ساعدوني يا بنات

[#سود العيون#]

السلام عليكم ,, بدخل في الموضوع على طول واتمنى منكم تساعدوني ,, انا صار لي تقريبا 4 شهور من ملجت وانا عمري 22 سنه وهو عمره 32 سنه يعني الفرق من بينا 10 سنوات ,, مش هذا موضوعي المشكله انه من ملجنا وعلاقتي ويااه عال العال وايد كنا زينين ويه بعض ماكنا نضارب ابد كنت اغلب الوقت اسكت وهو يرمس ,, كان يدور رضاي باي طريقة عقله كبير وايد وكنت احب اسمع لرمسته وكلامه بس علمني وايد اشياء ماكنت اعرفها كان يخبرني عن سوالف ربعه ويه حريمهم يمكن عسب اتنبه من هالشي وماسوي هالغلط وياه هو ,, كان كل يوم يطرش لي مسج الصبح واذا ماطرش اعرف انه فيه شي يكلمني من الساعه 10 فليل للفير ونحن نسولف مانمل من بعض
ماعرف كيف اوصف لكم علاقتي فيه ,, في البداية ماكانت احبه بس مع الايام هو خلاني اتعلق به
الحينه صرت احبه بطريقة ماتتخيلونهااا ( واسمحولي على هالرمسه بس ابا اوصل لكم الي بداخلي )
مشكلتي يابنات انه كل الي اقولكم عنه تغير ماعرف شو الي استوى صرنا على اتفه الاسباب نضارب اتفه سبب نضارب عليه ومرات يكون سوء تفاهم بيني وبينه نحولها مشكله ودايما في نظره انا الغلط دايما انتي الغلطانه وطبعا انا الي اعتذر هو عمره ماعتذر مني الا مره وحده بس
وانا اشوف انه اغلب الاوقات هو الغلطان وهو نفس الشي ,, هو مسؤول عن امه و3 خوات له مب متزوجات في البيت وابوه متوفي الله يرحمه ,, ويدرس ويشتغل في نفس الوقت ودراسته في بوظبي وهو من دبي يعني كل يوم يضرب حط بعد الدوام وانا اعرف انه هذا ضغط بس انا شو ذنبي
صرت نكدية بسببه ويوم اقوله ليش صرت جي يقولي انا امشي على حسب مزاجج اذا كنتي تدلعيني بدلعج واذا كنتي ترمسيني جد برمسج جد !!!! يعني ليش جي يفكر ماعرف .
اخر موقف صار بيني وبينه وهالي واايد خذت بخاطري منه انه طلب يشوفني بره البيت ( وهالشي منقود منقود منقود عندنا ومستحيل يستوي) طبعا هو يشوفني وبحضور اهلي لانه عيب وهو يقولي ابا اتم وياج بروحنا مابا حد ويانا وانا ماقدر اقول هالشي لاهلي لانه بيذبحوني ,, تغير 360 درجة يابنات بعد مارفضت طلبه وصار نكدي صار كل الي بخاطره بس نظهر ويه بعض قال انتي الي ماتبين وانتي وانتي حط كل اللوم ع راسي ,, قلت له لين متى بتم جي ( ونحن صار لنا تقريبا شهر على هالحاله كل يوم نضارب ) قال لين نعرس !!!!!!!!!!!!!! هاي رمسه بالله عليكم صار لنا اسبوع الحينه لا رمسته ولا رمسني ويوم ادق مايرد واطرش مسجات مايرد !!!

