كنك عليه مغصوب :(

**um.joory** · 2010-02-20, 22:58

السلام عليكم

اتضاربت من ريلي

حرق لي قلبي والله 24 مب فالبيت اباه يتم لو شويه يقعد عندي ماباه اكثر من نص ساعه
احسه مغصوب !!!!!!!!!!!!!!!!!!!!!!!!!!!!!!!!!!!!!!
طرشت له مسج (ادري مب هامتنك ولاتباني في حياتك , جان مغصوب عليه طلقني وفك عمرك)
دق لي فوق ال 10 مرات ولا رديت عليه
يقولي انا عند مقاول مال البيت وخليتيني اظهر بسبتج وماكلمت كلامي معاها
وسكر في ويهي

آآآآآآآآآآآآه حسبي الله ونعم الوكيل
وعقب طرش لي مسج(حضرتج تبيني 24 ساعه اتم وياج) ! اهني انا انصدمت شو قصده
الي يقول ذاله عمريه عليه
طرشت له مسج(قلت له ماباك عندي اسال و اسال عني وشو مسويه ليش تسوي كله طاف)
شي مسوتبك انا ! ولا رد عليه
يوم يا البيت سويت له طاف رقدت فالصاله عنه ويترجاني ارقد فالغرفه ماطعت قهرني والله قاهرني موووووووووووووووووووووووووووووووووت
والصبح اليوم مالقيته طلع وبدون مايقول شي
وطرش لي مسج(انا بروح مصفح)
اي مصفح فهالوقت متفيج فخاطريه قلت له فالمسج(برايك وين ماتروح)
يوم رد البيت على الغدا ماشافني موجوده وزقرني وانا متلبسه
و بروح بيت اهلي قلت له بروح بيت اهلي الدريول يايني وقال
متى بتردين قلت له ولا في خاطريه ارجع ولا افكر جان
يمسك ايدي يقولي اقولج متى بتردين بصوت عالي قلت له ماعرف
ولين الحينه وانا عندي اهلي

ولا حتى مسج ولا تلفون كلف على عمره ويدق لي

هو مب راعي بنات ولا يشوف غيري ولا حتى احسه مال هالسوالف ابدا مايحب جيه
هما الاول والاخير تجارته

الله والتجاره عاد ااااااااااااااااااااااااااااااااااااااااااه
كل يوم اقول ليتني ماوافقت علييييييييييييييييييييييييييييييييييييييييييييه

شو اسوي والله تعبت نفسيا من الزواج والحينه انا حامل وهالشي وايد مأثر فيني
والله يا ناس احسه مغصوب علي يوم يبيني ويوم لا

المزيد من آخر المواضيع من نفس القسم:

**دلوعه فزاع** · 2010-02-20, 23:02

الله يعينج ويسخر لج ريلج هدي اعصابج كم سنه صارلكم متزوجين حبوبه شوفي الامور الثانيه الايجابيه لاتركزي على السلبيه اذكري الله وارجعي البيت وارتاحي وانسي السالفه استقبليه بابتسامه حلوه وكلمه طيبه وتفاهمي معاه بهدوء ودلع والله يوفقكم يارب

**(توته)** · 2010-02-20, 23:02

ماحس له داعي توصلين السالفة لهالحد ... الله يهديج ختيه ...

**أم محمد بلال** · 2010-02-20, 23:03

تعوذي من الشيطان

اذا ما مريتي بهالمرحلة ما بصدق انج حامل
لانه الحمل يقلب مزاج الحرمة و تحس انه ريلها ما يقعد معاها
و هذا شي طبيعي تحسين بكآبه
اقول تعوذي من الشيطان و رجعي و كلمي ريلج و تفاهمي معاه بهدوء و لي رجعة ع الموضوع بعد ما تطمنيني على نفسج

**خوخة سمسم** · 2010-02-20, 23:03

حبيبتي..اول حاجه هدي عمرج...
لا تخلين ابليس يفرح ويدخل بينكم..احسن شي..تعدلي وتدخني..سوي عشا لريلج..ومن يوصل استقبليه بابتسامه وسولفو عن الموضوع بهدوء والله يجمعكم ع الخير..

