على شفا حفرة من الدمار ..

**Unreachable** · 2010-03-14, 23:15

السلام عليكم ورحمة الله وبركاته

ترددت الف مرة قبل ماانزل الموضوع
بس اللي فقلبي والله حمل وثقل يوزن جبال

انا كلها شهرين وبتزوج ..
انا مالجة من 9 شهور تقريبا
انا وريلي متفاهمين الحمدلله ونحب بعض وايد .. بس ريلي أحيانا يجلب جلبات فظيييعة والله
أحسه إنسان مب طبيعي ومريض نفسياً ..

تخيلوا انا بس طلعت عشان اتشرى بس مال ساعه طلعت ويا اختي ورديت البيت
وهو اصلا مسافر .. نسيت اطرشله اني طالعه .. فيوم جعت البيت طرشتله مسج وقتله بكل حسن نية حبيبي انا كنت طالعه ورديت من شوي

والله انه سفل فيني وخلاني انا والسافلات الواطيات واحد

ما خلا لا زباله ولا خمام ولا لوث ما شبهني فيهم

قسما بالله انه سواها فيني كمن مرة بس سكت عنه قلت بيصطلب ويمكن من زود حبه هو جي يسوي
بس وصلت فيه لدرجة انه يشك في أخلاقي وإخلاصي .. يقولي هيه طلعي واتصيعي ماعندج حد يصلبج !!!! ... جيه انا وين سرت بيت دعارة ولا ديسكو ؟؟؟؟!!!!!

والله إني استويت مااطيقه لانه شكاك ولسانه وصخ وما يحترمني مول

ياكثر ما يهددني بالطلاق بس هو مب قد رمسته وما يتجرأ بس أونه يبا يزيغني

يبا يحسسني بسيطرته وسلطته علي بس ما يروم وهالشي اللي يقهره زيادة

انا بنت متربية فبيت محافظ اهلي واثقين فيني وطلعاتي ويياتي ويا بنات العايلة اكثر شي
أدرس في جامعة مختلطة من 3 سنين والحمدلله محد تجرأ علي لان المحترمه ينجبرون يحترمونها غصب .. وقبل الملجة هو اللي شجعني عالدراسه وقالي بخليج تدرسين الماستر برع البلاد وياي ان شاء الله .. في البداية كان منفتح والله ... الحين مستوي كريه والفاظه وصخة

ويخليني انا والبنات اللوث في نفس المستوى بس لاني احيانا اطلع بدون مااخبره .. مع اني اطلع من بيتنا بشور واذن اهلي ..حشى عليه والله اني مااشرد ولا أواعد حد ,, بس والله أحس مااروم استحمل منه هالشي .. قمت اتجرأ عليه واطعنه فرجولته واوله انت مافيك ذرة رجولة وشرف لانك تطعن فشرفك اللي هي انا .. والله مااعرف شو اقولكم
من يومين كنا نخطط كيف نرتب حجرتنا واغراضنا وحجزنا حق شهر العسل
والحين وضعنا واصل للحضيض
والله ان نفسيتي متدمرة واحس اني مااقدر اتحمل اكثر عن جي

ومااحب اسمع طاري الطلاق مول ولا افكر فيه
ابا حل .. ابا اسلوب ولا طريقة اقدر اسيطر فيها على مشاعره واسلوب كلامه وياي
ابا أغيره .. مابا اضعف .. لاني أحبه وهو يحبني .. بس هالحركات تخليني اخذ منه موقفوانجرح جرح كبير ومستحيل انساه لو بعد سنين .. لان التجريح والله صعب صعب صعععب !! ....

والله دعوة حلوة منكم بنات بان الله يهديه ويهديني ويسخرنا حق بعض ويهدي باله وقلبه عليه

الحمدلله على كل حال

المزيد من آخر المواضيع من نفس القسم:

**أم غروور** · 2010-03-14, 23:21

ماعرف شو اقوولج..

الله يهديه يارب

**أميرة البيت** · 2010-03-14, 23:22

الله يهديه ويهديج ويسخركم حق بعض ويهدي باله وقلبه ويوفقكم بحياتكم

**مغربية في دبي** · 2010-03-14, 23:22

الله يوفقج الغالية ويسهل امورج ويا ريلج

انتي حاولي ما تبقى من ايام قبل العرس ما تطلعين من غير ما تخبرينه

وبعدي عن الاشياء اللي اتزعله وتخليه يعصب

وربي يجمع بينكم على خير

هذا اللي قدرت اقوله والسموحة الغالية

**الجـــوريـــ** · 2010-03-14, 23:26

حبيبتي والله .. اممم حبووووبه ليش ما اتكلمينه بهدوووء يعني من دوون صريخ ولا شي .. خبريه بكل الكلاااام اللي قلتيه اهني ..يعني انج اتحبينه وشااارتنه .. وبأسلووبه يااالس يبعدج عنه وينفرج منه ..

