راعي الباص

[وحده من ناس]

جمعه مباركــ للجميع

بنات عندي مشكله وماعرف كيف احلهاا

انا بنت عمري 22 سنه متوظفه والحمد الله بس مشكله ما اسووق وبعدني اتدرب حق السواقه شغلي في بوظبي وانا ساكنه برا بوظبي
في بدايه كنت اسير ويا دريوليه وتخذ مني 3500 في شهر مع انه كان وايد بس كنت مرتاحه بس المشكله انها حملت وما تقدر توديني الحين
وبعدها خبرت ربيعتي ألي تسير الكليه وقالتها بسير وياكم وبرد بحكم انه شغلي قريب من كليتهم وقالت اوكيك وعطتني رقم راعي الباص ودقيت عليه ويوم دقيت عليه طلع راعي الباص واحد عربي ويرمس اماراتي المهم اتفقت وياه وصار كل شئ تمام بعده بيوم سالني راعي الباص انتي وين تشتغلين بضبط رحت قلت له في مكان الفلاني الانه كان يوقف بعيد شوي عن مكان شغلي ومن بعد هذ السؤال
قام في درب من مكان شغلي لين للكليه يرمس وياي الحبيب جنه ربع و يدق سوالف وانا بحكم اني من ثاني يوم وياه استحي ف ارد على ع أسالته وقت نوصل الكليه ودخلن البنات سكت وقالتي اسكتي جوا البنات طبعا انا @_@ لا والله شو شايفني البنت الرخيصه عديتها وقت نزلت اخر بنت رد يدق سوالف بحكم اني اخر بنت تنزل واول بنت تركب يوم ورا يوم قام يكثر الرمسه ويشكي لي عن اموره وحياته الصعبه ..زين انا شدخلني وما اريد اعرف بس ماعرف كيف اسكته فـ بديت ابيب انزعاجي وقت يرمس ادق تلفون حق وحده من ربيعي عشان تضيع ها العشر دقايق لين اوصل البيت المهم الباارحه اتصل عليه وقالي ليش زعلااااااااااااااااااااااااانه @_@ وانا متضايق الانج زعلانه والله انصدمت من متى استونا جي كلووز يعني عسب رديت عليه يومين خلاني صديقته والله انقهرررررت ومشكله اني دافعه له فلووسه وبعد لو تركته محد بيوصلني
فكرت وفكرت وفكرت قلت مافي حل غيررررر اني اقول له اني معرسه ومب حلوه في حق ريلي وحرام
والبارحه كان يدق في دوام بس ما ارد عليه الانه خلاص ضغطي وصل مليون منه وجمعت كل قوووي العقليه ونفسيه وقلت له لو سمحت انا معرسه ما اقدر ادق وياك سواالف بس طبعا بأدب الاني والله ماعرف كيف اكون قوويه قاااالي لالا والله وتوج تقولين وانا الي اعتبرتج اغلى من اهليييييي واشوفج بنت متعلمه وبتساعدني وبتشجعني عشان اكمل دراستي والله انصدمتتتتتتتتتتتتتتتت شو شايفني البنت الصايعه الضايعه ولا شوو بضبط والله قهرني وع فكره انا لين الحين مب شايفه ويه عدل يعني ما اشوفه ولا هو الاني متغشيه وعبايتي ساده يعني مافيني شئ لفت ..
لين الحين ما دق ولا طرش مسج من عرف اني معرسه بس خايفه ما يمر عليه يوم الاحد وانا دافعه له ومحد بشلني للدوام وماعندي اخوان يسوقون ابوي متوفى

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنوتة80]

الله يعينج

ما عرف شو اقولج

[روعه الايمان]

خوش خوش اغلى عن اهلي بعد >>>عصبت

شله سالفه الدراسه وتشجيع في انج معرسه

ايلسي وسويله طاااف وطول الدرب دقي في حد من اهلج سولفي لين ماتحصلين حد ثاني يوصلج

[بنت رآشد~.]

