شسوي تعبت من هالحاله؟

[uae-2010]

ريلي عصبي وعنيد وقيوضي اباكن تقوللي شسوي اهله عايله كبيره كل خوانه المتزوجين عايشين في اقسام وبنفس البيت المهم انا احب ريلي بس المشكله يوم يصير شي بينا موضوع او سالفه القا اهله يدرون يعني خواته بذات مرات يدخلن امورهن بشي ماله داعي مثلا بلبس بنتي شي يتنقزن او بعدل شي وهوه يسمعلهن وايد ومن اقوله شي صار بيني وبينهن يحتشر ويعصب كله ولا هليه يعني ماشي اصلن عداوه بيني وبينهن لا هن شرات خواتي واقعد عندهن عادي مابينا شي ومرات الواحد يزعل يوم حد يغثه مرات احصل مغثه منهم بس من اقول يعصب واتم اسكت شسوي وكل مايلقاني قاعده بروحي يقولي روحي قعدي عندهم كل وقتج عندهم كانه ماعندي اشغال اقضيها الى عندهم ومرات يعق عليه كلام ويصرخ عليه ومره قلتله خلنا نروح سوق قال مافيه ورايه شغل وتعبان قتله اوك قال خلي دريول المهم بنت عمه دقتله فالمستشفى قاتله تعال ولدها مرقد شللها فواله وراح وانا طقعلي تميت مضايقه وهاي بنت عمه ماعندها الى انها تخق بجمالها وتحط دوبها من دوب بنتي تقولها انها هيه الاحلى ويحضها لو خذت منها وهيه ولاشي عند بنتي وهيه مطلقه ومن تي عندهم وتستسوي لمه يقعد وانا مايقعد عندي كثر مايقعد عندهم ويوم تكون لمه حريم يحب يقعد احس انه يحب يتكلم عند النسوان وانا من اقعد عنده واسهر عنده يقولي سيري نامي ماعرف ليش جيه خبروني شسوي المختصر من الكلام كيف اغيره او شو اسوي عشان ماخليه عصبي وماخليه عنيد وانه مايقعد عند نسوان ومايسمع لكلام حد والي بينا يتم بينا خبرني شسوي انتن شرات خواتي قوولي تعبت

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ms. caramel]

ما أقدر أقولك غير الله يعينك عليه ..


هو في حل بس يمكن مايوافق عليه ؛؛ إنكم تسكنون في بيت لحالكم ..

وقتها المشاكل حتقل ..

[مياسة UaE]

الســلام عليييج خيـتي ^^..

الصـراحة ماعرف شو اقول لكـن سمعي

يووم بتيلسين ويـا ريـلج لاتيـييبين طـاري خواتـه إلا بالخـير

بمعنى انج ما تقوولين اختك قالت جي وسوت جي تـرا طبع الريـال مايحب الحنـة والرنـة

تبين اترنين رنيني بالكلام الحلوو وسمعيه أعذب الكلمـات وطيبي خاطرهـ وحـاولي كل يوم او يومين

اتسوين له سويت ع العصر يـاكله ودلليـه أكـثر لانـه داخـل كل ريـال طفل صغير^^..

حسسيه انه دنيتج من دونـه ولا شي عسب ييلس ويـاج أكـثر وحـاولي اتسلينه عسب ما يمل

من القعدة ويـاج ..~

خذي شورهـ ف أشياء تخصج ،،، مثلا : قولي له ابـاهـ اروح السووق ويـاك ابـاك

تساعدني ف اختيار اللبس وغيـرهـ ابـاك تشاركني ف التسوق

وبأشيـا ثـانية غير السووق وطبعا لا تنسين اهم شي خلـيه يشاركج ف طـاعه الرحمن

يعني صلي ويـاه قيـام الليل وقولي له ابـاك تكون عون لي ف طاعـة الكريم ..~

ولين اهنــيه بكتفي بقووول اكثري من الاسـتغفار والدعاء

ميــاسة كانت هنـا

^__^

[شمس الامارااات]

ربي يعينج

والله في نوعيات ما تتغير لو شو مااتسوين لها


بس انتي بعد حاولي ^^

[كول بيبي]

الله يهديه

[*أم شهد*]

الله يعينج،،، حاولي حبوبه اتثقفين نفسج بطرق التعامل مع الزوج،،، جوفي شو نقاط ضعفه واستغليها بالتودد له واللي فهمته منج ان كله ولا اهله خلاص حسني علاقتج اكثر معاهم ودايما اطريهم بالخير جدامه ،،،

موفقة دنيا وآخره ،،،
*أم شهد*

[أم كاكي]

مثل طبع ريلي بس انا اتقلمت وااايد

اول غلط اتسوينه انج اتقولين لريلج انه خواتك قالو وقالو

الريال ما يرضى لا في خواته ولا امه

يوم بيستوي شي عادي اتاقلمي واسكتي ولا اتخبرينه خلاص بما انهم مثل خواتج ما في داعي اتقوليله انتي بس بينيله الاخوه من بينكم

انا ريلي يحب ايلس ويا الحريم عااادي اتعودت

بس سالفة بنت عمه الصراحة مب حلوه هو يسيرلها اذا صار شي لا اتبينيله انج متضايجه قوليله بسير وياك

[um_3washi]

الصبر ما في احسن منه وانتي ما عليج غير بالرييلج ...

الله يصبرج اختي ويكون بعوج ويحنن قلب ريلج لج ...آآآآآمين يا رب العالمين ..

[Hno0odah]

الله يكون بعونج
وحاولي اتكلمينه كذا مره

[فديت نواري]

الله يفرج همج ان شالله

[دلوعي]

الللللللللللللللللللللللللللللللللللللللللللللله يعينج