يـبيـــلــه ..!

[بنت العين 55]

الله يوفقج

وتوصلين للوزن المثالي

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[ponyo]

بسم الله الرحمن الرحيم

تقرير أمس

الريوق:
7 تمرات محشوات باللوز + لبن أب

بين الوجبتين:
شاي حليب

الغداء:
سندويش جبن مع طشوووونه جبس + سفن اب صغير

الرياضة:
مشي على الجهاز 30 دقيقة
كروس رايدير 10 دقايق
سيكل 15 دقيقة


العشاء:
فتوش + 2 همبرجر مشوي + عصير برتقال


لأني تعشيت من وقت وااايد ( ع المغرب)
يعت ع الساعة 9 وشربت بس لبن اب

تخبيصات:
كليت كاكاو من هالصغار الميني حبتين

[Hard2Ctrl]

مثل ما قالت دفوووشه

تمي عالسباحه لانه وايد تشد الجسم

[ponyo]

Hard2Ctrl

فعلاً السباحة وااايد ترتب الجسم
رغم اني متنت إلا انه محد ملاحظ ..
وجسمي ما انتفخ شرات قبل .. السباحة تشكل الجسم ..



تقرير أمس


الإفطار:
7 حبات تمر + لبن

بين الوجبتين:
كيكه + شاي حليب

الغدى:
فطيرة سبانخ + سفن اب صغير

الرياضة:
امس كان موعدي ويا المدربة
اسميني يلست أون وأحن وأقول حق المدربة خوزي عني بس تعبت
وهي تقولي no madam you can do it



المهم تدربت تقريبا ساعة ونص
نص ساعة على الاجهزة
وساعة ويا المدربة
طبعا يا دوب كنت امشي بعد الكلاس ريولي تنتفض
فما رحت السباحة

العشى:
قطعتين همبرجر مشوي + عصير برتقال


التخبيصات:
اورنمي سي + مله شعيرية مع الحليب



وبسسسسس

[ponyo]

يمي يمي

[نبض الإحساس]

اختي اتوقع السباحة تزيد من قوة العضلات ، ، وزيادة قوة العضلات === زيادة وزن

وانتي تبين تعضفين

اتوقع جيه سالي حد يعرف؟؟؟

[ponyo]

اختي اتوقع السباحة تزيد من قوة العضلات ، ، وزيادة قوة العضلات === زيادة وزن

وانتي تبين تعضفين

اتوقع جيه سالي حد يعرف؟؟؟

أهلين نبض الاحساس

اختي نظريتج خطأ ..!
كل رياضة أي رياضة المفروض انها تزيد من قوة العضلات
لأن ضعف العضلات إيي من تراكم الدهون وتسبب الرهل
ترى العضلات هي اللي تحرق الدهون اللي متراكمة عليها
يعني الهدف من اي رياضة تمارسينها سواء مشي أو ايروبكس او سيكل او سباحه
انج تحركين عضلاتج علشان تحرقين دهون وكالوريز
العضلات تظهر للناس اللي نسبة الدهون فيها طبيعية فيوم يمارسون رياضه
تتشكل العضلة فتبين مثل عضلات الذراعين والبطن 6 packs والساقين

والسباحة هي اسهل طريقة تحرقين فيها الدهون وتشكل الجسم
أنا من سنتين كنت اسبح بشكل متواصل نزل وزني 17 كيلو <<هي والله أياااام
استوى وزني 76 بعد ما كنت 93 <<مثل الحين

أنا أشوف اي رياضه او جهد بدني منه فايده لأنج بتحرقين دهون

يسلمو ع المرور
^_^

[ponyo]

تقرير أمس
18 اكتوبر 2010

الفطور ع الساعة 6:00 الصبح
حبه بيض مقلي مع المشروم + حبه نقانق
فطيرة سبانخ صغيرة + كوب جاي حليب (ملعقتين صغار سكر)

الغداء (كان من وقت لأني حسيت باليوع فكلت ع الساعة 11:30)
ثلاث فطاير mini + عصير ليمون

العشاء تعشيت من وقت ع الساعة 7
كليت في جيليز شوربة مشروم ودجاج
3 أصابع من فرايد جيز
والطبق الرئيسي تشارك فيه مع اختي وكان مشاوي
وعصير ليمون مع الفراولة

سناكس: تفاحة

للأسف ما لحقت ألعب رياضة لأني رحت
اشتري لاختي لاب توب

التخبيصات
العصر كليت جبس
وبالليل كليت صبع واحد كتكات

[الريانة55]

اختي ما كنج زدتي ولا شوووووووه

[الريانة55]

لأن وزنج في البداية كان 93 و الحين 97

[ponyo]

هيه
لأني أهملت عمري واااايد
ووزني قام يزيد .. ما ادري يتلي مثل حاله احباط ..
ما ابى اظهر .. ما ابى أشوف حد .. كله بروحي ..
والتفزيون والأكل هم أصدقائي ..
ولا همني وزني مووليه

لكن الحين من أسبوعين
وعيت ع عمري .. وقمت أروح ألعب رياضة
وأحاول انتبه على أكلي وصحتي ورقادي


وقلت أرد لـ هالموضوع المندفن
وأكتب يومياتي
D:

دعواتكم لي بالثبات
^_^

[حبك ملكـني]

ان شاء الله يارب تنزلين هالكيلوات وتكشخين وتستانسين
بس يبالج التزام مب كم يوم وعقب كم شهر تردين اتطلين
ونحن وياج وانشجعج

[جرح وحداوي]

على قوولتج يبيييييييله
الله يوفقكم

[صرخة الروح]

يارب نضعف اريد اضعف صراحه ملينا رجيم رجيم راح عمرنا ونحن على رجيم دوم...

كل يوم اقول اسوي رجيم لا من يوم السبت اول بدايتي يطوف السبت والاحد ايام الاسبوع كلها وبعدني اقول لا باجر ان شاالله ... وانا ازط زطات شراهه مو طبيعيه حشى .... شوي بصيح من جسمي الي يشبه اليسا سوري قصدي هيا الشعيبي هههههههههههههههههههههههههههههههههههههه بموت من القهر خلاص خلااااااااااااااااااااص خلاااااااااااص مطاعم وسمرات ويلسات بنات والله اني استحي من جسمي عند البنات ...

البنات يلبسون تنانير جنزات ويبدعون بالملابس وحزمه ونعل كل يوم شكل وانا ياحظي جلابيات بيت وسيعه تقولين شرشف او خيمه للكشتات خخخخخخخخ قهر والله راح عمرنا ونحن نقول باجر بعد باجر لين سمنا لله المستعان ..

[ponyo]

أنا شراااتج يا صرخة الروح
شكلي من كثر ما جربت وما فاد تعبت ومليت
وودرت عمري واهملت جسمي

لكن أنا أعرف وحدة خست في 9 شهور
وموول ما حرمت عمرها من شي
نظامها كلي أي شئ (ولكن بالمعقول) وإلعبي رياضة
أهم شئ الرياااضة كل يوم ساعة

حتى زميلتي إللي ويايه في المكتب كانت متينة وااايد وامبين عليها لأنها قصيرة
وبدت رياضة من نهاية السنة اللي طافت شهر نوفمبر
تعالي شوفيها الحين الله يحفظها ويبارك فيها
خست وااايد وتقول نفسيتها تعدلت ووايد مرتاحة
قبل تشوفينها كله تشكى من آلام في جسمها وفي عظامها
ما خلت حد ما راحته .. وكل يوم حد يقولها شي
لين ما إلتزمت بالرياضة وتشجعت

فأنا بتبع نفس السياسة
بتريق ريوق ملوك
وبتغدى غدى صحي
والعشاء بيكون خفيف وقبل النوم بساعتين
وبلعب رياضة 3-4 مرات في الاسبوع لمدة ساعة

الحرمان ترى يطفش الواحد من الريجيم ومن الدايت
ويفتح النفس بطريقة مرعبة >_<

الله يوفقنا إن شاء الله
^_^