تعبت واحتاجكم ضروري

**mesho** · 2010-02-19, 15:52

اريد افضفض وياكم انا تعبت من ريلي وايد صرنا في خلافات بسبب الاهل، احنا صرلنا متزوجين 3 سنين وعندي طفل الله يخليلي اياه احب ريلي وهو بعد يحبني وما اقول عليه انه زوج سيئ بس المشكلة صارت ويا اهلي يعني في يوم صارت مناقشة بينه وبين امي وعصب عليها وما طلعت منه الا كلمة انشبي (اخرسي ) قدام ابوي طبعا ما اقولكم الصار قامت الدنيا وما قعدت هو بعدين اعتذر لابوي وهو يصير خاله يعني ريلي يصيرلي ابن عمتي بس اعتذاره ما كان من الخاطر وابوي كان ما يقدر ينسى السالفة مر شهر احين واهلي كلهم قاطعو ريلي وهو قرر ان ما يكون في اي تعامل وياهم بس من عنده يعني انا عادي ويا اهلي بس انا نفسيا متاثرة بها الشي وطبعا عمتي الهي تصير امه عرفت منه بالسالفة هي عايشة في بلد ثانيه بس خابرتني وقالتلي انهم يبعدون عن بعض هذا احسن حل وطبعا هي غلّطت اهلي كالعادة ودافعت عن ابنها المهم انا اتاثرت اكثر وخصوصا اني اعامل امه احسن معاملة بس كل ما ارد احكي وياه بالموضوع انه لازم يحاول يرجع العلاقة واني ما اقدر اعيش بجو في توتر يعصب اكثر وما يقبل فقررت اني اعامل اهله نفس المعاملة واني اقاطعهم ولما خبرته قالي احسن والتريديه سويه وما راح ألومش بس حياتنا بعيد عنهم تصير احسن طبعا انا مرات افكر بالانفصال بس ارجع عشان ابني
انا تعبانة خواتي قولولي شو الحل احتاجكم ضروري

المزيد من آخر المواضيع من نفس القسم:

**اذكروا الله** · 2010-02-19, 16:00

انتي السالفة ما صارلها شهر

اصبري مع الوقت بينسوون

وانتي تصرفج خطأ يوم قطعتي اهله
شو ذنب اهله؟!
وليش الانفصال لتكبرين الموضوع وايد
لأن هالشي مب في صالحج

**mesho** · 2010-02-19, 17:55

اريد ارائكم حبيباتي وينكم

**اخت بوحميد** · 2010-02-19, 17:59

الغلااا
سالفه بتنتهى باحلى وقت بس خليهم ينسووونه وعقب راضي من بينهم وخلاص
ولا تقاطعين اهله عسب يعرف انج ابرك منه

**Mis.Dior** · 2010-02-19, 18:08

حطي الرحمن في صدرج و لا تكبرين الموضوع و اتزيدين الطين بله .. دام رجلج اعتذر من امج مع الوقت انا متاكده ان الموضوع بيهدأ و اكبر غلط انج اتقاطعين هله يا قلبي حاولي اتكونين معاهم مثل اول و احسن و لا تقطعين صلة الرحم ... و حاولي تتقربين من ريلج و تخلين مثل هالمواضيع اتاثر ابعلاقتكم ترى الدنيا ما تسوى و حرام عليكم امبينكم طفل ماله ذنب فكري فيه قبل ما تفكرين باي انسان بهالدنيا والله حرام ايضيع هالياهل من بينكم .. و الله ييسر اموركم ..و يهديكم

**bellegirl** · 2010-02-19, 19:02

لا حول ولا قوة إلا بالله

اختي الغـــالية ,, الله يصبرج على مصابج ,, واصبري فان الله مع الصابريـــــن .. ^_^

ماعليج من ريلــــج لإنه ذا هو مايبغى يتغير انتي مابتقدريــــن تغيرينـــه ,, وبتعانيـــــــن وايـــــد .. ><

خليه هو منه لله سبحانه وتعالى ,, وكثفي دعاءج له في أوقات الاستجابـــة ولا تقنطي من رحمـــة الله فهو قريب منا ويستجيب دعواتنا

بس لا ثم لا تعاملي أهله شرات ماهو يعامل أهلج ,, الغلط مايتصلح بغلط غاليتي ,, وجي انتي قاعدة تبرهنين له ان تعامله مع أهلج صح !

عامليهم بالطيب والهدايا والكلمــــة الطيبـــة

,, ولا تبخلي على ريلج بالايمايلات الي فيها النصيحة الايجابية وبعض المسجات عن بر الوالدين وعن حسن التعامل مع الناس ,, بدون ماتطفريه مب يوميا ^_^

وربي يصلحه لج ويسخرلج ولدج ويوفقج لكل خير

**نهر الحياه** · 2010-02-19, 19:17

بالعكس اثبتي جدام ريلج وأهله انج انسانه قلبج أبيض وتسامحين

مع مرور الزمن راح يحترمج واهله بيقدرونج وبيحترمونج

ولا تمي تقولي لريلج انش قاطعه أهله ..بس حاولي ماتتكلمين بالموضوع

وخبري أهلج انه مايتكلمون مع مرور الزمن هو اللي بيعتذر من غير

محد يقوله ..لا تحاولي العلاقات هذه تأثر بينج وبين ريلج

ترى عقب راح تحسي بنكد ومب متقبلتنها كل هذا بيزيدج ضغوط وراح تنعكس همومج في ريلج

لانه تعطيه طاقة سلبيه فما راح يتقبلج لما يشوفج كله متنكده ...

