عروس في ورطه تبي مساعدتكم حبايبي فالله بليز

**البقايا** · 2010-03-13, 05:13

هلا الغوالي

اشحالكم يميع اتمنى انكم تساعدوني لاني في ورطه وخايفه

هاي نبذه عني

انا عروس وعرسي قريب بيكون بشهر 8 بس بعده ما تحدد التاريخ وانا وخطيبي نحب بعض

وبس هو مايشوفني دوم الا احيانا شرط من بوي الا بعد العرس وانا احترمت راي ابوي بس

اشوفه لما نروح المول نتجهز لعرسي انا وامي ويعزمنا للعشاء

وفالعيد شافني واحيان لمن ابوي مايكون فالبيت بس ما شافني لابسه وكاشخه فول ومترتبه

بس كشخه بسيطه ويعرفني ع طبيعتي

المهم ابيه يشوفني فعرسي باحلى طله وابي اكون اجمل عروس فنظر عينه

بس اللي مخوفني واللي مسويلي فلم رعب

هو المكياج ميك اب العرس ليش؟

بقولكم

انا ما احب الميك اب اكرهه مكياج الساحره

اكرههههههههههههههههههههه

وما احب الظل الاسود والايلان فالعيون اعوذ بالله تقولين شايفه شيطان

والوان قوس قزح ومكياج الشياطين الفرعوني المسحوب وع لوعه

ودومي اشوف ملكة جمال

تعرفون بس اشوف عيون كحيلة وشفايف وردية

وخدود ورديه وتكون رموشها طويلة وكثيفه وبس

لكن ما اشوف ألوان فوق عينها لا!!

واحس ظل العيون خصوصا الغامج مثل الاسود والايلان مايناسبني ويخسفني وايد

بقولكم شو اللي عقدني وخلاني اكره المكياج اتذكر فعرس خالي

الغالي خسفوووووووووووني

وكرهت عمري فعرس خالي كريم الاساس كنه تراب فوجهي وعيوني اعوذبالله من بليس

والمغامره الثانيه كانت فعرس اخوي والقهر انه اول اخ لي يعرس فالبيت اللي يشوف الاسم يقول ابداع الله يسامحهم يارب

المهم جوني البيت والمكياج والتسريحه الله لا يرويكم من ذاك الشكل لدرجة اني بكيت من القهر واطالع نفسي فالمرايه وانقهر حتى مابغيت اروح العرس

وجهي لونه رصااصي وعيوني عيون مشعوذه والمكياج باهت تقولين من زمان جدي يعني بدال ماينورج ويعطيج طله حلوه يخسفج

وتشوفيني بهذاك الشكل تقولين عجوز عمرها 50 سنه ما كني شباب وشوهوا اختي اللي عمرها 17 وبغت تبكي اصلا من يوم جونا وهم يدخنون سقاير داخل غرفتني وانا ساكته بغيت اموت قهر

وجت امي اول ما شافتنا عصبت قالت بسم الله من الجنيات حسافة الالاف اللي دفعتها فوجوهكن واخرتها هذي اشكالكن خلاص تحطمت

حتى كنا جايبين لعرس خوي احسن استديو تصوير عشان نتصور ومن شفنا اشكالنا كرهت عمري كره وحلفت اني ما تصور واول ما زفينا العروس ووصلنا عطول غسلت وجهي ومكيجت نفسي وبدلت فستاني وقعدت فحالت صمت بيني وبين نفسي من القهر

ما شفتوا حالتي فعرس اخوي كنت مقهوره من الداخل والعبره خانقتني بس كنت اجامل الناس وكل شوي ابتسم غصبن علي فاقول فخاطري لو بينت غمازاتي وانا اضحك يمكن شكلي بيطلع احلى ولو كشرت مو احسن لي حتى لو الشعر شوي غطى عالمكياج مو مشكله بس القهر انه سوته لي مثل الكوره ورشته بالاسبري لين خلته يابس مثل العود مافيه حيويه لانهم قالولي ما تكلمين ولا كلمه وخلينا ع راحتنا والنتيجه زفت

اما المغامره الاخيره ما كنت مقتنعه ابد لانها سوتلي كله ظل اسود وايلان بس تعبت من كثر ما اشكي سامحوني بس والله مافي حد يفهمني ولاني عروس فمدري ابي حل

تخيلوا حتى الريااييل عندنا يخافون من المكياج فعرس خالي ابوي شافني قال اعوذ بالله من الشيطان الرجيم وخاف من الميك اب ههههههههه وقالي انتي شو حاطه فوجهج

