الدخون الظفاري

**بنت-السلطان** · 2010-03-15, 02:11

المشاركة الأصلية كتبت بواسطة JOOJY

يسلمو الغاليه
انا لما كنت بصلاله اشتريت من عند وحده دخون مااعرف شو اسمه قالتلي انه احسن انواع الدخون الظفاري واشتريته ب30 ريال يعني 300 درهم بس لما يت البلاد وجربته... كانت ريحته مب شي.. والله حرام يلست تمدحلي اياه وايد واقنعتني فيه عشان اشتريه وياليتني مااشتريته...الله يسامحها

واي انا ينبط جبدي لما احد يقص ع زوار صلالة بالخريف
فانتي من وين شاريتة ياقلبي اكيد من السوق اللي الحريم السمر يبعونه
هذا اسمحيلي مو شي كلش ولا هذا اللي اتكلم عنه

ويمكن بعد تكونين شاريتة من حرمة عادية
انا اللي اتكلم عليهم حريم معروفات ع نطاق صلالة
يعني وحده من الاخوات ذكرت وحده منهم
وانتي علشان ماتتدودهين اسألي عن اشهر حريم يبعون الدخون العرائسي والملوكي
بصلالة والصغير قبل الكبير راح يدلج عليهم
ياريت فيني اكتب اسماء او قبائل
بس اخاف يقولون تسوي دعاية او شي
انا والله ماعرفهم شخصيا بس هذيلا المشهورات بصلالة واي وحده بصلالة تدل بيتهم

**بنت-السلطان** · 2010-03-15, 02:16

المشاركة الأصلية كتبت بواسطة cri de couer

مرحبا

مشكورة حبوبة ع الموضوع،

انا من سنتين وصلتني كمية كبيرة هدية بس ما عيبني *_* مب متعودة على هالروايح..! حسيت الريحة جدا "عربية" وانا احب الي تكون رادة على عود خالص او فرنسي

الناس اذواق

بس حبيت اشارك دام اني جربته

انتي يمكن وصلج الدخون الظفاري القديم جدا حق العيز
اللي يدخل النفوج ويشقة شق من ريحتة القوية
وهم بعد مو هذا اللي اتكلم عنه

انا عندي يدتي من تتبخر اشرد من المكان وطول اليوم يحوشني صداع
من كثر ماريحتة مركزة بس هذا رخيص حده 5 ريالات او 10 ريالات
مادري بس الحريم العيز يحبونه
فديري بالج من تشترين ان يكون الاسم مشهور مو اي احد يسوية

**بنت-السلطان** · 2010-03-15, 02:24

المشاركة الأصلية كتبت بواسطة اخت القمرر

السموحه اختي نسيت بلغط من فرحتي باهل صلاله فديتهم انا

فديتج عادي ياقلبي تمونين

المشاركة الأصلية كتبت بواسطة سعاده2

اكيد مافي اشهر عن دخون الظفاري

اذكر امي الله يذكرها بالخير من تبخر البيت به والله الي برا البيت يشمونه

صراحه ماتندم من تشريه لان سعره فريحته ^^

صور المكياج خبال بعد

تسلمين حبيبتي ع الكلام الحلو
ربي يسعدج دنيا واخرة

المشاركة الأصلية كتبت بواسطة الجوهره82

اللي في السوج ولااااااااااااا شي

اي والله صاجة اللي في السوق اي كلام ,,
يمكن ينفع للبيت بس مو حق العرائس اوالملوكي اللي يصلح للثياب
الواحد يتبخر فية

**بنت-السلطان** · 2010-05-12, 18:40

للرفع

**ام سالم** · 2010-05-12, 22:35

مشكوره الغاليه على هالموضوع الرائع ..

**Dubai Dream** · 2010-05-13, 13:42

وهل يخفى القمر.. الحمدلله نحن دوم ناخذ من نساء معروفات من صلالة.. والريحة روووعة طبعا وقوية وتثثثبت ... مب نفس مال السوووق

وتسلمين عالمعلومات الغاللللللية ..

