عطوني حل لقشرة راس ولدي

**سمره كيوت** · 2010-03-08, 02:57

السلام عليكم ورحمة الله وبركاته

اشحالكم خواتي بغيت منكم حل لمشكلة ولدي
فديته امس حلقته كااامل وشفت على قرعته قشره واااااايد امي تقول مال البطن ابا اعرف شو اسوي او شو احطي على راسه عسب تخوز عنه القشره من راسه ؟؟؟؟؟؟؟؟؟

وعندي سؤال ثاني عن شاي الاطفال متى اقدر اعطيه ؟؟؟؟في اي فتره واشكثر اعطيه كم ملي ؟؟؟؟؟؟ولدي عمره شهرين تقريبآ؟؟؟
وشو افضل نوع لاني انا الي شفته بس ماركة impressامبرس شو رايكم فيه

اتريا ردكم يزاكم الله خير

المزيد من آخر المواضيع من نفس القسم:

**مشاوير** · 2010-03-08, 03:07

نصيحتي زيت الزيتون تحطينه قبل ماتسبحينه بنص ساعة أو حتى أقل
وبعد ماتغسلين شعرة بتلاحظين انه بدا يقل بالتدريج
يباله أربع خمس مرات لين ما يروح كله..
بالنسبة للشاي ممكن من أول شهر أنا مجربة امبرس ومجربة ميلوبا الاثنين زينين..
موفقة الغالية

**سمره كيوت** · 2010-03-08, 07:23

يزاج الله خير الغاليه ومشكوره

**Malgoofa** · 2010-03-08, 10:03

هلا اختي . بخصوص القشرة حطي زيت زيتون قبل السبوح و غسلي شعره بسامبو موستيلا الرغوة وااايد توكي الدكتور الجلدي عطا بنتي لان كان فيها واايد قشور ..
والشاي انا بديت من اول شهر والنوعين عطيتها ..

**روزي حمرا** · 2010-03-08, 10:28

جربي تستخدمين شاامبو القشرة mustela انا استخدمه لعياالي ماشاااء مرتين وبتلاحظين الفرق
انا في كل اعياالي الاحظ زيت زيتوون يزيد القشرة ما يخووزها والاحسن زيت الاطفااال

وهذا الشاامبو بتحصلينه في الصيدليه

وعن الشااي عاادي تروومين تعطينه خلال هالفترة وامبرس زيين خذي بالبابونج

**سمره كيوت** · 2010-03-08, 11:25

يزاكم الله خير بجرب شامبو موستيلا

**ام سيفوه1** · 2010-03-08, 13:58

حطي زيتsebamed baby oil قبل السبوح
نفعني حق عيالي التوأم لأنه ل ph ماله وايد منخفض
بتحصلينه في كل مكان

**جامعية** · 2010-03-08, 14:16

انا جي كان ولدي....تعرفين شو سويت...

حطي له زيت زيتون في شعرة...وخذي المشط الوصم "ذو اسنان صغيرة و متارقبه جدا" خخخخ المشطة شكلة مربع

المهم مشطي شعرة بخفيف...وركزي على مناطق اللي فيها القشرة..مشطي كذا مرة...وبعدين غسلية او حتى ثاني يوم تغسلينه...وتمي سوي هالحركة وخلال مشطتين راح تلاقي الفررررررررررق

**لوكل** · 2010-03-08, 14:40

لا تسوين شيء للبيبي بدون استشارة طبيب

انا عيالي شرات ولدج الدكتور كتبلي شامبو خاااص وقالي حطي زيت اطفااااااااااال

ولا تحطيييييييييييين زيت الزيتون لانه حااااااااااااار لجسم البيبي

وحاليا بنتي عمرها 3 شهووور ونص وبعد فيييها قشوووور وااايد وخذت لها موعد للدكتور

**استيرا** · 2010-03-08, 14:46

انا من مؤيدي زيت الزيتون وايد زين وبالنسبة للشاي مليوبا بالبابونج أواليانسون العادي تغليه وايدزين للمغص الأطفال ومهدئ

**سمره كيوت** · 2010-03-08, 17:50

مشكوراااااات خواتي وما قصرتن

**اسعد تعيسه** · 2010-03-08, 22:32

صدقها امج مال البطن

انا من نفسه خاز بس كنت فركها احيانا زيت زيتون

شاء انا اخذت بابنونج اعطيها ياه قبل النوم

ربي يخليلج علاوي

**سمره كيوت** · 2010-03-09, 03:15

فديتج ام نوفه الله يخليلج نوفه مشكوره على مرورج

**دلة رسلان** · 2010-03-09, 12:08

عن القشره تراها بتروح بس ادهنيه قبل السبوح بزيت الزيتون الاصلي وبعد السبوح ب بيبي اويل اما عن الشاهي فعطيها ميلوبا ما فيه مثله حطيلها خاشوقه فالمرضعه والماي رقم 3 والله يخليه لج اي سوال انا حاضره

**صدى الامال** · 2010-03-09, 23:19

حبوبه انا احيد في بنتي فديتها ما خليت شي ما جربته حق القشرة في راسها عقب ما حلقناها
الدكتورة عطتني لها كريمات طبية و قالت لي استخدمي بيبي اويل و استخدمت زيت اللوز و الناريل وزيت الزيتون
وبعد ما ها كله ما سوا شي تخيلوا عمتي نصحتني بشو
نصحتني بكريم بريلكريم الاخضر صدق صدق يخوز القشرة طبعا مع ملازمة الاستخدام كل يوم
و ان شاء الله اكون فدتح

الموضوع: عطوني حل لقشرة راس ولدي

أدوات الموضوع

عرض

العرض المتطور

عطوني حل لقشرة راس ولدي

المزيد من آخر المواضيع من نفس القسم:

المواضيع المتشابهه

حفلة ولدي ... عطوني افكار

تعبت ويا ولدي عطوني حل

ولدي ابى افطمه كييييييف عطوني حل

ولدي والامساك...عطوني حل

عطوني طريقة أعقل فيه ولدي ..