على اسم عمتي وعلى اسم عمي وعلى اسم ابويه بس ما عندي الا بنت وحده ولا كنت ناويه اسمي على امي حبيبتي .. الله يطول في عمارهم

**زم_قمر_ان** · 2010-03-15, 19:44

عادى الصراحه عيالى كلهم على اسم أهلهم

انا اشوف الولد عادى مو مشكله نسميه اى أسم

اما البنت احس مشكله لازم يكون اسمهاا حلو وعصري

**eyoon** · 2010-03-15, 20:13

ههههههههههههههههههههههههه عادي

الموضوع: موضوع مهم..

أدوات الموضوع

عرض

موضوع مهم..

المزيد من آخر المواضيع من نفس القسم:

المواضيع المتشابهه

موضوع شامل لكل منتجاتي مع تجارب البنات (موضوع متجدد)

موضوع خاص جدا لطالبات الثانوية بشكل عام ؟؟؟ + موضوع مهم في غاية الأهمية للأمهات