البيبي الثاني ..

**ام_ابراهيم** · 2010-02-24, 10:25

لبي احمل بس .......................

خايفه امممم

بنات اخاف اظلم ولدي >< الي كمل سنه و شهرين ربي يحفظه ...
اخاف التهي بالبيبي اليديد اخاف حياتي تختبص ><

لان هالبيبي خذ من وقتي واايد .. صح ما اهملت عمري و الكشخه وشغل البيت ... مول مو مقصرة
بس احيانا

عندي واحد واتضايق واتملل وانضغط كيف بتكون حياتي مع الثاني ؟؟؟

احس وايد افكر صح ><

لان ص انا من النوع الي ما احبالتغيرات واااااااااااااااااااااااااااايد وافكر واوسوس ><

ارجوا لكل مجربه تنصحني >< كيف فكرت تحمل ومتى حملت ... وهل تغيرتا لمشاعر و الضغوط النفسيه و العائليه ...

المزيد من آخر المواضيع من نفس القسم:

**بنت الطموح** · 2010-02-24, 10:39

العيال نعمه يا الغالية ولا تحاتين ان شاء الله كل شي بيكون اوكي وقعدو مع بعض وبالعكس خليه يحب اخوه ويقعد معاه وكل شي

**حرم المهيــري** · 2010-02-24, 11:18

انهـ من رايي انهـ ع الاقل ايكمل سنتين وينفطم عقب تفكرين في هاالحمل

.. عشاان ماايكون متعلق فيج وفجأهـ ينصدم في بيبي يديد ، بعد السنتين ممكن تحملين وانتي مرتااحهـ لانج ولين تربين بيكون ولدج دخل الثلاث

او على اعتااب الثلاث سنين ف بتكون سهلهـ العنايهـ فيهمـ اما يوم انهم بأثنينهم صغاار احس صعب شوي

منها راحهـ لج انتي واعادة تهيئهـ للجسم ع حمل يديد

**khaleejiya** · 2010-02-24, 11:34

ماشالله عاد ولدج كمل سنه وكمن شهر يعني لو حملتي ان شاءالله وربيتي بيكون كمل سنتين اشوفه واايد مناسب يكون فرق بينهم سنتين بيكون خذ حقه وزياده ^_^ توكلي على الله

**احلى الماسة** · 2010-02-24, 12:01

انا بصراحة فكرت بالحمل هالفترة...بنتي عمرها سنة ونص..لانها تموووووووت عاليهال ..واحس انها وحيدة ..فقلت اييبلها اخو او اخت يونسون وحدتها...
ولاتحاتين على سالفة الانشغال...ولدج ريال فديته يشيل عمره..وليين ماتحملين وتربين ..جد هو صار عمرة سنتين..
والله ييسر امورج كلها...
واذا ريلج يبا..فرحيه ..وتشاركو بالمسؤوليات ..العيال نعمة وعزوة...

**BenToooH** · 2010-02-24, 13:00

الحمل هالفترة حلو .. بيكون الفرق بينهم سنتين وبيكبرون ويستانسون ويا بعض
وان بغيتي فترة راحة تقدرين تطولين شوي لين الثالث .. عالاقل ما بتحاتين ان ولدج ملان رووحه ومحد وياه لأن الاثنين بيسلوون بعض

وفعمر ولدج ما يباله وايد يعني بس متابعة وركيض ... يعني انشالله ما بتهملينه ولا بتهملين الثاني

بس برايي ... شوفي حسب حملج
لو من النوع اللي تتعبين وايد أول الشهور من الوحام انصحج تتريين شوي أكثر لين ولدج يصير شوي يفهم أكثر ومايتعب وايد
اما لو حملج سهل فـ شخصيا ماشووف شي يمنع ^_^

**سوسو الانيقة** · 2010-02-24, 13:16

انا من كمل اول بيبي سنه وثلاث شهور حملت تبهدلت شوي في فترة الوحام لكن الحين عادي
بس بعدني ماجربت شعور ان يكون عندي اثنين وسنهم صغير

**ام سعيد 2001** · 2010-02-24, 19:10

احملي اختي ولا تحاتين ..
انا يوم كان عمر ولدي عشر شهور حملت في بنتي و يوم ربيت كان عمره سنه و سبع شهور .. صح تعبت بس كبروا مع بعض ..الله يحفظهم ان شاء الله..
لا تحاتين بتتعبين اول سنه و بعدين صدقيني بترتاحين لأنج ما بتحاتين ان ولدج بروحه وما عنده حد يلعب وياه ..
الله يجدم لج الي فيه الخير ان شاء الله ..