**ابداع** · 2010-05-13, 15:20

رفع عزيزتي ماعندي فكره

**بنت-السلطان** · 2010-05-13, 16:01

المشاركة الأصلية كتبت بواسطة الرزينة

راحه الاكسسوارالت الي في الصوره وايد حلوات

وين اقدر احصلهن ؟؟؟؟

بس انا ابا اسالج دامج من ظفار

المعروف انه رواتب اهل عمان يعني مب وايد على قدهم

ما ادري هو في ظفار غير ولا ككيف؟؟ لان يوم سرت اخر مره اشوف حريم يخيطن عبايه عل 600 و شئ على الف وفوق استغرب كيف عايله فلوسهم على قدهم يقدرون يشرون اشياء غاليه جيه؟؟

تقصدين الاكسسوارات الظفارية
مثل العصابة اللي تنحط ع الراس والطقم الحلق والحبوس اللي ع الاقدام
هذي اكسسوارات تريدشنال بس الحين دخلت عليها الموضوعة وصارات ماتفرق عن اكسسوار
كلها شغل بالكريستال والديزاينات الحلوة
وفي نوعين ياقلبي من هالاكسسوار
الذهب وطبعا غالي
والفضة متوسط
والاكسسوار العادي اللي يصنع منه اي اكسسوار وهم بعد صار قريب من سعر الفضة
لان الحريم صارن يبالغن بالاسعار للاسف وملاققين من يعبرهن ويشتري منهن
للاسف الظفاريات لو زوجها يشحذ بالشارع مايهما تلقاها تلبس كانها حرم وزير وتبالغ بالكشخة.
الان ارتفعت الاسعار بالمقابل ما ارتفعت المعاشات بعكس اهل الامارات لما ارتفعت الاسعار زادت المعاشات عاد احنا تورطنا ارتفعت الاسعار والمعاشات مثل ماهي
السعودية احنا معاشاتنا تقريبا نفسهم بس مع هذا اسعارهم والسوق حلو عندهم واحنا قربنا منكم ياحلوين اصبح اسعار السوق يوازي سوق الامارات واحيانا والله اكثر
وخاصة من ابتدى الحريم يفتحن محلات ويتاجرن
الله يستر علينا وين بنوصل

**بنت-السلطان** · 2010-05-13, 16:04

المشاركة الأصلية كتبت بواسطة Dubai Dream

وهل يخفى القمر.. الحمدلله نحن دوم ناخذ من نساء معروفات من صلالة.. والريحة روووعة طبعا وقوية وتثثثبت ... مب نفس مال السوووق

وتسلمين عالمعلومات الغاللللللية ..

القمر بطلتج ونورج ياقماري المنتدى يا دبي دريم
هيه حبيبتي اي واحد يجي صلالة لا يتورط ويشتري من السوق
يسأل وين الحريم اللي يسون للعرائس وهم بدلوكم وعندهم اساسا معامل بيتية

**روح الشارجه** · 2011-05-24, 10:57

والله شوقتوني ...

بليز بليز بنوتات ..

منو ممكن توفر لي الدخون الظفاري ..

اللي من عند المرهونيه ..

وانا بدفع اللي تباه ..

**روح الخفايا** · 2011-05-24, 15:28

موفقه

**بنت-السلطان** · 2011-12-14, 06:15

للرفع

**مبدعة الجمال** · 2011-12-14, 13:08

مووووووووووووووووووووفقه

**مون 55** · 2011-12-14, 17:11

يزاج الله كل خير

**وردة صلالة** · 2011-12-14, 17:25

دخون المرهونية خبال ما شاء الله عليها بس الحريم اللي يبيعون في الحافة او مركز البلدية او السوق لا تشترو من عندهم لان مو اصلي الحريم اللي يسوون في البيوت هم الأحسن خصوصا اللي يسوون دخون العرائس

الموضوع: الدخون الظفاري

أدوات الموضوع

عرض

المواضيع المتشابهه

شو الدخون الي أدخنتي منة والكل سألج عنة وحسيتي ريحتج تفوووووووح من الدخون الكل يشارك

الزي الظفاري