يا ناس ساعدوني

**!!نور الهدى!!** · 2010-03-13, 15:41

السلام عليكم و رحمة الله و بركاته

اشحالكن خواااتي عسااكم بخير

والله يا خواتي ما عرف شو اقولكم انا صارلي هالموقف معااي في الكولج خلال سمستر 1 و مستمر معااي لين هاليوم و الله شويه و بنفجر احس اني بييلي الجلطه و ما شابه اتم طول اليوم مضايجه و افكر و دراستي اهلملتها من سبت هالبنيه ،، والله العظيم ما اقص عيلكم هااي البنيه كانت واايد ويايه يعني تقولون شراات أختي و اكثر و اي شيء تبي اوفرلها يعني فوق ما تتصورون ،، رحت الحج و رديت و الله العظيم تغيرت 180 درجه و الله صايره و جنها عدوتي و البنات شافوا عليه تغيير قالوا مب هذي هيه !!نور الهدى!! اللي نعرفها هذه وحده ثانيه ليش زعلانه ليش مهمومه نحنا شراات أختج و بنساعدج ،، المهم قلت لهم مب صاير شيء بس يمكن ضغط الشغل أثر فيني عشان ما كنت ابي اظهرلهم اي شيء،، المهم كلمت وحده من ربيعاتي كالطرف الثالث عشان ادخل في الموضوع و قلت لها هيه تصرفاته ما ادري كيف صايره و مب حابه ترمسني وجني جاتله او مآخذ حد عزيز على قلبها فما عرف شو السبب،، راحت هالبنيه كلمتها و خبرتها شو السبب بس والله ما خبرتني قالتلي هيه حلفت عليه اني ما اخبرج و هيه بنفسها تخبرج و الله انا ما قدرت اصبر و انا من النوع اللي ما احب اخلي اي حد زعلاانه مني و الله في الليل ما اييني رقااد من كثر ما افكر احس ضمير تأنبني ،، رحت طرشتلها مسج و قلت لها السموحه إذا بدر مني اي شيء سبحان الله و كل انسان له ظروفه و من هالكلاام،،، ردت عليه و قالتي لا عاادي و ردينا بس مب شراات قبل يعني كنت احس ان في شيء مكسور بخاطري لان شفت من معاملتها تغيرت وياي،، بعد ما ردينا من إجازة نصف السنه اشوف ردت شراات قبل يعني والله العظيم انا استغبرت من موقفها انا ما سويت لها اي شيء،و انا من النوع اجتماعيه و حبوبه من كلام الناس اللي يقولون عني ، و هيه اللي قالتلي تعالي ايلسي عندي مب انا رحتلها،،، بعد كم من يوم اشوف البنيه شايله اغراضها و راحت يلست عند وحده ثانيه،، و الله حسيت ان مب حلوه بحقي انها تنش فجأه و تيلس مكان ثاني بدون اي مقدمات حسيت فهاللحظه ان حد صفعني بطراق ع ويهي و مب طايقه ايلس في هالمكان و لا دقيقه و ان شويه بنفجر و بصيح بس مسكت بعمري لين ما خلصت الكلاس،، فيوم الثاني اشوفها مطرشه المسج و تقولي و انا نقلت المسج حرفيا (( اسمحولي بنات على امس لاكن أنا من نوع واايد أصدع بسرعه و انتوا ما شاء الله عليكم واايد ترمسون و ما تخلوني اركز في فلكلاس فبيلس عند ...... احسنلي لأنها هاديه و خلاص هيه البارتنر مالي بس لوفي قروببروجكت بكون وياكم هذا شيء شخصي و كل انسان حره والسموحه)) لما شفت المسج و قسم بالله و الملائكة اللي يالس علي كتفي و يالس أكتب كل حرف اني انا لا من نوع اللي ارمس واايد و لا من هاللي ذكرته ما شاء الله عليها هيه طول الوقت يا سالفتها عن الميكب آب آخر موضه مسلسلات الانمي مالتها و كله من هالكلااام،، بس انا عكسها لا يخصني بهالسوالف و لا هم يحزنون،، و كذا مره جرحتني بأسلوبها جداام البنات قلت بخاطري ما عليه هاااي ربيعتي فوق كل شيء و قلت ما بحط بخاطري عاادي و هاي ربيعتي،، الله يخليكم يا البنات شو اسوي المصيبه كل يوم اشوفها و مجابلتني و تضحك و تسولف و انا يالسه بحسره فأبي نصيحتكم يا خواااتي

و السموحه منكن يا خوااتي أدري وااايد رمست من الحره الي فيه

المزيد من آخر المواضيع من نفس القسم:

**مجروحة النفس** · 2010-03-13, 15:48

انا اقووولج طنشيهااا واخرتها بتحس وبترجع.....

ترا هذين البنات الي سويلهم سالفه اكثر من اللزوووم....

