التدريب >.<

**Miss_Baby** · 2010-02-24, 22:01

شحالكم ؟

الصراحة انا محترة و مالي حل الا اني اطلع اللي بخاطريه في المنتدى و اخذ مشورتكم

بعد فترة راح يكون عندي تدريب ان شا الله و مختارة اماكن حكومية

فالوالد ما عندة اي مشكله و بسسسسسسسسسسسس

يوم ختيه درت عصبت و قالتلي انتي شو مختارة ( على اساس ان الاماكن كلها مختلطة ) و انتي ما تستحين و قالت ليش ما حطيتي المدرسة او المستشفى اللي صوب بيتنا انا ابا ارد عيها بس المشكله انها اكبر عني 12 سنة , بس كاحترام لها ما رديت

الصراحة انا سرت المستشفى و دربت العم بس ما ارتحت لاني كنت اداوم مع حريم بس كرهوني في حياتي , فقررت اني ما اسير مكان فيه حريم بس حريم و ريايل

و ابويه ما عنده اي مانع ( الحمد لله انه متفهم )و سالتني اليوم انتي غيرتي المكان قلتلها هيه بس الصراحة لا

ادري اذا خبرتها الصراحة بتغسل شراعي ... تحسسني اني ياهل ما اعرف اختار

ممكن تفيدوني

المزيد من آخر المواضيع من نفس القسم:

**شيخةراك** · 2010-02-24, 22:33

الاختلاط حرام هالشي معروف بس التدريب في المدرسه ملل ومابيفيدج بشي هاذي وجهت نظري الصراحه
انا عن نفسي تدريبي في مكان مختلط بس الحمد لله احس استفدت اكثر من الدراسه لاني حاطه في بالي اني مب سايرة ادق سوالف ويا الموظفين
نظرت اختج مب حلوه الرياييل في كل مكان حتى في المستشفيات والبنت تقدر تحافظ على نفسها وين ماتكون
الله يوفقج في التدريب وسوي طاف حق الموظفين اللي يبون يسولفون وعطيهم العين الحارة من البدايه عادي خل يقولون وغده مايهمونج
انا جي كله عاطتنهم بوز عشان مايسولفون وياي
ربي يوفقج واهم شي اختاري المكان اللي يناسب تخصصج

**أتعبني غلاهـ** · 2010-02-24, 22:40

الغالية سوي الي يريحج يوم إنج واثقة من نفسـج ..

و الحين كل مجالات العمل تقريبا مختطلة ..

و إختـج إن شاء الله بتفهم عليـج ..

**أنسة_سارة** · 2010-02-24, 22:44

صح المكان اللي كله حريم مش اوكي بتلوع جبدج وبيكرهونج حياتج ... والحين كل الاماكن مختلطه ... صراحه انا هذا اللي مخلني لين الحين مب لاقيه وظيفه هو الاختلاط

**نور 2006** · 2010-02-24, 22:50

الغاليه اختج تخاف عليج وتحاول تحميج طيعيها ولا تغضبين ربج بالتدريب في مكان مختلط اسمعي نصيحتها والله يوفقج ويهديج

**بنت الطموح** · 2010-02-24, 22:51

ان شاء الله خير
والمكان اللي كاتبه لج ربنا بتتوظفين فيه بإذن الله

**أحلى زهرة** · 2010-02-24, 23:08

الاختلاط فكل مكاااااااااااااان والمحترمه ادرى بنفسها والمستشفى عيل ايونه مرضى حريم ورياييل بعد...وان شاء تحصلين وظيفه

وانا بعد

**شموخ النفوس** · 2010-02-24, 23:23

احنا الحين ف القرن 21 ....ما اعتقد ان الناس بعدها تتناقش بهالموضوع.....
جوفي نفسج و مصلحتج و محد له خص فيج لانهم ما راح يسولج شي....

**الاماراتيه -** · 2010-02-25, 00:55

تصرفج سليم يوم انج سكتي عن اختج ومارديتي عليها احتراماً لها
مهما يكون تراها اختج العوده واحترامها واجب

شورج اختي عند الوالد مب عند اختج
دام الوالد موافق لاتحطين فخاطرج من اي حد
ومن حقج تختارين المكان اللي يناسبج وتحسين انج بتستفيدين منه

الله يوفقج اختي ^_^

**Miss_Baby** · 2010-02-25, 08:51

شكرا على الردود الحلوووووووووووووووة بس و الله من القهر كتبت في المنتدى

الموضوع: التدريب >.<

أدوات الموضوع

عرض

التدريب >.<

المزيد من آخر المواضيع من نفس القسم:

المواضيع المتشابهه

التدريب

التدريب

التدريب الصيـفي