عرسي 26\3\2010 بس .............................

[بنت الهاملي]

الله يرحم يدتج و يغفر لها

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[glbe]

حبيبتي يدتج بتكون مكملة 40 يوم تقريبا لين عرسج
وانتي عاد حاولي تغرين جو وعرسي عسب تستانسين واهلج بعد ينسوون الهم والحزن ( هذا رايي حبوبة)

والله يرحم يدتج ويجعل قبرها روضة من رياض الجنة

[جرووحه]

الله يرحمها ويغفر الها نشاء الله
واذا على العرسن هادي لاتأجليه لانج مب ضامنه شو يصير سوي العرس بس يكون هادي والله يوفقج نشاء الله...

[um_shahd]

برأيي عرسي لانه مب زيد اطول الملجه ..
واذا على يدتج ترى بيكون لهاا اكثر عن شهر .. وهذا قضاءالله وقدره
وكلنا راحلون يالغاليه ..
اربيعتي يدتها اتوفت قبل عرسهاا بيومين وعرست ..
سوي عرس واستانسي وترى بتم فالقلب العمر كله..
ومابينسيكم ياها لا الـ6 شهور ولا الـسنه

والله يرحمهاا بواسع رحمتة ويغمد روحهاا الجنه

[zezenya]

ياختي ليش تاجلي الحزن بالقلب ولو كانت عايشه ماتخليك تاجلي فرحتك!

عرسي وادعي لها بالرحمه وربي يوفقك

[نيناريجي]

حياتى اتوكلى على الله
هذا المقدر والمصير الله يرحمها ويغمد روحها الجنه
وخليى ايمانج قوووي وهذا المكتوب
خلى العرس مثل ماهو ماكان محجوز وعرسى وروحى بيت ريلج والله يسهل امورج
اذا أجلتى العرس وله سويته الحين مابغير شي غلات وحب يدتج فى قلبج ادعوا لها بالرحمه والمغفره
ويمكن اتغيرين الجو الحزن اللى فالبيت واتخلين اتعود الابتسامه لاهلج
وحاولى ماشغلون اغانى ولااتحطون ليتات على البيت اما فالقاعه حطى اناشيد وله موسيقه بس
بس لاتخلين زوجج متعلق سنه وله 6 شهور وله 3شهور
الاهم انها اتكمل 40 يوما انا اقولج عن تجربتى انا واهلى وحاسه بالموقف
الله يصبرج ويصبر اهلج واسمحلى

[cute lady]

اجليه شهرين
و عقب سويه بدون اغاني
اتعدلي و اتلبسسي و اعزمي و كل شي بس شغلوا اناشيد اسلاميه

[NONE_LIKE_ME]

عندنا مثل يقول كل تأخيره فيهاا خيره ألا تاخير الزواج

حبيبتى مو زين تأخرين الزواج سوو الزواج على وقته

وربي يرحم جدتج ويدخلهاا فسيح جناته

[ايفا]

الله يرحم يدتج و يغفر لها

[سفيرة الفقراء]

اختي اجلي 2 او3 شهور بس لاتطولي مب زين بعد ع المعرس واهله وهذه حكمة ربج ومب زين تطولي فترة الحداد هالشي ما له ذكر ف السنة او الشرع كلنا نفس المصير والله يرحمها

[منار2009]

عيل في وحده مااحترمت موتت ابوها عرست بعد 17 يوم من وفاته وسوت عرس فستان وكراسي وليتات في البيت واصلا كانت بتسوي حفله كبيره يوم ابوها كان منوم بالمستشفى بغيبوبه وبين الحيا والموت بس سبحان الله قدر الله توفى ابوها على يوم العرس واجلته 17 يوم وبعدها عرست

[أم عمهي]

الحزن بالقلب..
لا تاجلين العرس واتوكلي على الله

[رصـ قلم ـاص]

الله يرحم يديدج
اختيه اذا بتأجلين العرس اجليه شهر شهرين

[ام وعووودي]

ممااعرف بظروفكم غلاي شوفي الوالده شوبتقولج نحن نأجل العرس 3شهور وفي ناس مايأجلون واحسن الله عزاكم غلاي

[عمري زايد]

فديتج هذا عندنا اسمه محاااذر موب زين تحاذروون وتاجلين ..سنه ؟؟؟؟؟؟؟؟؟؟؟؟؟؟ يقولج الحذر يتبعه حذر وحداد المسلم لاخيه 3 ايام والشهور والسنه ما بتردها صح ولا لا؟خلاص بيكون ذكرها في القلب وتستمر الحياه ..
نحن يدي متوفي من شهر..... و4 من احفاده بيعرسون على اول الصيف.. وهذا ابوهم واكثر بعد بس قضاء وقدر ..
عرسي اختي وشوفي حياتج والله بسهل الامور كلها واذا عن الربشه والاغاني خلي عرسج اناشيد بيكون حلو وهادي..^.^