ريلي زعلان مني

**اخت القمرر** · 2010-03-09, 00:32

بنات بليززز ريلي زعلان مني وانا الغلطانه وابي طريقه ارضيه فيها اتصل فيه ما يرد عليه بليز يلي عندها مسج حلوو او فكره تقولي يلا يا حلوات لا تحرمن من افكاركن الحلوه

المزيد من آخر المواضيع من نفس القسم:

**تعب حال** · 2010-03-09, 00:45

الله اعلم
ان شاء الله الخوات يفيدونج..
الله يهديكم لبعض^^

**اخت بوحميد** · 2010-03-09, 00:48

بعطيج مسسسج حلووووووووووووو

دافي الفاتن..يسري كما الدم بعروقي

لاضاقت ادروب واماكن..صوتك غدى شفي وذوقي
:::::::::::::::::::::::::::::::::::::

ياللي غرامك معي ساكن..حتى ولو صار مخنوقي

وليل العيون اسود وداكن..فيه الف رعاد وابروقي
::::::::::::::::::::::::::::::::::::::::::::::::::
::
رد لي حياتي وأعطني إبتسامتي أنا إنسان احب أن أكون الحبيب الأول والآخر

+++++++++++++++++

أعطيتك عمري وأعطيتني كأساً مسموم أشربه وأقول ربي لا تقتلني بسم حبيبي

++++++++++++++++

الحب لك وحدك وعمري وهبته لأجلك كن رحيم القلب لاتطلب المستحيل

++++++++++++++++

ولهان لضمه حنونه منك ولهان لنظرة حب منك أنا من الولهه تعذبت

+++++++++++

**أم مغاوي** · 2010-03-09, 00:49

تتصلين عليه مايرد؟؟

شو مايسكن عندج

ولا انتي مالجه بس؟؟

انا اقول اذا شفتيه سيري حبيه ع راسه و يبهته
وقولي له اسفه عطيه من الزين بيني له انج ندمانه

واذا سامحج اليوم الثاني طرشي له هديه بسيطه

حتى لو ورده من بيتكم مع رساله شكر على رضوته

**لورا** · 2010-03-09, 00:49

ماعليه اصبري لين يهدأ......

دامه معصب مابيرضى !!

وباجر طرشيله مسج تعتذرين فيه وان شاء الله بتنحل السالفه

**نسيم المطلعيه** · 2010-03-09, 00:52

حبيبي ليش متغير وعلي متغير اسلوبك .!!
يبين لو سكت قلبك بانها ضيقتك مني ..

هداك الله يا اغلى انسان
علامك ليه علي زعلان
اخاف اني عليك اخطيت
انا آسف اذا غلطان
سكوتك طال وحيرني
قطع حبل الصبر مني
ياليتك بس تكلمني
كفايه الصمت انا تعبان

حقك عليه ان كنت زعلان
يابعد عمر وقلب غاليك
برضيك مهما يكون يافلان
حتى ولو راضي براضيك
قبلي بك مولع وحيران
محتار مايدريبك شفيك
ويقولك ان كان غلطان
ارضى عليه الله يخليك

حقك عليه ياللي من البارحه زعلان
وانا خذيت بخاطري من صدودك
سوء الفهم من بيننا بعض الاحيان
يخلق عناوين الجفا من ردودك
المشكله ان الخطا يخلق احزان
وانا خطاي احزن سماك وحدودك
ياملهمي لاعاد تجفي على شان
لانه وجودي مرتبط في وجودك

بدونك دنيتي صعبه طلبتك للوصل خذني
انا مهما ضوى صبحي ابي ليل به سراجك
زعلك اتعب عيوني زعلك حيل علمني
بان الدنيا لو ضاقت فرجها ساعة افراجك
دخيلك ارحم بحالي كفاية الزعل عذبني
حبيبي لاتخليني تراني بجد محتاجك

نعم ادري انا الغلطان !! معاك الحق لو تزعل
ولكني ومهما يصير حبيبك و العذر واضح
تمر ظروف والله لو تدري بها تخجل
الم كلي على بعضي وانا مقدر لو تسامح
حبيبك رغم كل البعد ولاظنيت ابتحمل
زعل لحظه بها تغلط وترمي سهمك الجارح
نعم يتعبني هجرانك ولكني ابتامل
بخير يوم يجمعنا نعيد الود ونتصارح

هذي المسجات اللي عندي عن الزعل وان شاء الله انه ريلج يرضى عليج و خليه فتره لين ما يهدى وعقب كلميه وتأسفيله اكتفي بمسج الحين و عقب تفاهمي وياه احسن ^_^

**unreachabl** · 2010-03-09, 00:52

المشاركة الأصلية كتبت بواسطة أم مغاوي

تتصلين عليه مايرد؟؟

شو مايسكن عندج

ولا انتي مالجه بس؟؟

انا اقول اذا شفتيه سيري حبيه ع راسه و يبهته
وقولي له اسفه عطيه من الزين بيني له انج ندمانه

واذا سامحج اليوم الثاني طرشي له هديه بسيطه

حتى لو ورده من بيتكم مع رساله شكر على رضوته

ماشاء الله عليييييييييييج ... صدق صدق في نااااس نصااايحهم حللللللللللللوة

أنا وياااج 100%

**وأم ياس** · 2010-03-09, 00:56

حاولي وياه اذا ماطاع ع الاقل بتكونين حاولتي لو بمسج

وباجر راضيه "ادري صعب تتحملين يزعل طول الليل"!!

ع الاقل ما يلومبج انج ماحاولتي فيه بس انتي شدي حيلج

الريال ياهل والله

**بنت المناعير** · 2010-03-09, 00:57

تريه لين ما يهدى ولا تخلينه يرقد وهو زعلان منج راضيه سويله جو ينسيه الزعل انتي فاهمه شو اقصد طبعا والله يهديه لج ان شاء الله

*** ام خماس *** · 2010-03-09, 01:05

الله يسعدكم ويبعد عنكم الزعل

**الود4** · 2010-03-09, 01:07

من يدخل البيت سيري وحبيه على راسه واعتذريله

والرياييل مثل اليهال بسرعه يرضون

**دلووعتهم** · 2010-03-09, 01:27

الله يهدى سركم ان شاء الله

**ديــايــه** · 2010-03-09, 14:34

الله لا يجييب الزعل من بينكم ...

**تسونامي** · 2010-03-09, 14:38

الله يبعد الزعل

اذاطاح ال براسه بيعقل هع

**حزازوه** · 2010-03-09, 14:59

طرشيله هذي القصيدة وسائط واكيـــــــــــــــد بيرضا

عسى ماازعلتك البارح وزودت الجراح جراح
عسى مامرت الدمعه على اهدابك من اسبابي

جرحتك من كثر شوقي وخليت الكلام رماح
ولاادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

تلفت للامل دام الرجا في عمري المنواح
اناديلك ولو شرهك وصولك تقطع اعصابي

ابيك الجاي من عمري انا ماابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ماافرح ترى تفرح بك ثيابي

احبك يابعد عمر الحزن والجرح والافراح
احبك كثر مانامت عيونك داخل اهدابي

الموضوع: ريلي زعلان مني

أدوات الموضوع

عرض