ساعدوني بنات والله قمت احس نفسي انفر منه .. ماحب اتذكره ماحب احس نفسي ذاله روحي عليه
بعض الاحيان احس انه ماينفعني واتحسف اني وافقت عليه
شوروا عليه شو اسوي وياه كيف اقدر اخليه يرد شرات قبل ؟


والسموحة طولت عليكن

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[syo0o5ya-h]

الله يصلحكم اختي هووو ريلج
و لازم تسمعييين كلامه

[#سود العيون#]

الله يصلحكم اختي هووو ريلج
و لازم تسمعييين كلامه

مشكوره اختي على ردج بس والله لو دروا اهلي يجتلوني منقوود عندناا
الله كريم
واتريا رد الخوات

[أم عبادي وحسوني]

لا مب لازم تسمع كلامه بكل شي من الحينه بعدها فبيت اهلها

عقب العرس على كيفه

اختي انصحج طنشيه ولا تذلين نفسج اكثر قوليله انا مستحيل اسوي شي من ورا اهلي لاني ما تعودت اسوي شي يقهر اهلي

وتمي استغفري وإن شاء الله بيتغير اهم شي توكلي على الله والله يهديه

[#سود العيون#]

مشكور حبيبتي على مرورج

[o0oh]

هلا اختيه.. اول شي الله يهدي ريلج ويصبرج
اختيه انا من رايي انه فترت الملجه يوم اطول تيب المشاكل ودام انج دايمن ترمسينه ف توقعي المشاكل تيي واللي فهمته منج انه ريلج مضغوط من الدوام والاهل يعني تحملي وحاولي تخففين عنه هو في هالوقت بيكون محتاج لج
وعلى سالفة الطلعه ويااه لااااا والف لاااا حتى لو اهلج طاعو لو لاسمح الله صار بينكم شي وخليتو بعض وهو داخل عليج شو بيكون موقفج
انا من رايي تلبسينه ولو رد تكلم فالموضووع خلج قويه وردي عليه برد قوي قوليله لو لهدرجه خاطرك تشوفني خلاص استعيل فالعرس ولا رمس اهليه
اهم شي تكونين قويه عنده وماتحسسينه انج ضعيفه ويقدر يستغلج
والله يسهل عليج

[ضيفة شرف]

لا تطلعي معاه
خليه يستاذن من هلج وتكون المبادره منه


كثري من الاستغفار ياختي

[أحبه الغالي]

الله يصلح بينكم ويتمملج على خير

[#سود العيون#]

مشكورات خواتي ويزاكن الله خير

[لوكل]

حبوبة هو يمكن خاطرة يبوسج او او او خخخخخخخخخخخخخخ وما يرووم يدام اهلج

المهم انتي مب غلطاانة ونصيييييييحة لا تسوين شيء من ورى اهلج لانه بعد الزواج بيشوووفج بنظرة ثاااااااينة

المهم طرشيله مسج وقوليلة

زوجي الغالي

انته اخترتني من بين البنات عسب اخلاقي وتربيتي ونحن ناااس هالشيء عدنااا عيب ومنقووود

عسب تشتاقلي ونعيش شهر العسل صح

واذا يرووم يجدم الزواج وبس

احبك

خخخخخخخخخخخخخخخخخخخخخخخخ

[o0oh]

صح اختيه نسيت اقولج ردي صلي استخاره
ترا شور ربج احسن من شورنا
والله يجدم اللي فيه الخير

[بنت الشوامس 2]

المفروووض ما تسمعين رمسته لانج في بيت اهلج وهذاا اول شئ وثاني شئ الغلط منج والسموحه منج لانج من اول مره عوديته بانج تسمعين رمسته بكل كبيره وصغيره صح فيه اشيااء ماعليه اسمعي رمسته يعني وفيه بعض الاشياء المفروض ما تسمعينه لان هالشئ بينجلب ضدج والسموحه غناتي والله يصلح بينكم

[أم اشجان]

اقولج شي خلي كل شي الين العرس ولاتعورين راسج معاه ان اتصل ردي عليه بنفس حلوه وان عصب ترخصي منه وسكري عنه .. وعن سالفة الطلعه لا والف لااماتطلعين ولو كان ريلج وباجر العرس .. يباج اي يشوفج بيت اهلج وانا معاج منقود والف منقود .. والريال الي يقول لج اطلعي من ورى اهلج هذا يجس نبضج باجر بقول طلعتي من ورى اهلج بتسوين نفس الشي وياي انا معاج وانتي صح .. والله يهدي ريلج وماعليه تصير جيه فالملجه بس لاتحطين في خاطرج