مرري الامر وحاولي تثبتين لريلج انكم ناس من أعماقكم في تسامح ...

والله يوفقج

**al_daloo3aah** · 2010-02-19, 20:32

المشكله ما تستاهل تكبرينها هالكثر حبيبتي هدي نفسج و ليش تقطعين اهله و ليش تفكرين بالانفصال حبيبتي كبريها تكبر و صغريها و بتصغر عليج حبيبتي تناسي الموضوع و عيشي حياتج بدون توتر
عليج بالاستغفار و الدعاء
و دمتي بود

**ام شهد2** · 2010-02-19, 22:00

حبوبةبس تهدا النفوس والسالفة تنتسى شوي
ذكريه بصلت الرحم وانها واجبة وبالعكس لاتغيري معاملتك مع اهله
هو لما يشوفك تعملي اهله زين راح يفكر بينه وبين نفسه انه يرجع يحسن علاقته باهلك
والصراحه اهلك ماينلامو بزعلهم لان كلمته كبيرة وخصوصا انها في مقام امه لازم حاسب علا كلامه
عموما لاتتسرعي في قراراتك
وخلي الزمن يمحي الزعل بينهم بضلي بنتهم وما بستغنوعنك
حتى عمتك ماتنلام لانو ابنها كمان بس الواحد يشهد بالحق هو كمان غلطان زوجك
عموما الله يفرجها عليكي
وتحياتي

**بنوتة80** · 2010-02-19, 22:16

الله ييسر الامور ان شاء الله

**الأمينه** · 2010-02-19, 23:13

الله يسهل عليج والخوات ما قصرن في الحل

**الكـــــاذي** · 2010-02-20, 00:35

فديتج إختي .. محد معصوم عن الخطأ.. ودام إنج تحبين ريلج وهو يحبج.. هذا دليل على إنه حسن المعشر..

وجايز قال لأمج هالكلمه في لحظة غضب..

لج الحق تزعلين منه وتعاتبينه بحق بس عشان يحس بغلطته وما يكررها... بس المفروض تكونين عادله وواعيه.. وش ذنب أهله دام غنج ما شفتي منهم إلا كل خير...

والريال بشكل عام نادرا" ما يعتذر.. ويعتبر الإعتذار مذله له

بس دام ريلج إعتذر.. هذا مبادره طيبه منه...

والمفروض تكونين إنتي محضر خير.. وحلقة وصل بينح وبين ريلج..

بقول لج كيف.. قولي حق إمج إن ريلج ندمااااااااااان ومتلوم... يا إختي الكذب لإصلاح ذات البين جااااااااااااايز

ع الأقل بتطيبين خاطر إمج.. وبتسامحه

وردي قولي لريلج.. إن إمج دايمااااااا" تشوف غلا زوجج من غلا عيالها.. والدليل إنها مسامحتنه

جربي وإن شاء الله ترجع الأمور مثل أول وأحسن

بس الإنفصال.. مااااااااااااا يصير.. يعني زوجج لما كان طيب تمسكتي فيه.. ولا غلط وزل مره وحده خلاص عفتيه..

حراااااااام.. كيف يهون عليج وإنتي ستره وغطاه..

**mesho** · 2010-02-20, 02:12

خواتي شكرا على هاي الردود الحلوة والله انكم بردتو قلبي

**حنين1212** · 2010-02-20, 03:34

جي السالفه بتكككككككككككبر
عمرررررر الغلط ماا يتصلح بغلط

اصبري بني ادم نسااااي بينسوون .. شوي شوي .. هذي حاله غضب وبترووح يباله وقت وسيااسه

بس ريلج عنده عذر يزعل .. بس انتي شوو عذرج .. سووري حطيتي نفسج ف مكاان غلط و فشي ماله دااعي

لو حلتي الامور بطريقه اذكى شووي .. وحااولتي تتوددون شوي شووي... مستحيل .. يرضوون ف سااعه .. ولا ف يووم

اصبري .. وادعي الله يودد من بينهم

بس موقفج اانج تزاعلين ع اهله .. سوري" سويتي زحمه والشاارع فااضي"

**بنت الاحرار** · 2010-02-20, 04:10

انا رايي من راي اختي الكاذي اصلحي من بينهم ومع الايام بينسوون

الموضوع: تعبت واحتاجكم ضروري

أدوات الموضوع

عرض

تعبت واحتاجكم ضروري

المزيد من آخر المواضيع من نفس القسم:

المواضيع المتشابهه

بنـات طلبتكم هالمره ضروري والله خلاص تعبت تعبت

بليز مساعده ضروري عرسي قرررررب واحتاجكم !

سقطت......واحتاجكم الله لايبتليكم

انا حامل واحتاجكم بليييييييييز