**!!نور الهدى!!** · 2010-03-13, 15:50

المشاركة الأصلية كتبت بواسطة مجروحة النفس

انا اقووولج طنشيهااا واخرتها بتحس وبترجع.....

ترا هذين البنات الي سويلهم سالفه اكثر من اللزوووم....

ادري انا عااادي اطنشها،، بس المصيبه شو اللي صار اني اناديها ما ترد عليه و تسويلي أكبر طااف جدام البنات ،، و إذا سلمت عيلها تشوفني بطرف خشمها

**غاليه الحمادي** · 2010-03-13, 15:51

و ليش زعلانه انتي !
خلاص برايها !

ما عليج يالغلا
ركزري في الدراسه ،،

اانا اقولج اياها
البنات و خاصه صداقه الكليه و الجامعه ما تدوم وايد
اعرف بنات من 6 سنين .. و الحين يوم يشوفوني .. لا يسلمون و لا شي !

طآف يابنت الحلال
و اذا اهي ماتبا تقول شو مشكلتها برايها خلاص

الله يوفقج يالغلا

**أغليـــــــك** · 2010-03-13, 15:51

هلا اختيه نور الهدى ..

جوفي اول شي اتسوينه سيريلها قوليلها انا شو سويت فيج عسب اتسوين فيني جيه ؟؟؟
يعني لاتخليني جيه لا اعرف شو لي مغيرنج علي ولا شي .. يعني اعرفي السبب الغاليه

انج اتمين جيه مابيفيد شي .. حاولي اتحلين هالمشكله

وثاني شي اذا ماطاعت اتقولج خلاص خليها برايها لانه انتي عارفه نفسج انتي هب مسويه شي

يعني ليش تضايقين ومادري شوو وتهملين دراستج عشااانها ؟؟؟

عليج بنفسج الغاليه هيه اذا تبا ترمسج بتي ترمسج هب اتودرج جيه بسهوله ولا جنه من بينكن

صداقه .. ومن اهناك تضحك واتسولف وانتي مضايقه

اختيه نصيحه : خليها واهتمي بدراستج وماعليج منها الا بيرابعج رابعيهااا ..

**أم عبير..** · 2010-03-13, 15:55

حبيبتي انتي ليش مضيجه بعمرج عشانها ..طنشيها
بيا يوم من الايام بتحتاج لج ..
وانتي حاولي تكونين صداقات يديده وماعليج منها ركزي في دراستج وكوني لج شله يديده..
بس شوفي لاتحطين في بالج تكرهينها تركيها بسلام ..وهي خسرانه صداقتج ..
الله يصلح من بينكم يارب..

**أموناليزا** · 2010-03-13, 16:04

حبيبتي صدقها الاخت اللي قالتلج انه صداقات الكلية ماتم دوم شوفي حبيبتي انا اكبر منج بسنين يعني من تخرجت من الكلية من اممممممممممم من 10 سنين تقريبا وشفت هالحالات واقولج طنشيها بس الاحترام لازم موجود ودايما ادعي انه رب العالمين يصفي قلبج صوبها خلاص لا تطرينها ولا تعيرينها اهتمام عندج زميلات اخريات وشوفي انا شو قتلج زمييييييييييييييييييييييييييييلاااات يعني مب صدييييقات خلي علاقتج ويا البنات كلها زمالة واحترام متبادل بس سوالف طلعات ودخلات وتفضفيض خليها مع خواتج حتى المسجات والمكالمات الهاتفية لا تخلينها شي ضروري واااااااااااايد بس انشالله لما بتتخرجين وبتشتغلين عقب بتعرفين كيف تكونين صداقة ومع اي بنت وزمالة مع اي بنت يعني بتكونين انسانه ناضجة بمعنى الكلمة وبتتزوجين انشالله وبكون زوجج وبيتج واسرتج الصغيرة هيه كيانج وحياتج ودنيتج كلها انتي الحين بس اهتمي بالدراسة وزمالتج تكون زمالة جدا راقية مع البنات لما تكون فيها الاحترام والذرابة وبعيدة عن القيل والقال وفلانه ما تبغي ترابع فلانه وفلانه مزاجية ماتدرين شو بلاها جالبه المود عليج . هههههه وايد هذربت السموحة بس بغيت اعطيج زببببببببببدة خبراتي

**!!نور الهدى!!** · 2010-03-13, 16:36

مجروحة النفس
غاليه الحمادي
أغليـــــــك
أم عبير..
أموناليزا

أشكركم كل الشكر على نصايحكم و الله كلاامكم تنحط على الجرح يبرى فديتكم يارب و ان شاء الله بطبك اللي قلتولي إياها

