شو ذنب الاطفاال ='(

[ظبيانية ماركة]

صبحكم ، مساكم الله بالخير
شحالكم ، عساكم بخير ؟!
خوواتي امس كنا انا و الاهل ف احد المولات و كنا انا و اختي واقفين نطلب اكل
و لاحظنا شي غريييييييييييييييييييييييب و عجيييييييييييييب و يلووووع الجبد !!!
شفنا " واااااااحد " <~ لابس غتره و عقال اللي بيشوفه بيقول مواطن و عادي يطلع من اي جنسيه ثانيه .. بس دامه لابس زينا بنشوفه انه مواااااطن !

هالواااااحد وااقف و يعدل وزااره و يمسك .... ، و شووووي الا يلصق ف صبــي :/
و هالصبــي تعطونه صف سااادس او اول اعدااادي .. و يلصق ورااه بشكل مخييييف و غرييييييب
و يسوووي حركاااات ..
شكيناااااااااا ف الموضوع و جربنااا منه ومسكته اختي و صرخت ع الصبي قالت له هذااا ابوووك ؟؟؟
الصبي ترووع و قاال لا لا ، والرياااااااااال شرد !!! عقب ماهددته اختي بالشرطه و نااازعته بصووت عالي
مارمنا نلحقه مارمنا نسوووي شي ثاااااااني لانه شرد !!!
واللي يقهر ف الموضوع ان خالته يت وقالت " مانبا مشااكل " و كااانت متروعه حليلها ولا طاعت تسير تشتكي عند السكيورتي
و قالت ان هالوااااحد كان يلااحقهم من مكان لين مكااان بس عششششان يتحرش بهاليااااااااهل !!!
والياااهل بريييييييييييييئ والله ولا يعرف شي و يوم تسأله خالته سووى لك شي الريال يقول ماعرف مادري !!! يعني ف حاااااله !!

و هذااا .. حسبي الله عليه يعله مايتووفق ف حياااته دام هاااي نيته حق اليهال
و ع فكره الريااال شكله والله مب طبييييييعي شكله يا سكراان يا راايح فيها والله شكله مب مريح وااايد يخوووف !!!!
لا انا ولا اختي رمنا نرقد الف فكره و فكره تدور ف رااسنا
ان لووو الولد سار بروحه الحمام و هذا لحقه ! و لووو و لووو ، اسأله واااايد
ومانقول غير حسبي الله ونعم الوكيل فيه و ف كل واااااااااااحد جي تفكيره ..
اكييد بتقولون ليش ماصورتو و ليش مامسكتوه نحن لوو متأكدين من اللي يسويه جان صوورناه و جي بس ارتبكنا حدنا والله ومارمنا نمسسسكه لانه شرررد و انتو عارفين قوة الريااال !!
و حدنااا متحسفين ليش ماصورناه ليش مامسكناه ليش وليش وليش وليش وان اكييد هالحيوووان بيسير يدور له ع ياهل ثاني يسوي به هالشـــــــــي

خواااتي ديرو بالكم ع عيالكم و اخواانكم والله ماشي امان شرات قبل كل كم يووم الا زاخين واحد و مغتصبينه وذابحينه ولا وحده و كلهم صغااار و يهااال ..
لا تودرون عيالكم عند البشاكير صووب الاللعاب و تقولون امااان و تنسونهم بالساعات بدون اي اتصااال عشان تتطمنون عليهم و انتوو عارفين ان البشاكير فيهم طبع جان لقوو حد ثاني من جنسيتهم تموو يسولفون وياهم وينسون اليهال !! حتى لو شي كاميرااات و سكيوورتي ف كل مكااان
و لا تودروونهم ولا تخلونهم يسيرون و يردون روحهم و تقولون كبرو و امان ومادري شو

ولا تنسوون كلكم رااع و كلكم مسؤوول عن رعيته

حسبي الله ونعم الوكيل فييه و ف كل وااحد جي تفكيره حسبي الله ونعم الوكيل فيه
والله ماقمنا نحس بالامااان شرات قبـــل
بيعقدون عيالنا بيبون لهم امرااض نفسيه شوو ذنبهم هم صغار و يجربون هالاشيا !!
القهر لين زخوووووهم قالو يا مريض يا سكران يا مادري شوو من بلا فيييه
الله يحفظ عيالنا و عيالكم من كل شر يارب و عسى الله يفظح كل واحد جي نيته و ان شاء الله يارب يزخونه هالحيواان و يفرونه ف السجن و يلعنووون خيره ضرب و تعذيب و يذبحووونه آخر شي هو و اشكاااله

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير