يـبيـــلــه ..!

**ponyo** · 2010-03-01, 20:48

السلام عليكم

أنا أعيش حاله صعبة

وزني يالس يزيد مع إني أروح سباحة تقريبا 3 او 4 مرات بالاسبوع
بس أمانة ما أراقب أكلي ..

وبالأحرى أحب أدلع في الأكل كل ما فكرت في الريجيم

وشهتي تنفتح مثل الوحش يوم أفكر بالريجيم <<الحين يعت من طريت السالفة ..

وهاي مشكلتي .. يوم أيوع ما أعرف أمي من أبوي <<يمه ..!

بس خلاص .. بناطليني ضاقن عليه ..
وشويه ما بلاقي شي في الكبت يدش علي ..

سأعلن الحرب على الدهون

هالأسبوع بحاول قدرالمستطاع أبتعد عن
الدهون
الكاكاو
السكر

الريوق بيكون:
خبز أسمر مع جبن لايت + ماي أو لبن أب أو عصير لاكنور <<يقولون ما فيه سكر

ويوم بيقرصني اليوع (اعتقد بورم من كثر القرص)
باكل فواكهة أو روب

والغدى
مشاوي مع سلط + وعصير طازج

والعشى
باكل حليب وكورن فليكس أو أي شئ خفيف وصحي

اللي حابه تشارك وتنزل وزنها وتكتب تقريرها هنيه حياها الله
أياً كان وزنج وأياً كان هدفج حياج الله

المزيد من آخر المواضيع من نفس القسم:

**شموخ وطن** · 2010-03-01, 20:51

و نحن و ياج
صدق نصير وحوش عند صاري الرجيم هههههه

**ponyo** · 2010-03-01, 21:03

حياج الله شموخ

وهنيييه مربط الفرس .. الشهية تنفتح ع الآخر ..
جنه مب شايفه أكل من قبل ..

علمياً يقولون أنه لازم نغير تفكيرنا عن الريجيم

يعني يوم نفكر بالريجيم ما نركز ع الحرمان ونركز على الطعام صحي
وأنا أحس هالرمسة صعب تطبيقها ..

ريجيم يعني ماشي باسكن روبن ماشي بيتزا ماشي ماكدونالدز ماشي كيك ماشي كوفي ماشي سينابون ماشي مفن ماشي جبس جيتوس ماشي كتكات ماشي بسكوت اوريو ماشي سفن اب ماشي نوتيلا ماشي عيش ما شي سمبوسة ماشي مناقيش ماشي فلافل ماشي أكل من الكافتيريا وعصير عبود وماشي ...الخ

ااااااه ..!!

**همس السحر** · 2010-03-01, 21:51

أنا كنت متلك
ترى الخطوة الأولى صعبة علي كانت كتير لحد ما اتخذت قرار قوي انو خلاص انتهى لازم أرجع لي صحتي اللي ضاعت مني والله يسر لك ويسر لنا يا رب

**uae13122** · 2010-03-02, 06:37

**ponyo** · 2010-03-07, 17:41

لا إله إلا الله .. محمد رسول الله

--------

هاليومين استمريت على التخفيف ..
ومستمرة على السباحة ..
وأمسات وزنت ونزلت كيلو ونص تقريباً
وزني كان
88.7

يالله يا رب استمر في المقاومة والرياضة

**دفوشة** · 2010-03-07, 17:51

الله يوفقج يا الغالية استمري

والسباحة احسن شي فيها تشد الجسم وتنسقه

**ملاك_الحب** · 2010-03-07, 18:33

الله يوفقج الغلا

شدي حيلج

**ميـــااري** · 2010-03-07, 20:27

موفجه ان شاء الله اختي

و شدي العزم و ان شاء الله تعالى بتوصلين للوزن اللي تبينــه
بس لا ترصين ععمرج وآ]د عشـآن مآ ترخين الحبل عقب و تردين تمتنين
ركزي ع شرب الماي وآآآآآآآآيد و الريآضه بكل أنوآعها أكثر

**ponyo** · 2010-05-17, 09:34

بنااااات
انشغلت الشهرين اللي فاتوا بالدراسة
وانا يوم ادرس ااااكل .. يعني ايود الكتاب في إيد
والكاكاو والجبس والعصير في إيد الثانية <<اخطبوط !!

المهم من اسبوع خلصت الامتحانات
وجان اقول اقول حق عمري نطي في الميزان
<<الميزان رمس وقال لالالالالا دخيلج

جان اضحك الضحكه الشريرة موهاهاهاها
ونطيت نطه .. ويا لا المفاجعة ...!
وزني استوى 93.3

ما انصدمت وااايد صراحة
لأني أهملت عمري ويا الدراسة وكنت اكل وااااااااايد

المهم رحت الجيم بداية هالاسبوع وسجلت مع مدربة
وبديت وياها بالسبت اللي طاف .. شو هلكتني .. طلعت عيني ..
اللياقة عندي صفر مصفر .. حتى المدربة تقولي إذنج احمرت .. اقولها ما اروووم
قالتلي ما عليه .. اول شهر بيكون صعب بعدين عضلاتج بتتقوى وما بتكون مشدودة

واحاااااااول ايود عمري عن الاكل وامنع العشى وقت متأخر

خلالاص بيود عمري وألتزم

<<كم مرة تقولين هالرمسة ..!!
لا لا خلاص هالمرة ما شي لعبان
<<صدق!

ومثل ما يقول أبو عمر في البث المباشر
خلكم معانا ولا تخوزون

**ponyo** · 2010-05-17, 09:48

من بداية الاسبوع وأنا الصبح آكل
7 تمرات محشيات باللوز او almond ويا لبن
حشيت ملة التمر اللي عندي باللوز لأن اللوز يا خواتي فيه الاوميغا 3
اللي ينصح فيه الدكاترة يقولون زين للقلب ويمنع بعض السرطانات والالتهابات
ووااايد اشياء <<سوو بحث في الانترنت عن omega 3
حتى السمج فيه الاوميغا 3 يقولون التونه والسلمون

والفايدة الثانية للوز يا خواتي انه يقوي الذاكرة وينشط العقل
فقلت اضرب عصفورين بطابوقه وحده واكل التمر مع اللوز

**الــورد** · 2010-05-17, 10:12

بصراحه ...

انتي..

وتقريرج....

قمه على قمه....

**هلاك** · 2010-05-17, 10:15

ياربي ذكرتيني بعمري

اوني من اسوي رجيم جني بنت فقر ولاعمري شفت اكل

اكل الاخضر اليابس مادري ليش

**ponyo** · 2010-05-17, 10:54

الــورد

مشكورة أختي
^_^
أخجلتي تواضعي .. واايد أرمس أنا صح؟

الخلاص الحين برمس وبطبق .. وان شاء الله بستمر هالمرررره

هلاك

الخير عنا وعندج
أنا بعد يا اختي من افكر اني بقلل بس ما بحرم عمري
استوي الفك المفترس باكل القرطاس قبل اللي داخله << يمه ..!!

المهم اني استمر بالمحاولة عدد مرات الانتكاس وما أيأسشي خااالص

**بنت العين 55** · 2010-05-17, 12:02

الله يوفقج

وتوصلين للوزن المثالي

الموضوع: يـبيـــلــه ..!

أدوات الموضوع

عرض

يـبيـــلــه ..!

المزيد من آخر المواضيع من نفس القسم: