ما حدث في عرسي

**الوزيرة** · 2007-05-09, 00:43

الف مبروك الغالية ...
بس نسيتي ما تخبرينا من وين التصوير..

**ام ميثاء دبي** · 2007-05-09, 01:00

انا كان عرسي قبل سنه بس للحين يوم اذكر الكوشه اموت قهر لانه كان اللون والشكل مب على نفس الاتفاق ... والتصوير كان عند اضواء المدينه كان صدق اي كلام .. سبحان الله هذيلا الاثنين اخترتهم بعد تردد وصدق ندمانه على هذا الاختيار

**اليــــاسيــــه** · 2007-05-09, 01:11

اولا الف مبروووووووووووك .... انشالله تتهنين وتستانسين ويا ريلج

يستاهلون وماسويتي فيهم .. حراميه ..... حبيبتي انسي الموضوع هالامور تحصل عااااادي فالاعراس زين انها يت على جذي اهم شي مر العرس بسلام وبدون مشاكل والحمد لله انج فبيتج الحين واللي صار طاف محد بيذكره اهم شي انج بخير الحين انتي وريلج ومبروووك مره ثانيه ....

**QlaYeD** · 2007-05-09, 01:46

والله انا اول مارحت لمحله وكنت بحجز ماعيبني السعر اسعاره وايد مرتفعه غير عن باقي المحلات والمشكله يقول انا اساعد المواطنين واسوي لهم على ميزانيتهم
الباليه بباقي المحلات اكثر عن اربع عروض 4000 ونازل لكن عندهم 7000 شوهالنصب
الحمدلله على كل شي يااختي المهم ان انتي كنتي راضيه عن نفسج بيوم عرسج ولا الكوشه والصبابات هذي اشياء رمزيه يعني الكوشه محد بيذكرها مع الايام ولاالصبابات بينذكرن مع الايام لكن الاهم انتي.
انتي قولي الحمدلله ان الصبابات يوج بعرسج انا حاجزه بمحل صبابات ودافعه لهم السعر كامل واحاتي انهم مايون العرس

**لاليك** · 2007-05-09, 01:58

ألف مبرووووك العرس يا عروووسه..!!

عيل انا شكلي مابعرس لو ما رتبت كل شي واشوفه بعيوني..!!

الله يعين بس...ماتخيل اني اعتمد ع حد يوم عرسي والله مابدخل الغرفه عشان التعدل قبل ما اشوف الكوشه..

حاطه في بالي يوم بتفق مع محل الكوش اني اسوي عقد يوقعون عليه ان لو ما طلع مثل ما اباه يردون نص المبلغ لوووووووووووووووول كيفي..

والله عيل ارتب كل شي واختها حد يخرب عليه فرحتيه والله كفففففففففففففف ع ويوهوم لوووووووووووول

المهم طلعتي قمر يا عروووسه ...!!

تعالي شو مدخلنج المنتدى توج عروس يالله عند ريلج لووووووووووووووووول..!! فديتج والله ساعدتي البنات اللي يالسات يرتبن حق عرسهن الحين..!!

**القمزية** · 2007-05-09, 05:26

لقيمات مبروووك حبيبتي

ممكن اشوف فستان عرسج ؟؟ وشو المقاس والسعر

**ar_82** · 2007-05-09, 05:40

الف الف الف مبروووووووووك اختي ..وتمنياتي لج بحياة سعيده

**أم زايـــــــد** · 2007-05-09, 06:19

اختيه الف مبروك بس الكلام اللي قلتيه عيب اولا" انت شو دخلج فيه عراقي ولا هندي وتقولين مسوي عمره مواطن غصب مب حلوه هذي الكلمه انت لج في التعامل وبس شو فيهم العراقيين مب بشر شو باجر بيوم القيامه كلنا يحشرونه سوا بلا مواطن بلا خرابيط وثانيا" وايد اهني عوايل اماراتيه معروفه وعريقه وعندهم سلطه اصلهم عراقي في الشارجه وعيمان وحتى بوظبي واسألي اذا ما تعرفين وانت بروحج اتقولين هو شامسي يعني اماراتي ع العموم انا حبيت اكلمج من باب النصيحه لا اكثر لأنج توج معرسه فعشان الله يباركلج في حياتج اللي يستوي حرامي وياج اتحسبي فيه ربنا والله مايضيع حق حد بس مب جي اتشهرين بالناس وانت توج باديه حياتج ابدي صح عشان النهايه اتكون صح انا ماادافع عنه لا والله بس انا مع الحق انت المفروض ورا العرس تتفاهمين معاهم وتردين فلوسج لأنهم اخلو بالأتفاق لان بينج وبينهم اتفاق واذا ما انحلت وديا" اشتكي عليهم . وانت ما تعرفين في ناس تنقل كلامج لهم بالحرف الواحد يعني يروم هو يشتكي عليج وعنده الاثبات والاثبات هو كلامج عنهم في المنتدى ويسويلج سالفه بعدين لان هذيله مثل ما قلتي حراميه يعرفون كيف يتصرفون وارجوا اني ما ضايقتج بكلامي