**ام راشـد** · 2010-02-24, 19:45

انا ويا الاخت الي قالت:

انهـ من رايي انهـ ع الاقل ايكمل سنتين وينفطم عقب تفكرين في هاالحمل

.. عشاان ماايكون متعلق فيج وفجأهـ ينصدم في بيبي يديد ، بعد السنتين ممكن تحملين وانتي مرتااحهـ لانج ولين تربين بيكون ولدج دخل الثلاث

او على اعتااب الثلاث سنين ف بتكون سهلهـ العنايهـ فيهمـ اما يوم انهم بأثنينهم صغاار احس صعب شوي

منها راحهـ لج انتي واعادة تهيئهـ للجسم ع حمل يديد

انا حملت على ولدي وعمره 10 شهور وتعبت الصراحه وكنت وايد عصبيه بسبت الحمل وبدت عندي الام الظهر وانا في الشهر السابع ويبت بنتي الحمدلله ....عقبها حملت على بنتي وهي عمرها 8 شهور بدت عندي الام الظهر وانا في الشهر الرابع ...كنت اروح المستشفى وابا اي شي يخفف الام الظهر ما كانو يعطوني شي يقولولي انتي تحملين ورا بعض عشان شذه يستويلج هالشي يعني بالمختصر كله يروح من صحتي

نصيحه اصبري شوي لين تفطمين ولدج وترتاحين شوي وعقب فكري تحملين ....العيال مسؤوليه وفي ذمتج عشان ما تظلمين حد فيهم

على فكره مب شرط يوم الفرق بسيط بين العيال لازم يلعبون ويا بعض ....انا الفرق بين ولدي وبنتي سنه ونص وتعالي شوفيهم كيف يظاربون ويا بعض....الله المستعان

**alyazi** · 2010-02-24, 20:06

بصراحه ماانصحج ابددددددددددددد نين مايكمل سنتين وبعدها تحملين ونين ماتربين 3سنوات يعني في فاصل بينهم ومابتتعبين -اذا يبتيهم ورى بعض تحسينهم مثل التوأم تعابلين منو وتخلين منو ويبالج خدامتين وعوار راس

**ام_ابراهيم** · 2010-02-25, 07:10

ثااااااااااااااااانكس حبيباتي خواتي
ما قصرتواااااااااااااااا معااااااااااااااااااااااااااي ابد ^^

استانست وااايد ع هالردود ...

وان شاء الله اتريا لولدي كم شهر صح ..... عسب لي ما اربي يكون عمرة كمل سنتين ؟؟؟

يعني خل يكمل سنه و سبع وست .........

لان الكل يسال ؟؟؟
ما حملتي ما حملتي ><

ههههههههههههههههههههههههه الله كريم وين بنروح عن الناس ؟؟؟؟

و عفكرة .. اليهال مسؤوليه بالمتابعه و التريه و الاهتمام ... ها كله في ذمتي مفا ابي اييب اعيال ع الفاضي وافرهم عالشغاللاتول افلانهوفلانه ...

مشكورات خواتي ...

مو الحلو ان الاعيال وايد وما تقدرين عليهم
الحلو انهم يكونون مادبين ... ومحترمين واخلاقهم عاليه >

الحمد الله والله يرزقنا من خيرة اميـــــــــــــــــــــــــــــــــــــــــــــــ ــــــــــــــــــــــــــن

الموضوع: البيبي الثاني ..

أدوات الموضوع

عرض

البيبي الثاني ..

المزيد من آخر المواضيع من نفس القسم:

المواضيع المتشابهه

تجهيزات البيبي الثاني

...البيبي الثاني

حامل وتجهزين حق البيبي...تعالي شوفي شو عندي (الجزء الثاني)

الجزء الثاني من اطقم البيبي.....انيق من صغره

في وحده سوت سونار فبداية الشهر الثاني ...!وما طلع البيبي فالسونار !!