للي وزنها ينزل بصعوبه وتعاني عشان تنزل كيلو واحد ..

[شوق وبس]

:

مرحبا صبايا

شخباركم ؟!

طبعا الجواب باين من عنوانه على قولتهم

اللي وزنها ينزل بصعوبه وتعاني عشان تنزل كيلو او كيلوين

ياريت تخبرونا عن تجاربكم وشو الرجيم اللي استفدتي منه واللي ما نفعج



ببدأ انا بما اني كاتبة الموضوع .. سلمكم الله انا من النوع اللي وزني صعب ينزل طبعا بدت معاناتي الحين من كم شهر بعد ما ولدت زايدة 10 كيلو وابغي انزلهم وخاصة اني زدتهم قبل الحمل في فترة علاجي عشان احمل يعني الزيادة كانت من المنشطات ..

حاولت اسوي ريجيم ما قدرت ومن يومين استخدمت شاي بايوجي قلت يمكن يطلع معاي بنتيجه .. شفت الخلق كلها ترمس عنه واغلبيتهم استفادوا منه قلت خلني اجربه عسى انه ينفعني ..

حاليا وزني 85
ابغي اوصل 75
واذا قدرت 65

للعلم ان 75 وايد حلو علي واتمنى ارد عليه

قبل ما احمل جربت كم ريجيم ما نفع وياي مع اني من النوع اللي التزم .. تخيلوا رحت عند نيوترشن وفي اسبوعين نزلت كيلو واحد تحبطت معنوياتي خاصة اني ملتزمة كنت بالحرف الواحد ..

من زمان سويت ريجيم ورحت النادي بصراحة نزلت بس مب وايد يمكن 6 كيلو في شهرين ..

والحمدالله على كل شي .. ادعولي ان وزني ينزل بسرعة هالمرة ..

ويالله شاركونا بقصصكم او حتى قصص حد تعرفونه عشان نتشجع ونفيد بعض ..

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميـ أم ـودي]

[همس السحر]

أنا كمان زايدة قبل الحمل وبعده
والآن متبعة ريجيم التخفيف وصرت احاسب على أكلي وأنتبه للسعرات الحرارية بتعرفي كم كيلو لازم انزل من 30 كيلو ل 35 تخيلي مصيبة وقاعدة على قلبي الله يعينا يا رب
والحمد لله متل ما انت شايفة في الشريط اللي تحت نفع معاي وان شاء الله الله يصبرني وأكمل المشوار الطويل ويقوي عزيمتنا
ترى قبل الريجيم كنت شرهااااااان جائع هههههه ايش ما يطيح تحت ايدي آكله فقررت آخذ قرار قبل ما تصيبني جلطة لا سمح الله

[دفوشة]

اختي حاولي تجربي الريجيم الكيميائي

انا جربت ريجيم اسامة حمدي

نزلت باول اسبوع 4 كيلو

واختي نزلت 5 كيلوو

بس يوم ييت ع الاسبوع الثاني ما نزلت ولا كيلوو

[Malgoofa]

بناااات اول شي قبل الريجيم في شي اسمه التنظيف , يعني اتنظفين من السموووم اللي كلنااها طو ل هالفترة هههه
يعني يكون قاسي شوي , عقب شهر تبدئين الريجيم العادي انا مانفع وياي الا جي
بقولكم كيف ,, سرت عند دكتور اجنبي في مركز الاعشاب الطبي عطاني شاي اعشاب + منظف
وهالفترة ماتشربين اي نوع من المنبهاات و لا خبز ولا عيش ولا اجبان ولا البان ..
يعني مشوي و مااااااي ثم ماااااي وسلطة و فواكه .. عقب عطاني نظام عاادي
وتنزلين في حدود 2 - 4 كيلو في هالفترة و هذا الطبيعي , يعني حدج كيلو في اسبوع
انا جربت واايد دكاترة وانتبهوا دكاترة مش اخصائيين وقالولي 2-4 فالشهر فقطط
لاتستعيلوون على رزقكم النزوول البطيء مابتردين بسرعة وعن تجربة اقولكم ..