الله يسعدكم و يوفقكم بالدنيا و الآخرة يارب

**❥~S** · 2010-03-13, 16:43

مريت بنفس موقفج واقوى بعد !
بس سويت طاف وحصلت ربيعات والله ربعتهن تنشرى بالملايين
ولين الحين ويايه لاهمهن شي ولا هم يحزنون
الي عرست والي ملجت وبالرغم من جيه ما نسينا بعض
ولا ببنسى بعض ان شاءالله

وهاي البنت نصيحـه مني لج سوي الها طاف
صدقيني بتي في يوم الايام وبتقول الج تولهت على ربعتنا قبل
انتي دوريلج بنت صالحه وتقيه وتخاف رب العالمين
وخليج وياها . . البنات الزينات وايد تراهن
وهيه مب آخر شي فالدنيا

نسيها وخليها اتولي انتي خلي تعاملج وياها مثل قبل
وخلاص وسوي طاف وحياتج =)

والله يرزقج على قد نياتج غنآتي =)

**فطمطم** · 2010-03-13, 16:51

الله يكوووووووون في عونج

**دهن_العود** · 2010-03-13, 17:50

المشاركة الأصلية كتبت بواسطة غاليه الحمادي

و ليش زعلانه انتي !
خلاص برايها !

ما عليج يالغلا
ركزري في الدراسه ،،

اانا اقولج اياها
البنات و خاصه صداقه الكليه و الجامعه ما تدوم وايد
اعرف بنات من 6 سنين .. و الحين يوم يشوفوني .. لا يسلمون و لا شي !

طآف يابنت الحلال
و اذا اهي ماتبا تقول شو مشكلتها برايها خلاص

الله يوفقج يالغلا

**الجـــوريـــ** · 2010-03-13, 18:24

حبوووووبه .. ليش كل هذا ؟! عسب وحده ما احشمتج ولا قدرت صدااقتج ؟! بعدج ما شفتي مشاااااكل ما بعد التخرج والوظيفه شوو بتقوولين عيل ؟!

قوي قلبج .. وادرسي وذاااااكري واقهري الكل ... اذا تميتي مثل ما انتي.. انتي اللي بتخسرين .. وهي عااادي يتتخرج وتضحك واتسوولف وما عليها من شي ..

يمكن ربي يسخر لج وحده اتكووون اخير منها واتعرف شوو يعني الصديق ..لكن هذي ما تستااااهل شي وغلطتي يوووم رديتي لها اصلا ... لانه اللي ما فيه خير الحين حتى بعدين ما بيكووون فيه خير .

ربي يوفقج ..

**أم خلوفي..~** · 2010-03-13, 18:31

المشاركة الأصلية كتبت بواسطة غاليه الحمادي

و ليش زعلانه انتي !
خلاص برايها !

ما عليج يالغلا
ركزري في الدراسه ،،

اانا اقولج اياها
البنات و خاصه صداقه الكليه و الجامعه ما تدوم وايد
اعرف بنات من 6 سنين .. و الحين يوم يشوفوني .. لا يسلمون و لا شي !

طآف يابنت الحلال
و اذا اهي ماتبا تقول شو مشكلتها برايها خلاص

الله يوفقج يالغلا

**.Um Hamad** · 2010-03-13, 18:37

غاليتي...

النفسيات والاطبــاع تختلف من شخص لاخـر...

ولكل منا ردة فعل مغايرة

وحتى تهدا نفسكِ وتطمــئن..

واجهيهــا كـ محاولة لاسترجاع المياه الى مجاريهـا

استفسري منها عن سبب تغير معاملتهـــا وان كان هناك مابدر منكِ يكدر صفوهـا

واتخذي قراركِ بناء على ردة فعلها واستجابتها لرغبتكِ في التوضيح

ان وجدتــي انها تتخذ الاعذار للابتعاد عنكِ...

ولا سبب مقنع يجعلها تنفر منكِ ...

ابتعدي عنها بنفس راضيه متمنيه لها النجاح والتوفيق

وتكفيفكِ شرف محاولة استعادتها

وان فشلتي فلا ذنب لكِ في اطباع واهواء الاخرين

هناك فئة مزاجيـه تغضب لسبب ترجم على حسب اهواءها دون ادنى حق

وانسب طريقه للتعامل مع هذه الفئات... هي اللامبالاة

**ام سالم** · 2010-03-13, 19:19

ركزي على دراستج الغالية ما شي بيقيدج عقب

الموضوع: يا ناس ساعدوني

أدوات الموضوع

عرض

يا ناس ساعدوني

المزيد من آخر المواضيع من نفس القسم:

المواضيع المتشابهه

بنات ساعدوني عيد زواجي قرب وابا حق ريلي هديه حلوه ساعدوني

ساعدوني بنات ... عندي مشكلة في المسن ... ساعدوني الله يخليكم

ساعدوني بليز ساعدوني ما لي غيركم تساعدوني في طلبات الاستاذ التعجيزيه؟؟

ساعدوني ساعدوني ساعدوني ساعدوني في كتابة شعار للمهرجان