وع طول غسلت وجهي

وفعرس اخوي شافني خالي وخوي من شافوني قالوا بسم الله

وتعقدت كثير كثير من الميك اب

قمت اسوي لنفسي بطلت اغامر تخيلوا حتى فملكتي انا سويت لنفسي

خبصت فعمري بس المهم كنت راضيه

وكانت في تاريخ 5-11-2009يعني قبل كم شهر

كانت ملكتي وطبعا خفت فارس الاحلام يقول بسم الله او اعوذ بالله

وفكرت كثير فمسالة المكياج لدرجة ان راسي افتر من التفكير

فحلفت اني ما اسوي ميك اب واني انا اسوي لروحي برغم اني ما اعرف والكل استغرب

بس المهم اني كنت راضيه ومقتنعه حتى راعيه الصالون لي سوت شعري استغربت قالت ليه هذي ليلتك وانتي عروس ما يصير قلتلها لا

تمت تحاول فيني وتقول انتي حلوه و ملامحك وابتسامتك حلوه

قلتلها لا تطرين شي اسمه مكياج اكرهه ما احب كيلو ظل والوان فعيوني وكيلو تراب فوجهي

فحلفت اني ما اسوي ميك اب فالصالون والكل استغرب كيف انتي عروس والكل بيبارك لج وبيسلم عليج وانتي مو مسويه ميك اب

والله اني مارضيت ياناس كنت احس بخنقه وبشي مو طبيعي
وان المكياج بيخرب شكلي لاني ع الطبيعه احلى مع لمسات بسيطه من البلاشر

والقلوس والمسكره وتسريحه يطلع حلو

اما خرابيط والله ياعالم ماتناسبني وانا عارفه عمري عدل اكثر

بس الحين غير مو ع كيفي انا عروس ولازم اكون ملكه فعرسي وغير

المهم فملكتي بس سويت شعري فالصالون وانا سويت لنفسي الكريم الاساس والبودر قلس الشفايف والماسكرا والبلاشر اما ربيعتي جزاها الله خير كملت الباقي وحددت خشمي بمكياجها وسوت لي لمعه خفيفه في عيوني

وطلع شكلي روعه الحمدالله لا ساحره ولا اعوذ بالله ولا ايلان فرعوني ولا خرابيط الوان قوس قزح واهم شي اني كنت راضيه ومرتاحه نفسيا وكنت ع ثقه كبيره بنفسي لان اهم شي عندي الراحه من الداخل لان هي لي تعطي طله جميله

انا احب الستايل الراقي السمبل فاللبس وفالشعر احب تسريحه ملكيه راقيه من دون رفعه اكره الرفعه والدفاشه اكره الرفعه ياناس والله ماحبها وع وع احب الملكي والروماني والاشياء الراقيه

واحب الميك الخفيف يعني مثل ميك اب اليسا ونانسي طالع حلو فيهم ويجنن من دون قوس قزح وخرابيط

تحسونه راقي وملكي والوان حلوه مثل الوردي الروز الذهبي شوي معاه او فضي اشياء حلوه مو مكياجنا نحن اعوذ بالله انا عن نفسي مايليق علي

والله ساعات اقول لامي ما بسوي ميك اب لعرسي لاني اخاف شكلي يطلع غلط

والله اني خايفه وايد ومدري فالعرس شاسوي

وافكر في هالشي دوم

بس مدري يابنات ابي شوركن قبل فتره شفت في ملحق العروس في المجله صوره لمكياج عروس عجبني

اسمه صالون افرينا عند فرح الايرانيه في دبي

هي لي تسوي وقالت لو تبيني اجي ابوظبي للقاعه اجي

بس مدري وماعرفها واكيد فالصوره غير وخايفه من النتيجه

ابي رايكم انتوا دخيلكم مابي اغامر مره ثانيه فعرسي يكفي اول

شو رايكم فيها حسب ماعرفتوا كل شي عني تنصحوني فيها او لا

ومنو يسوي حلو مكياج ساعدوني

احبكم فالله

المزيد من آخر المواضيع من نفس القسم:

**لمعة خرز** · 2010-03-13, 05:44

اولآ مبرووك

وثانيآ في وااايد ماكيرات يسوون مكياج لبناني
عندج جويل ما عليها كلام وعندج صالون اللي في فندق ماريوت دبي خواتي سارولها في عرسهم وهي تمكيج الفنانات ومرة شفنا رجاء بالمليحه طالعه من عندها....مكياجها لبناني خوخي
وعندج بعد اظن رحاب مكياجها لبناني

**آنسه مينشن** · 2010-03-13, 09:34

نفس حالتج
ماحب المكياج
بس عاد انتي عروس لآزم اتدورين لج على الكوافيرة اللتي تحط مكياج بسيط وناعم
وان شا الله الناس بيقتنعون فيوم من الايام انه الميك اب الخليجي واللي هو يكون متروس وثجيل ومسحوب مش
جذاب مثل المكياج الناعم او طبيعة البنوتة بملامحها بدون مكياج عيون

