زيادة مصروف الزوجة

[نهلـه]

السلام عليكم ورحمة الله وبركاته

شحالكن عساكن الا بخير

عندي مشكلة صغنونة الإلتزامات الإجتماعية كثرت هلأيام وحدة مربي وحدة ساكنه يديد حد من الأهل
بيعرس ويبالهم كل حد هدية وريلي يعطيني 3000 في الشهر حقي وحق عيالي الخمسة ولا شي غيرهن لين آخر الشهر مهما كانت الظروف والله تعبت من كثر ما أحاول معاه بكل الطرق مع أن راتبه فوق العشرين ألف وإذا طلبت ثياب لعيالي الأولاد قالي من شهرين مفصللهم شو سوبهن وعيالك بطرانين عيل الكندوره الوحده بثلاث مئه ويقول أنا من سنه مافصلت مع أن عيالي ثلاثة بس 16-14-12 سنه والنعال يشتريلهم في السنه مرتين وبناتي علي 18-8 سنين وما شاء الله طلبات البنات هلأيام ما نلحق عليها والكل عارف هذا الشي وطلبات المدارس إلي ما تخلص زين بغيت رايكن شو أسوي معا عشان يلين قلبه علينا وكيف أقدر أخذ من شي بدون ما أسوي مشكله معاه مثل الحيله مثل الخدعه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[(حور الدنيا)]

الله يهديهـ إن شالله ... الصبر مفتاح الفرج

[أم غروور]

خذيه بأسلووب حلووووه يمكن سبحان الله يتغير..

[angeleye]

حاولي تقنعينه ان متطلبات العيال وايدوالمصروف الي يعطيج اياه مايكفي!!! قوليله الشهرالياي انت روحي وياي كل ما ناخد اغراض حق العيال وحق البيت وسجل كم نصرف لين اخر الشهر. وبعدين كل شهر يفرق عن الثاني. في اشهر تكون فيها المصاريف وايد من ثياب واغراض بيت واغراض مدرسه واغراض خاصه بالبنات وغيرها للاولاد حاولي معاه شوي شوي وان شاء الله يقتنع

[مجروحة K]

اممم اتفق مع الاخت ام غرور..احس يمكن يفيد معاهـ..

^^

وربي يوفقج

[حوردبي]

الله يهديهـ إن شالله ... الصبر مفتاح الفرج

[سار90]

دلعيه باسلوبج
واقنعيه الله عطاه النعمة

[اخت بوحميد]

الغلااا
كلمييييييييييييييييه بهدوء وانشالله يفتهممممممممممممم
بس خلي اعيالج يرمسووونه وبناتج يرمسونه وانشالله يفهم والله يسخره لج يارب

[wafa85]

حبيبتي، انتي لما تشرين اغراض للبيت و لعيالج خلي كل الفواتير عندج وبعدين راويه ان المصاريف اكثر من الفلوس اللي يعطيج اياه، او انه بس يعطيج مصروف حق بروحج واغراض اليهال والبيت عليه، يعني سيري السوق وياه لا تسرين بروحج وخذي اللي تبينه لعيالج و خليه هو اللي يدفع. الغالية لازم تعودينه على جذي عسب يتحمل المسؤولية ما دام الله ميسر له..
الله يهديه و يصلح باله

[ام حمد وموزه]

حبيبتي، انتي لما تشرين اغراض للبيت و لعيالج خلي كل الفواتير عندج وبعدين راويه ان المصاريف اكثر من الفلوس اللي يعطيج اياه، او انه بس يعطيج مصروف حق بروحج واغراض اليهال والبيت عليه، يعني سيري السوق وياه لا تسرين بروحج وخذي اللي تبينه لعيالج و خليه هو اللي يدفع. الغالية لازم تعودينه على جذي عسب يتحمل المسؤولية ما دام الله ميسر له..
الله يهديه و يصلح باله

وانا معاج في هذا الراي
والله يوفق الاخت صاحبة الموضوع ويهدي زوجها

[عيمانيه]

يا انج اتسيرين السوق وياه و اتخلينه هو اللي يدفع

او تقنعينه انه يصرف على الاولاد و و انتي تصرفين على عمرج و البنات

[Hno0odah]

الله يهديه انشاء الله
بس حاولي معاه بان يزيد لج على الاقل المبلغ اللي يعطيج اياه

ولا قوليله خلاص انا باخذ الف والباقي خل عندك
لكن اذا طلبوا عيالك شيء انت اتصرف معاهم انا مالي خص
وجوفي كيف راح يتحمل

وربي ييسر اموركم يارب

[أسرار المحيط]

خـلي عيالج كل مابغووا شي

يرمسوونه روحهم

خليهم دووم يقولوله نبا جي ونبا جي

[~مشاعــل~]

انا اشوف انتي عليج البنات...
وهو يتحمل مصروف الاولاد...ومتطلباتهم...
قوليله عيالك رياييل...ويستحون يوم ادش وياهم خياط الرياييل ولا محل النعول....روح انته وياهم...

والاغراض ومتطلبات المدرسه...يوم يكون طالع خل يتصلون عليه ويقولوله نبغي جيه حق باجر للمدرسه...بيظطر هو يمر ويشتريلهم....

انا ضد انه الحرمه يكون لها مصروف معين وثابت...
انا اول ماعرست عمتي قالت لريلي عطها مصروف كل شهر....جان يقولها ليش هي خدامه كل شهر اعطيها معاشها...
وعقب رمسني قالي ...مصروفج مفتوح قد ماتبغين اطلبي ولاتستحين....وكل مانروح السوق حتى لو اسبوعيا قبل لا انزل يعطيني 1000 ومرات الفين....يعني لو احسبها يمكن اصرف فالشهر فوق الخمسه ومرات واصرف ميتين...

والحين يوم سكنت بروحي...عندي كرت البنك وهو عنده كرت....راتبه ينزل فيه....عشان اسحب وقت ماابغي...ولا يحاسبني كم صرفت...ووين صرفت..

[فديت نواري]

الله يعينج والله يفرج همج ان شالله