بنتي صدمتني

[Miss.MOD]

لاحول ولاقوة الا بالله

الحمدالله ان بنتج صريحة معاج ويارب دوووووم تكون جيه طول مانتي قريبة ومتفاهمه معاها وتصرفج عين العقل

لازم تتصرفين بطريقة صح عسب بنتج تعتمد عليج ابتعدي كل البعد عن المشاكل والاحسن انج تخبرين اهل البنت قبل لاتضيع وتنجرف ف هالمواضيع والله يبعد عنهم اولاد الحرام ان شاء الله

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Gorgey]

زين انها خبرتج ولله

[!!نور الهدى!!]

لا حول و لا قوة إلا بالله عليه العظيم،، و الله قمنا نخاف على عيالنا أكثر و أكثر،، الله يستر على بنتج و بنات جميع المسلمين، أحسن شيءانج تروحين المدرسة و تخبرين الإدارة عن هالبنية في بتكون مشكلة اساسية لتخريب باقي البنات

[Anwaar]

سيري المدرسه بدون ما تخبرينها... وخلي الاداره تطلب ام البنت تيي في نفس اليوم وانتي في الاداره لا تتحركين (المهم تكونين متأكده ان البنت هذي هي اللي عطت الارقام لبنتج) وخلي الام تشوف بعينها

الشي الثاني اعتب عليج انتي.... كيف تعطين بنت عمرها ١١ موبايل؟؟؟؟ بموت انا من القهر والله الصغار ما ينعطون تلفون

في تقصير منج... ومن ادارة المدرسه اللي ما تتابع سلوكيات البنات!! وحده مثل هذي اللي في الصف وصغيره لااازم يبين علي تصرفاتها انها ماشيه في درب خطأ!!

يا خوفي امها تتطلع وحده نص كم!!!

وخبرينا شو يصير معاج نحن بنستفيد لخواتنا وعيالنا في المستقبل

[أم اشجان]

لاحول الله ..الخراب كله ليش التربيه تنقل الصف السادس مع المرحله الاعداديه .. صراحه هاي اكبر غلطه .. الله يحفظ بنتج وانا اقول روحي وكلمي اهل البنت لاتخلينهم في عماهم لانه اليوم مع بنتج باجر مع غيرها وبنت تتكلم وغير بنتج مابيتكلم .. الله يستر ع بناتنا عنبوه نحن في عمرهن مانعرف غير اللعب والمراكض فالحاره .. الله يحفظهن ان شاء الله

[بهلولة]

حياتي والله
بعدها صغير وزايغة من الموقف
يالله بنات بهالعمر اشدراهم بهالسوالف
الله يعين الامهات وخاصة اللي عندهم بنات
ويحفظ بناتنا من فتن الدنيا

[اسمهايت]

الغاليه ما عليج غير انج تخبرين الاخصائيه وهي بتتصرف مع البنت دون ما تسوي مشكله مع بنتج
الله يستر على بنتج يارب ويبعد عنها بنات الحرام يارب واولاد الحرام امين امين امين

[بنوتـــهـ]

الحمدلله انها بنتج خبرتج

والله ما ادري شو اقول اهم شي انتي روحي وبلغي الاداره عنهت طبعا عقب اتنقلين بنتج صف ثاني يكن تخرب بنات ثانيين هاي

وهااي وين اهلها وشو عرفها فالشباب

وان شاء الله البنات ا بيقصرون وياج

[بنوته18]

الله يستر على امه المسلمييين يارب

[أموناليزا]

الغالية خلي بنتج تسير المدرسة ولا تخبرينها انج بتسيرين وادخلي على الاخصائية وخبريها وهي بدورها بتخبر الاهل بس ضروري تطلبين نقل حق البنت وانتي لاىتواجهين اهل البنت خلي كل شي عن طريق الاخصائية يعني بشكل رسمي لانه والله فيه اهل عافانا الله ما يرضون تعطينهم نصيحة ويلاسنون وتندمين انج رمستي وحذري بنتج انه ميخصها في ربيعتها وبعد ما ينقلونها اسإلي رائدة الفصل منو الطالبات المؤدبات عندها وخلي بنتج ترابعهم . ومن عقب ما ينتهي الموضوع لا تمين تذكرين بنتج بالماضي بس انتي خلج وياها صديقة وحطي فبالج انه بنتج فديتها تراها كبرت وفي بداية اخطر مرحلة وترى صراحة بنتج وياج واحساسها بتأنيب الضمير دليل على حسن تربيتج لها الله يخليج لهم يارب ويوفق جميع الامهات علي تربية عيالهم ويعينهم والله احس ما بيكبرون عيالنا إلا نحن ريجنا ناشف ومنهد حيلنا . الله المستعان

[كلي دلــع]

الله المستعان والله صرنا في زمان يخوف
الله يستر علينا وعلى عيالنا
وربي يحفظلج بنتج من كل سوء

[العيون المشتاقة]

هلا الغالية الله يعينج اولا والحمد للله ان بنتج قالت لج
ثاانيا اذا كنتي من مزيد ... (فتاة مزيد ) شكيت انج من مزيد فسيري للمدرسة لان المديرة والطاااقم الاداري واايد متفهمات واذ تبين اي شي فاالج طيب

[أم عمهي]

ما يسد تنقلينها من الصف نقليها من المدرسه بكبرها لان ممكن ربيعاتها اترد اتلاحقها واتاثر عليها او انج اتبلغين عن البنت عشان تنفصل

[حبة البركة]

الله المستعان

[غيمة عناد]

انصحي بنتج،،،

وانصحي النبت الثانيه يمكن تكون بعد ضحيه وانصحيها مثل بنتج وكلميها ،،،

ربي يصلح بناتنا يارب،،،