سؤال عن أسواق الجمله

**زكية الذكية** · 2005-10-18, 03:18

السلام عليكم ..

حبيباتي ...

عندي سؤال وياريت لو حد يقدر يكفي ووفي ..

من وين أقدر أشتري بالجمله .. أقمشه - كلف - دانتيلات - شيل - لوازم خياطه ؟؟؟ فدبي وبوظبي ؟

وبالنسبه لبنات دبي .. ممكن تفيدوني عن سوق عكاظ ومرشد ... ؟؟ هل هو زحمه ؟؟ يعني ينراحله ولا كله هنود وناس اشكالهم غلط ؟؟ آسفه بس يعني انتو فاهمين قصدي ؟ اني أقدر أنا كمرأة أدخل المكان ؟؟ ولا بكون شوي بهدله ؟؟؟

شكرا عزيزاتي .. والسموحه...

المزيد من آخر المواضيع من نفس القسم:

**اماراتية طموحة** · 2005-10-18, 03:38

زكية الذكية

سوق عكاظ سرلته قبل كمن اسبوع لاول مرة الصراحة عندهم جلابيات روعة من 30 درهم الى 1000 درهم اشكال والوان ...
وكثير من خواتنا السعوديات والكويتيات والبحرينيات يشترون من هناك
هو زحمة بس مب وايد يعني عادي

**فطيم** · 2005-10-18, 04:37

[11]أتمني اساعدج بس ما اعرف [/11]

***أم اسمـــا*** · 2005-10-18, 06:08

للأمانه أنا ما سرت له.. بس خواتي دايما يسيرن ويلقن أشياء وايد حلوه عندهم
مثل ما قالت اماراتية طموحة

**زكية الذكية** · 2005-10-18, 22:17

يزاااااااااااااااااااااكن الله خير الغاليات ...

**زكية الذكية** · 2005-10-18, 22:23

المشاركة الأصلية كتبت بواسطة شمسة المهيري

هلا اختي الغالية
ممكن اتروحين احسن وقت الساعة 10 او 11 الصبح نصيحة مني الغالية
سوق عكاظ بتحصلين جلابيات عند راجو روعة وهريس ومحلات ثانية وشيتل ومقابل شيتل محل بعد عندة روعة
واذا بغيتي جلابيات متميزة اعرف وحدة راح تفتح محل في القرية العالمية السولعية للجلابيات عندهم تشكيلات فخمة ووايد جلابيات اللي مسوتنهم مصممة اماراتية بس شغل بدون مجاملة قمة في الروعة
اذا بغتي الرقم بطرشة لج الغالية

يزاج الله خير الغالية ...
أحيد ان مر علي من تصاميمها ... وأحيدها كانت روعه .. يزاج الله خير ..

أنا روحي أسوي جلابيات وأخيطهن ... وكنت أريد سوق للجمله للأقمشه ولوازم الخياطه ... ويكون أحسن لو كان فبوظبي ...

مشكوووره فديتج ... ويا ريت لو اطرشيلي رقمها

**ظبية بوظبي** · 2005-10-18, 22:37

الغاليه اذا كنتي ادورين لوازم الخياطه تقدرين تسيرين سوق الجمله فى دبي بتحصليييين كل اللي تبينه بالجمله وبسعر مناسب بعد .... لكن فى بوظبي ماعرف وين والله يبيعون لوازم الخياطه بالجمله كان ودي افيدج ...والسموحه

**صدى حنيني** · 2005-10-20, 04:13

أختي الغالية
قبل ماأدلك و أساعدك بخصوص الطلب
لقد لاحظت في طلبك كلمة لا يجوز لنا قولها
فلا يجوز لنا قول ×( ناس أشكالهم غلط )×
إذ أن الخالق هو الله تعالى

أرجوا منك الإنتباه لذلك و تعديله

وفقك الله و سدد خطاك

أختك
صدوي :22 (20):

**غيــوض** · 2005-10-22, 00:45

أمووووووووت واعرف شو الجملة ومرشد وعكاظ وين يدورون ... لان كل ما سألنا محد يرد لنا خبر .. حتى التمكاسي يقولون مانعرف وين ... دلونا يا بنات دبي نبغي نسير ونشوف شو الموجود هناك...

تحياتي:
غيـــــــــــــوض

**ظبية بوظبي** · 2005-10-22, 00:57

اختي غيوض

ان شاء الله بنات دبي بيردون عليج

لاني والله لو ادل اسواق دبي عدل جان قتلج
والسموحه على القصور

**حناين** · 2005-11-12, 14:59

المشاركة الأصلية كتبت بواسطة غيــوض

أمووووووووت واعرف شو الجملة ومرشد وعكاظ وين يدورون ... لان كل ما سألنا محد يرد لنا خبر .. حتى التمكاسي يقولون مانعرف وين ... دلونا يا بنات دبي نبغي نسير ونشوف شو الموجود هناك...

تحياتي:
غيـــــــــــــوض

السلام عليكم و رحمة الله و بركاته

الغالية ...سوق الجملة عند سوق الذهب اسالي الكراشية اللي هناك بيدلونج (مع احترامي لهم)
سوق عكاظ ... تقريبا ورا سوق الذهب تسيرين صوب شرطة نايف تكملين الشارع سيدة على ايدج اليمين بيكون سوق عكاظ و مقابله شي مثل مجمع فيه محلات تبيع جلابيات اشكال و الوان الغالي و الرخيص

و سوق مرشد تسيرين له من صوب ميدان جمال عبدالناصر(بني ياس حاليا)) صوب محلات دي تو دي و تن تو تن اطوفين الشارع و عقب تاخذين الاشارات يسار و تكملين لين نهاية الشارع و بتوصلين سوق مرشد
بس الغالية سيري عقب صلاة الفجر عشان اتحصلين موقف

و السموحة منج

**Daanh** · 2006-08-20, 00:25

بس أختي حناين إنتي ماحتدي وين بالظبت يعني في الشارجة ولا دبي سوق الجملة أدري في دبي بس سوق عكاظ ؟؟؟؟ و سوق مرشد ؟؟؟؟ تصدين دبي ولا الشارجة

**كتكوتة الامارات** · 2006-08-20, 00:29

اختي الدانه

سوق عكاظ ومرشد في دبي

الموضوع: سؤال عن أسواق الجمله

أدوات الموضوع

عرض

سؤال عن أسواق الجمله

المزيد من آخر المواضيع من نفس القسم:

رد : سؤال عن أسواق الجمله

رد : سؤال عن أسواق الجمله

المواضيع المتشابهه

أسواق............ تركيا

أسواق الكويت

أسواق الجمله في دبي