**naw3es** · 2007-05-09, 08:09

أم زايــــد ,, شحالج عساج بخير انا بعد ام زايد لول...
المهم بغيت ابين لج وجهة نظر عروس,,, هي اول شي ماغلطت على العراقيين هي بس ذكرت جنسيته.. وانا متأكده انها ما عنتها نفس ما انتي فهمتيها! ومعاج حق كل البشر واحد وسواسيه ونحن مانقدر نذم حد... وبعدين هي كانت زبونه عندهم واذا ماعجبها لي سووه من حقها تعبر عن رأيها الصريح سوء فالمنتدى أو غيره وصدقيني ما يقدر يسوي أي شي ... شو يعني بيسوي هي ما قالت الا الحق... وفالنهايه هي بغت تحذرنا العرايس منه ونحن نتعلم من تجربتها.. وبصراااحه انا اشكرها لاني ما ابى اتوهق فعرسي مع اي حد ما يحترم اتفاقه..لانه يوم واااحد فالعمر وكل بنت تتمناه كااااااااااااااااااامل.. ويحليلها هي ما لقت الذكرى الطيبه بسبته... عالعموم بس حبيت اوضح انها ما قالت لي قالته للتجريح كان قصدها للتنبيه....

ومبروك يالقيمات العرس وانسي الذكرى وخليج مع ذكرى العسل مع ريلج لول....

**سلسبيل الامارات** · 2007-05-09, 08:23

اول شي مبروووووووووووووووووووك
وتتهنين انشا الله ويا ريلج ويجعل حياتكم سعيدة

ونفس هالمواقف تسووي بكل الاعراس

واهم شي تكوني مستانسه ويه ريلج

ومبروووووووووك مره ثانيه

**فينوس** · 2007-05-09, 08:25

مبارك عليج اول
وثاني شي خلاص كل الببنات يسوون لهذا احمد الشامسب بلوووووووووووووك

لو انا في مكانج الله يستر جان قلبت العرس صيااااح لكن الحمد لله مرت على خير وانتي ماشاء الله عليج اعصابج حديد وااايد حكيمة في مواقفج

**om mohd** · 2007-05-09, 08:35

هونيها وتهون حبيبتي.. اللي صار فعرسج شوي..

واللي صار في عرسي مأساة وما أريد أرمس عن مأساااااااة عمري.. ومثل ما قلتي... ما نحب نتذكر

العرس بسبة اللخبطه اللي تصير...

وانشالله اتييبين صور عرسج وتطلع حلوات

**GNA** · 2007-05-09, 08:36

أولا مبروك والله يتمم عليكم بخير ويهنيج ويرزقج الذرية الصالحة يارب .......................ثانيا هونيها و هي تهون وهو يوم وعدى, ولا تقهرين عمرج أكثر ما يسوى إنتي سعيتي و قدر الله وما شاء فعل..

وايد ناس يطيحون في مثل جيه وهجة لا وإحنا بكل صراحة نستاهل لأنه مانحاسبهم على إلي نقصوه هم ياخذون فلوسهم كامل و يبون شغل مب كامل ويوم يخلص العرس كل حد سار في حاله .....تدرون بنات أنا أعرف ناس شويسوون مايدفعون كامل الأشياء يعني جزء قبل العرس و جزء عقب العرس و مب بس جيه يصورون كل شيء من السنتر بيسس إلين الكوشة وفستان العروس وعقب العرس أو عقب إستلام الغرض من المحل "مثلا فستان العروس" ايبون الصور ويلسون يقارنونها مع الشيء و أي إختلاف يحاسبون راع المحل بيقدر يعدل الإختلاف ولا لا إذا ما بيقدر يقولون له كم سعره و يخصمون من الباقي إلي مادفعوه والله يابنات لو كلنا سوسنا جيه جان ماشفنا غش في هالسوالف في محلات تربح من ورا هالغش وبعدين ترى الفلوس مب يايبينهم من الشارع ليش أدفع حق شيء ماتوفرلي ...

**لقيمات بالدبس** · 2007-05-09, 08:56

المشاركة الأصلية كتبت بواسطة العيـــوز

الف الف الف مبروووووووووك اختي ..وتمنياتي لج بحياة سعيده

الله يبارك فيج الغالية

**لقيمات بالدبس** · 2007-05-09, 08:57

المشاركة الأصلية كتبت بواسطة الغلا مريم

ألف مبارك عليييييييييييج يا الغالية

الله يبارك فيج

الموضوع: ما حدث في عرسي

أدوات الموضوع

عرض

المواضيع المتشابهه

عرسي

سااااااعدوووووني بليز عرسي قريب و ابا مصمم لفستان عرسي

عرسي جرب ....

[ حنة عرسي ...’

عرسي