**دلوعة 2007** · 2010-02-20, 23:07

الغلا شكله الحمل ما اثر عليج ....هدي ..ع العموم الله يريح بالج..

**كيمي 2** · 2010-02-20, 23:12

اقولج الحقي ريلج
وكوني معاه في الحلوه والمره
الي سويته مب زين بصراحه
دامه طيب معاج ليش تنقهرين من حركات الى مالها داعي
اكيد بيقعد معاج واكيد بيظهر
فكري عدل وردي لريلج والله يسخره لج لا تعصبين وانتي حامل الحين
فكري في ولدج وكوني المتفهم الهاديه الحبوبه وبعدين اقص ايدي اذا ماقعد يلحقج
يسلم غاليج

**أحلى زهرة** · 2010-02-20, 23:17

خلج الاحسن تعرفين الرياييل كيف كله ولا تجارتهم خخخ

**اللهم اغفر لنا** · 2010-02-20, 23:22

الغاليه تعوذي من الشيطان ترا محد كامل

وكل ريال وله عيوبه وانتي دامج تقولين انه مب راعي بنات وماشي

معاج بما يرضي الله هذي روحها كنز يا الغاليه بهالزمن الاغبر

يوم تحسي انج معصبه روحي وتوضي وصلي لج ركعتين وبيروح الضيج ان شاء الله

**خفقـــة قلــب** · 2010-02-20, 23:24

احسن شي انج رحتي بيت اهلج ع الاقل تغيرين جو

وبعدين والله ما يسوا الموضوع توصل الى الطلاق

المفروض يوم ترجعين له تقعدين انتي وياااه قعده حلوه وتقولين له كل اللي في خاطرج من صوبه هذا اقل شي

عشاان يفهم انتي شووه تبغين منه بالضبط..~

وحاولي يوم يكون مب موجود في البيت تشغلين نفسج في شي ..~

واسأل الله ان يصلح بينكم

**متابعه** · 2010-02-20, 23:28

مثل ماقالن البنات انه الحمل يأثر فمزاج وحساسيه الوحده تجاه ريلها
انتي فهميه هالشي قوليله انج صايره وايد حساسه مع الحمل ومحتاجتنه زود
وتعرفين اهم شي قلتيه فكلامج كله انه ماله خص فسوالف بنات وخرابيط
لاتضغطين عليه وهو يراكض عشان رزقه وهالرزق لمنو غير لحرمته وعياله

**basko0ota** · 2010-02-20, 23:31

الله يكوون في عونج الغاليه

**ام سالم** · 2010-02-20, 23:36

الله يبعد عنكم شرور الانس وشرورو الجن وشرور انفسكم اللهم آمين

**نيلوفر** · 2010-02-20, 23:51

احاول افهم السالفه !

عفوا شو حاصل

الله يهديج بس

**اذكروا الله** · 2010-02-20, 23:55

صدقيني انتي غلطانة
الريال مشغول وقدري ظروفه
الظاهر الحمل مأثر عليج

الموضوع: كنك عليه مغصوب :(

أدوات الموضوع

عرض

كنك عليه مغصوب :(

المزيد من آخر المواضيع من نفس القسم:

المواضيع المتشابهه

صحة هذا الحديث: ما الذي أبكى الرسول صلى الله عليه وسلم حتى سقط مغشيا عليه ؟

من حقوق النبي صلى الله عليه وسلم : الصلاة والسلام عليه

من سنن الحبيب ( صلى الله عليه وسلم ) صلوو عليه عليه الصلاة و السلام و على اله و صحبه

~$$من جربت مكياج [[[عذوووب]]] بليز لا تبخل عليه برد بسيط اشكرها عليه $$$~