صدقيني احسن شي .. الاسلوووب والتفاااهم .. وربي يفرجها عليج انشالله ..

**كلي هيبه** · 2010-03-14, 23:26

الله يهدي ريلج يااااااااااارب..
ويهدييج ياااااااااااااارب..

ويحنن قلبه عليج و تردوون شرات اول و احسن..
وربي يتمم فرحتكم على خير ياارب..
وتعيشوون حياتكم كلها سعاده فـ سعاده ياااارب..

**ظنحانية 2020** · 2010-03-14, 23:27

الله يهدييه يارب ويسخرره لج..
ياارب آميييييييييييييييييييييييييييييييييييييييييييييييي ييييييييييييييييييييين
الله يوفقكم..مبرووك مقدمآ فدييتج..!

**Unreachable** · 2010-03-14, 23:28

والله اني مااقصر في حقه ابداً
أهلي عاطيني حريتي وياه لاننا مالجين ويوم يكون فالبلاد يتم وياي طول الوقت
ويعاملني شرات الاميرات والله .. مب مقصر علي بشي

بس والله اني انجرح جرح كبير واصيح بهستيريا يوم يسفل فيني لهالدرجه ويقولي يا زباله

توه يقولي أحبج ومحد يسواج وعقب يومين زباله

شو هالتناقض عنبوه .. والله اني بشر وأحس
ولو شو أسوي ما يخليه يتجرأ ويطعنني فأخلاقي

انا مافي شي كاسر قلبي غير اني هنت عليه و ساواني بالواطيات !!
عيل يوم بتزوج شو بكون فنظره ؟!!

الله يعيني عليه وعلى طبعه ومزاجه الصعب والمتقلب !!

**unreachabl** · 2010-03-14, 23:33

أوووووووووووه انتي نكج نفس نكي ( متفيجه صح خخخخ)

والله انا عن نفسي ... ما انصح وحده تتزوج واااحد وهي تعرف عيوووبه من قبل و تقوووول انا بغيره يوم تزوووج

يعني في بنات يعرفووون انه رياااييلهم ما يصلووون ... ويقوولوون ماعليه انا بغيره

حبيبتي ترا الطبع يغلب التطبع ....يعني اذا ريلج انسااان عصبي و ما يرووووم يوووود اعصااابه و ما يحترم احد ... صدقيييييييييني ما رح يتغير

انا خاااالي نفس ريلج و هو متزوج من 30 سنة ... وهو ليييييين احينه نفس الطبع

تخيلي مرات يتصل في امي يسفل فيها الاررررررض

الله يعينج ... ويووووووفقج و يسعدج يااااارب .... قولي أمين

**Unreachable** · 2010-03-14, 23:42

اختي انريجبل

ريلي ملتزم الحمدلله صلواته كلها فالمسيد وريال نظيف لا يدوخ وماعنده اي خرابيط .. حتى مب راعي بنات الحمدلله وهالشي اللي مخليني اتمسك فيه لانه والله عملة نادرة واقدر اصبر لان مافي انسان بدون عيوب وهذا نصيب

بس ابا حل حق لسانه اللي متبري منه والله
احيانا يوم نتراضى ايلس اذكره بكلامه واسلوبه وياي ييلس يضحك ويتهرب ويحبني ع راسي ويقولي اسف يوم اعصب مااحس بعمري .... انزييييييين انا شو ذنبي ابلع كلام مثل السم بس عشان الاخ تعكر مزاجه وعصب

اففففففف تعبت والله

**miss_zqrtyh** · 2010-03-14, 23:50

صلي صلات استخاره

**اسمهايت** · 2010-03-15, 00:09

اللهم يارب يفرج همج ويسر امورج وينولج الى في بالج امين امين امين

**سر حياتي** · 2010-03-15, 00:14

الله يهديه..

**قطوه متوحشه** · 2010-03-15, 00:28

لو مكانج كله ولا كرامتي
من اولها مايحترمج الله يعينج

**الأمورة الحلوة** · 2010-03-15, 00:42

والله تحملي من واحد يهدد بالطلاق لان ريلي نفسه تعب اعصابي وهو يهددني ومب بعيدة ينطق الطلاق دام انه يهدد والله انا اقول صلي استخارة احسن لج

ربي يعينج

الموضوع: على شفا حفرة من الدمار ..

أدوات الموضوع

عرض

على شفا حفرة من الدمار ..

المزيد من آخر المواضيع من نفس القسم:

المواضيع المتشابهه

معآنآتي مع شعععري الدمار ><

صور الدمار اللي صار

الدمار الفني وصل مدينة العين

ارجوكم انقذوني من الدمار الشامل

أسلحة الدمار الشامل الزوجية ........