**"شموخ"** · 2010-03-13, 10:14

ربي يوفقج

**غيابك اتعبني** · 2010-03-13, 10:19

اويه الله يعينج .. انا وحده اتخبل ع المكياج بكل انواع لووول

**القرموشه** · 2010-03-13, 11:59

عندج ريتا خوري من بوظبي مكياجها لبناني سمبــل .. وع قولتها اتخلي العروس موديــلز

**الــظــيّ** · 2010-03-13, 13:59

احس انتي بتنفعج ليندا خليفه وايد سمبل

شوفيها وسوي بروفه

ولا تتوتريين

سوري بروفات من اللحين لين تقتنعيين ف وحده وحجزيها وانت مطمنه =)

**كل شي موجود** · 2010-03-13, 14:19

تبين شوري

يمكن انتي سويت عند ناس مالهم علاقه فالميك اب شي ميك اب يظهرج خسيفه وشي ميك اب يخليج ملكه

مب شرط الثقيل ولاخفيف اهم شي اللي تحط اذا عندها خبره ولا لا

ونصيحتي لاتقولين ابا خفيف وهذا عرس واللي هو مب اي عرس عــرسج يعني انتي عروس لازم تكونين مميزه بطلتج

يعني خليها تحطلج وسوي بروفات وبعطيج اسم وحده بصراحه تعجبني وسويت عندها اول شي بروفه وحطتلي فالعرس صح كان الميك اب فيه عدة اللوان بس وربي كان شي خيالي والكل تم يسأل عند منو مسويه الميك اب واعرف بعد وحده كانت كبيره فالعمر وعرست والله انها طلعتها وحده صغيره وشكلها باربي بعد يعني هالشي يعتمد ع اللي تحط الميك اب حبوبه

عندج دولي على ماظن واذا تبين رقمها بدورلج اياه
وساميه وريم بعد ماعليها كلام وتقدرين تسوين بروفه عندهن واقتنعي بالشكل
وخليهم يسون اللي يبونه لاتقولين سو خفيف تراج بتتوهقين جذيه

وبالتوفيق الغاليه

**صمت الزمن** · 2010-03-13, 14:32

ليندا خليفه فنانه 2 من خواتي في عرسهم حطت لهم
وانا بحط عند هيفاء صفر واساسها فناان .. وعندج نجلاء النعيمي فنااانه امسات اختي حاطه عندها
وعندج جويل في جميرا بس حق العروس تاخذ وايد ..
اما عن صالون افرينا ممم ماجد سمعت عنه ماعندي فكرة الصراحة ..

بالتوفيج حبوبه والله يكون بعونج .. قبل لا تجربين سوي بروفه وجوفي عسب تطمنين اكثر

**خيفانه** · 2010-03-13, 14:44

مكياج افرينا صعب وايد اوفر بالصور عالطبيعه ما شفت كيف تقولين عيبج غريبه؟؟؟؟

**جدايل راك** · 2010-03-13, 16:33

اب اب

**جمانه الامارات** · 2010-03-13, 17:20

ميكب ناعم عيل الكل بغطي عالميكب مالج راي
عموما انصحج خلود التميمي ميكبها جنان

**عيوون احمد.!** · 2010-03-13, 17:23

اولا مبروكه

ثانيااا انتي تحددي للماكيره تبي فل ولا خفيف ..

موفقه فديتج

**zenar** · 2010-03-13, 18:27

عزيزتي
الله يوفقك وييسرلك يا رب
نصيحتي الك: اعملي بروفة عندها قبل العرس
يعني روحي وخليها تجرب وتورجيكي شغلها
طبعا بتدفعي فلوس بس عالاقل بتعرفي النهاية لوين وبتكوني مرتاحة
لا تغامري .. كل دول العالم فيها بروفه...
البروفة يعني تعمل مكياج خطوط اساسية تعرفي منها رسمة العين.. احيانا كل عين رسمة لتشوفي الاحلى, كريم الاساس لاجزاء من الوجه فقط لتعرفي النوعية وتختاري اللون
ومشان تعرفي الوقت اللازم لتخلص المكياج
هادا حقك
جربي وشوفي .. وبالنهاية البروفة مو مجانية
في حال رفضت تعمل بروفه اسأليها متى يكون عندها عروس روحي وشوفي كيف تمكيجيها وقرري

واستخيري
وبالتوفيق
سلاااااااااااااام

**عواشهـ** · 2010-03-13, 19:43

سيري عند اي وحده مشهوره و اطلبي منها سمبل بسييط و بيسوولن لج و لو تبين توزيعات لعرسج بالسعر الي تبينه فالج طيب حبيبتي..

الموضوع: عروس في ورطه تبي مساعدتكم حبايبي فالله بليز

أدوات الموضوع

عرض

عروس في ورطه تبي مساعدتكم حبايبي فالله بليز

المزيد من آخر المواضيع من نفس القسم:

المواضيع المتشابهه

عروس في ورطه

عروس في ورطه

عروس في ورطه !!