[حرم المهيــري]

لاتسمعين رمستهـ ولاتظهرين فيااهـ واللي سويتيهـ كلهـ عين العقل

واصلا هوهـ روحهـ بيتغير بعد الزواج ، وصدقيني افضل اتمين ثجيلهـ وصعبهـ

في نظرهـ ولا انج تطاوعينهـ ع طلعهـ من ورا هلج وبالاخر تطحين من عينهـ لانج طااوعتيهـ

ومااشااء اللهـ عليج بصرااحهـ بس تمي ع موقفج


وموفقهـ ان شاء اللهـ

[ام لأحلى 3]

هلا أختي والله نصيحه لج ترى الريال فهالعمر صعب صعب صعب ..
وأغلبيه الوقت ما بتفهمي تفكيره وليش عاملج بهالأسلوب ..
والقهر انه كل ما بيصير شي بتكوني انتي لصغيره وهو اللي يفهم شو الأحسن لج وانتي عليج اطيعي الشور بس ...واياج ولعناد طاوعيه ولا اتبيني انج زعلانه أبد ..
ولا اتبينيله انج ما رديتي عالتلفون بالعمد قوليله ما انتبهت له كان سايلنت .. أي شي المهم ما يحس انج متعمده وما اتردي حتى ولو كنتي زعلانه...
والله انه يختبرج ويشوفج بنت زينه أو متعوده عالطلعات والسوالف وانتي بكراااامه..
وأغلبيه الرياييل بعد فهالعمر تفكيرهم يكون جنسي .. يعني أكثر شي يرضيه هالشي ..
خلج ثقيله وفطنه وفنفس الوقت رحووومه عليه لانه الريال يوم يظارب مع الحرمه يكوون محتاج للحنان والكلمه الطيبه ..
نصيحتي لج ابتعدي عن شي اسمه نكد .. ودوم خلي علاقتج صااافيه معاه .. ولا اتذلين عمرج من اليوم علشان يعزج يوم اتكوني عنده .. اصبري لين ما يتصلج روحه .. وكوني متأكده مليون فالميه انه هالاسبوووع يحسبه يوم يوم اونه فتره تأديبيه ..هههه
بس صبري والله ويوم بيرد بنفسه بتكون غييييير .. والريال ما يحب الحرمه اللي تذل عمرها له بأي طريقه اكتفي بمسجات عن يوم الجمعه أو للمناسبات بس .. ويا حلات المسجات اللي بكلمتين وااايد اتحرك مشاعر الريال ..
يعني مثلا :
(ودي انكون مع بعض طول العمر متراضين) ..
(ربي يحفظك لي )
(انته الشخص اللي كنت اتنظره يتزوجني وأرتاح عنده فبيته )
(ما ياني رقااد كنت أفكر فيك للصبح)
(أتمنى أكون في قلبك تحميني من الناس كلها)
(رضاك عندي بالدنيا )
وأغلب المسجات اللي اتحرك مشاعر الريال اتكون بالليل ..
وعن الاعتذار باسلوبج ومع الوقت علميه انه الحياه الزوجيه بين الحرمه والريال مثل الحبل كل ما شد طرف الحبل الطرف الثاني لازم يرخي علشان تستمر العلاقه وما ينقطع هالحبل ..وبالعكس اعتذار الريال مب عيب .. وانج اتقدري اعتذاره واااايد ..وان اعتذر وقالج آسف على طول قوليله وأنا آسفه بعد والعكس صحيح ..
وفالأخير حطي فبالج رضى الله من رضى الزوج .. و ان الحرمه لازم اطيع ريلها فكل شي الا فمعصيت الله..
ان شاء الله أكون فدتج لو بالشي البسيط ويارب يجمعكم ويوالف قلوبكم على خير..