عوضي على الله

**jooree** · 2010-03-03, 02:42

السلام عليكم اخواتي ومسا الجوري للجميع انا حابه اشكي همي لكم حاسه بقهر وضيقة صدر لانه والله حزينه بس ما اقول غير عوضي على الله
انا بعدانتظار 3 سنوات الحمد لله ربي كتبلي الحمل بعد معاناة وكملت 3 شهور وللاسف البيبي فارقني وماااقول غير الحمد لله مع انه كان كلشي طبيعي وسبحان الله وقف القلب فجأه وتعذبت لين مانزل بقى اسبوعين في بطني ميت وبعدها صارلي نزيف ونزل البيبي وبقيت المشيمه داخل الرحم وصارو يعطوني طلق صناعي على اساس يفتح الرحم وتنزل المشيمه بس ماكان في فايده بعدين نزلولني العمليات وسويت تنضيف المهم يا اخواتي مااطول عليكم بس انا حابه اسال متى ممكن تيجيني الدوره وبالنسبه للجماع متى ممكن يصير ا نا سالت وقالولي لين ماتخلصي الاربعين ومنهم قالولي 25 يوم وياترى ممكن يصير حمل بعدها بسرعا ارجوكم يلي عندها اي معلومه بهالموضوع تساعدني فيها
ويارب يرزق الجميع الذريه الصالحه

المزيد من آخر المواضيع من نفس القسم:

**ضحكتي دمعة** · 2010-03-03, 02:48

الله يعوضج الغاليه بالحمل السليم المعافى عااجلا غير آآآآآجل ...حبيبتي اهم شي ريحي نفسيتج والخيره فيما اختاره الله ..ونصيحه لج ريحي ع الاقل 3 شهور وبعدين عاادي ..وان شاء الله تبشرينا ^ ^

**بنت_دبي_وبس** · 2010-03-03, 03:46

الله يعوضج خييييييير

وداومي على الاستغفار

**رصـ قلم ـاص** · 2010-03-03, 03:50

اختيه انا اسقطت 3 شهور بس حملت عقبها سته اشهر تقريبا
يمكن اتيج الدوره بعد شهر بس الحمال يبالج متابعه عند دكتوره يمكن يكون الهرمون مرتفع
او يبالج فيتامينات راجعي الدكتور احسن ولا تفكرين وايد في الحمل لان هذا اول سبب يأخره

**توته الحلوه** · 2010-03-03, 05:23

المشاركة الأصلية كتبت بواسطة ضحكتي دمعة

الله يعوضج الغاليه بالحمل السليم المعافى عااجلا غير آآآآآجل ...حبيبتي اهم شي ريحي نفسيتج والخيره فيما اختاره الله ..ونصيحه لج ريحي ع الاقل 3 شهور وبعدين عاادي ..وان شاء الله تبشرينا ^ ^

**أحبه الغالي** · 2010-03-03, 07:39

الله يعوضج الغاليه بالحمل الثابت السليم المعافى
بجاوبج على اسألتج الدوره بتنزل عليج عقب مايوقف دم الاجهاض وبالنسبه للجماع بعد مايصير إلا عقب مايوقف الدم أحسنلج والحمل عادي ممكن يصير بسرعه بس لاتستعجلي اقل شي 3 شهور لأني حملت مره عقب ماطيحت بشهرين بس الله ماراد يكمل والله يصبرج وعساه خير

حبيت انبهج ترى عليج صلاه عادي حتى لو فيج دم لأن الحمل ماكمل 4 شهور

**لمعة خرز** · 2010-03-03, 07:48

الله يعوضها عليج..بس يقولون اللي تحمل من بعدها الحمل يصير اسرع ان شاء الله تحملين بعدها وربي يرزقنا بالذذرية عاجل غير اجل اللهم امين

**حصه الظاهري** · 2010-03-03, 07:58

الله يعوضج غناتي

**b7o0or** · 2010-03-03, 08:03

الله يعوضج الغاليه

**احلى الماسة** · 2010-03-03, 08:07

الله يعوض عليج الغالية...والخيرة فيما اختاره الله....الي اعرفه...بعد اي حالة اجهاض الوحدة لازم ترتاح اقل شي 6 اشهر ..بس عن الدورة والجماع ..ماعندي فكرة وان شاءالله بنات المنتدى مابيقصرن وياج

**أم اشجان** · 2010-03-03, 09:47

الله يعوضج فديتج ..

**Mįşš●Ċlaśŝįč** · 2010-03-03, 10:06

الله يعوضج يا رب
ما عندي أي فكرة

**شهدات** · 2010-03-03, 10:29

الله يعوضج خير الغلا وتحملين بتوووووووووووووووووووووووووم يارب

**SPY** · 2010-03-03, 10:37

أنا لما سويت عملية الغساله الدم نزل عندي أسبوع وكان شي بسيط.. والدوره جاتني بعد شهر والحمدلله حملت بولدي بعد 3 شهور ،، بس أول ما تعرفي أنج حامل بسرعه عند دكتورتج عشان تعطيج بيبي أسبرين للاحتياط والتثبيت من عند الله..

والله يرزقج الذريه الصالحة

**(توته)** · 2010-03-03, 10:40

الله يعوضج الغاليه بالحمل السليم المعافى عااجلا غير آجل

الموضوع: عوضي على الله

أدوات الموضوع

عرض

عوضي على الله

المزيد من آخر المواضيع من نفس القسم:

المواضيع المتشابهه

لانجري العيد : عوضي ريلج عن صيامه مع لانجري ام سلامه ,,, وبأسعار وااااو

خاتم التسبيح جعلني الله وإياكم من الذاكرين الله كثيرا لا إله إلا الله محمد رسول الله

حسبنآ الله سيؤتينا الله من فضله إنا إلى الله رآغبوون.دشن بارك الله فيكن وإقرن معاناتي