وبالتوفيج اي سؤال انا حاظرة

[reem.m]

بناااات اول شي قبل الريجيم في شي اسمه التنظيف , يعني اتنظفين من السموووم اللي كلنااها طو ل هالفترة هههه
يعني يكون قاسي شوي , عقب شهر تبدئين الريجيم العادي انا مانفع وياي الا جي
بقولكم كيف ,, سرت عند دكتور اجنبي في مركز الاعشاب الطبي عطاني شاي اعشاب + منظف
وهالفترة ماتشربين اي نوع من المنبهاات و لا خبز ولا عيش ولا اجبان ولا البان ..
يعني مشوي و مااااااي ثم ماااااي وسلطة و فواكه .. عقب عطاني نظام عاادي
وتنزلين في حدود 2 - 4 كيلو في هالفترة و هذا الطبيعي , يعني حدج كيلو في اسبوع
انا جربت واايد دكاترة وانتبهوا دكاترة مش اخصائيين وقالولي 2-4 فالشهر فقطط
لاتستعيلوون على رزقكم النزوول البطيء مابتردين بسرعة وعن تجربة اقولكم ..

وبالتوفيج اي سؤال انا حاظرة

هلا الغلا

قولي لنا عن الاماكن اللي رحتي لها لتنظيف الجسم عشان نستفيد بعد

[الغداره]

الريجيم الكيميائي


اختي شوها الرجييم ..؟

شو سالفة ممكن تعرفيني عليه اكثر

[Malgoofa]

مركز دبي الطبي والعلاج بالاعشاب في شارع زعبيل , دكتور اجنبي اسمه راين وااايد اوكي و هالعلاج اللي كتبته مال التنظيف ..

[حورية خليفة]

انا بعد اعاني >_<

[اخت بوحميد]

انا خاطرى اضضضضضضضضضضضضضضضضضضعف وانزل 30 كليوووووووووووووووووووووو

[ديــايــه]

انا بعد ماينزل وزني الين اطفر واوقف رجيم ..

الحين بديت على الرياضه واخفف الاكل ..

ان شاءالله اضعف

[الضياء]

هلا الغاليه انا مثلج نزول بطئ مع اني انضبط بالرجيم وهذا اللي يخليني امل وارجع يعني ست ايام رجيم ويوم واحد مفتوح واحاسب فيه بعد اذا ييت وزنت يزيدني كيلو الحين انا بجرب استغني عن العشا والله كريم

[Miss_Somethig]

انا قالولي انه شرب الماي روووحه ينزل الدهون والسوائل في الجسم ..

حاولي تاكلين اكثر من 5 وجبات .. واهم شي تاكلين لانه يوم ماتاكلين جسمج مايحرق ..

مثلا تريقي .. وبين الغدا والريوق كلي شي خفيف ( برتقاله - تفاحه - خس - خيار ) الخس والخيار بالكميه اللي تبينها

وعلى العشاء كلي اي شي مشواي .. ويفضل انج تنوعين عن الملل لانه انتي بترمسين عن شهور من الرجيم .. وحاولي تخلين الربيان مره وحده في الاسبوع ..

والعشاء شي بسيط .. مثلا ( سلطة تونه - خيار بالروب - شوربه خضار - شوربة عدس ) اي شي بسيط

ولازم قبل كل وجبه كوبين ماي .. قبل الوجبه ب 15 دقيقة او نص ساعه

ومشي كل يوم من نص ساعه لين ساعه

وخلي يوم واحد من الاسبوع مفتووووح .. والوزن في يوم واحد بعد وسجلي الوزن في كتاب

انا سوييت جي .. طبعا في اسابيع كنت اخبص شوي .. بس مانقص في هالاسابيع

نقصت تقريبا 9 كيلو في 4 شهور .. وانا اشوفه وايد زين لاني ما هلكت عمري .. واللي تنقصونه في فتره طويله ما يرد بسرعه ..

وانا احين من شهر موقفه رجيم .. بس ما وقفت الرياضه .. عشان جي وزني ثابت لين احين ^^

واحين ان شاء الله بكمل .. ابي انقص بعد 9 كيلو زياده وخلاص بوصل للوزن اللي اباه

واتمنى انكم تستفيدون من النصائح

لا يقولوكم دكتور ولا اخصائي ولا ادويه ولا خرابيط .. والله هالشي بيضركم