خذي تكسي لفتره مؤقته وبس شي تكاسي يمرون عليج ويودونج انتي حددي لهم الايااام وبس
ليما تاخذين الليسن

[القمــة]

في الحيين تكاسي للنساء

اتفقي ويا وحده ...

[*مجموعة إنسان*]

انقهر يوم الوحدة تبى توقف شخص عند حده تقول له انا معرسة! ياسلام والبنات مالهن سمعة يعني ! لازم تكون معرسة عسب تحط حواجز وتخوف الناس!
اقولج
ابــد لاتركبـــي وياه لو الموت.. وخاصة بعد ماقلتيله انج "معرسة" .. واللبيب بالاشارة يفهم

[فراشة راكـ]

الله يعينج انا لو بدالج مابي اسير اميييه بخاف

انا اشوف نفاذ بالفلوس اشتري راحتج يااميه وسيري ويا تكسي حرمة احسن لج

[جوهرة الدوحه]

الغاليـه.. تصرفج بحسن نيه وحياءج فتح له المجال انه يتمادي

الان لازم توقفينه عند حده

ومثل ماهو واضح انه من النوع اللي مايستحي

ولكنه بنفس الوقت جبان

وقوليها له بصراحه كل حد لازم يلزم حدوده

وفي حال لو تمادى وبعد التحذير رجع يتعامل معاج بنفس الطريقه

اشكيه لاهلج او لمسؤوله

المهم انج ماتسكتين والا بيتمادى اكثر

[(توته)]

الله يعينج ياختيه ....

[جوهرة الدوحه]

الرجاء الحذف مكرر

[قايده الغزلان]

انت غلطانة من ابداية ليش تسمحيله يسولف وياج لو دقيقة

المفروض انج ما تركبين وياه ونفاد الفلوس

اتفقي ويا حرمة تاكسي توديج وتيبج ولازم تاخذين الليسن عشان ما تتعرضين لمواقف محرجة

[عويش الجابري]

الله يعينج يختي !
صح شي تكاسي حق الحريم بس ألحينه ، اتصلي بالشركه خل ايطرشون لج حد البيت ايشلج و يوصلج
صح شوي أغلى عن التكاسي العاديه بس كله يرخص عشان راحتج صح ولا لأ ؟؟

[الجـــوريـــ]

حبووووبه .. فهالمواااقف ما ينفع الطيبه والمستحــــــى .. خليج قويه وعطيه كااااش وافتني عليه بعد ..

بس نصيحه .. احسن شي غيري هالسوااااق .. والله احسن ما تدرين يمكن يسوي بج شي لا سمح الله ..

[عطر الكلمات]

الحمدالله على سلامتج
بتستغربين لاني اتحمد لج بالسلامة..
بس بصراحة هالسواق يخوف..لو سوا شيء فيج..بعيد الشر
لو خطفج والا شياته شو الفايدة عقب
هذا شافج تشتغلين قال خلني اجري حظي معاها..يمكن تقبل تسوي علاقة و عقب بعيش على راتبها
صدقيني جذيه تفكيرهم..ماعليهم من جمال او شيء..بس يبون شيئين من البنت..الـ,,,,,و فلوسها
ارجع اقول الحمدالله على سلامتج
ونصيحة لا تركبين معاه
وانتظري لين الاحد..اذا ما مر عليج وان شاءالله ما يمر
دقي و قوليله رجعلي فلوسي..انت اخليت بالاتفاق..وان ما رضى
قوليله شوف ترى اشتكي عليك فالشرطة
وان مرّ لا تركبين.طرشي الشغالة او حد من اهلج وخليهم يقولون له انج مب سايرة معاه
ويرجعلج باقي فلوسج
ودبري نفسج مع التكاسي هالفترة
وربي يحفظج

[إيمي الحلوة]

الغاليه انا عندي رقم واحد يوصل ... انا ماتعاملت معاه بس اللي عطتني رقمه قالت كان يشتغل عند قوم عمها وريال محترم وراسه في الارض .... لايسولف ولاشياته
بطرش لج الرقم على الخاص وتفاهمي وياه

والله ييسر لج امروج