ولدتي قريب؟؟ تعالي قوليلنا عن تجربتج ويومياتج ويا البيبي

[*أم اسمـــا*]

السلام عليكم ورحمة الله وبركاته..

خواتي المرابي .. شحالكم عساكم بخير؟

تجربة الحمل والولاده أكيد تجربه صعبه وفي نفس الوقت حلوة ..
وبعد ما تولدين أكيد في مشاكل كثيرة تواجهينها مع نفسج أو مع البيبي أو مع من حولج ..
طبعا من عقب الولاده كل شي في حياتج يتغير .. نظام وقتج يتغير جسمج يتغير.. نفسيتج تتغير .. واشياء وايد

تعالي انسولف وياج.. عن زينة الحياة الدنيا -الأبناء- والمشاكل اللي تواجهينها في العنايه
بهم والمشاعر اللي تعتريج في هذي الفتره (فترة النفاس أو ما بعد الولاده بشكل عام).

المزيد من آخر المواضيع من نفس القسم:

• فوائد تناول الافوكادو للمرأة
• فوائد حبة البركة السحرية للحامل
• افضل اكلات لزيادة الحليب في فترة الرضاعة
• نصائح للتغلب على اكتئاب مابعد الولادة
• طريقة التغلب على الخوف من الولادة
• افضل روتين صحي ومفيد للمرأة الحامل
• كل ما تحتاجين لمعرفته عن نقص الحديد اثناء...
• نصائح هامة ومفيده بعد الاجهاض
• اشهر علامات الحمل ببنت
• تقرير شامل عن الحمل الكيميائي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم كشة]

أنا ولدت من سنة
لكن الذكريات القاسية لهذي المرحلة لا زالت ترن في ذاكرتي

الصياح في الليل وألم النفاس وأولادي اللي أكبر في السن يحتاجون لرعاية

كنت أبكي بكا صراحة ما ارتحت إلا بعد 4 شهور من الولادة تقريبا لما اعتدل نومه وآلام الةولادة خفت شوي

صدق مشاعر مؤلمة

[صدى حنيني]

وييييي روعتوني الصراحة !!!!!!

الله يعينكم ويعينا وياكم ...

[ظبية بوظبي]

وااااااو فكره حلوه .....
:1 (80):
عشان نستفيد من خواتنا المعرسات ونعرف شو المصاعب اللي مرن بها .......

[*أم اسمـــا*]

أنا ولدت من سنة
لكن الذكريات القاسية لهذي المرحلة لا زالت ترن في ذاكرتي

الصياح في الليل وألم النفاس وأولادي اللي أكبر في السن يحتاجون لرعاية

كنت أبكي بكا صراحة ما ارتحت إلا بعد 4 شهور من الولادة تقريبا لما اعتدل نومه وآلام الةولادة خفت شوي

صدق مشاعر مؤلمة

هلا بأم كشة الغاليه
الله يعينج ..بس خبرينا اختي محد كان يساعدج؟
يعني في فترة الأربعين ما يلستي عند أهلج عشان يساعدونج؟
====
صدوي حبيبتي..
هيه صح تجربه صعبه لكن ما تروع >> ترقع
====
ظبية بوظبي حبيبتي..
فتحي عيونج وأذانج زين.. وتعلمي
[04]عشان تكون عندج خبرة في المستقبل[/04]

[*أم اسمـــا*]

عن تجربتي ويا عيالي ..
بسم الله عليهم من ربيت بمحمد وهم مثل التوأم.. فديتهم يصيحون وقت واحد.. ايّوعون وقت واحد..
من كثر ما أحتار لمنو أسير أول لأسومه ولا محمد.. أخليهم كلهم يتصايحون واصيح وياهم ههههه

[08]ومازلوا فديتهم ايصيحون[/08]

[alyazih]

[16]عقبالنا[/16]

[alyazih]

[16]عقبالنا[/16]

[alyazih]

[16]عقبالنا[/16]

[كيفي ومزاجي]

موضوع حلو صراحة بس انا بعدني ما ولدت ان شاء الله جريب بولد عاد ادعولي ربي ايسهل عليه الولادة صراحة زايغة من الولادة الله ايهونها عليه ^_* يوم بربي بخبركم شو استوى معايه


[01]الله ايعيني [/01]

[*أم اسمـــا*]

موضوع حلو صراحة بس انا بعدني ما ولدت ان شاء الله جريب بولد عاد ادعولي ربي ايسهل عليه الولادة صراحة زايغة من الولادة الله ايهونها عليه ^_* يوم بربي بخبركم شو استوى معايه


[01]الله ايعيني [/01]

الله يعينج ويسهل عليج يااارب..
بس هاه.. لا تنسين تشربين حلبه يو اييج الويع.. تراها وايد مفيده
للولاده.. والله يقومج والبيبي بالسلامه

[أم يزوي]

انا الحمدلله ربيت فبنتي الاولي فديتها يزوي هاذيج السنة شهر 11 صح كانت صياحة بس الحمدلله يلست عند اهلي اسبوع وبعدين ييت بيت ريلي الحمدلله ريلي كان متفهم وكان يساعدني ويهون علي لاني كنت متعذبة من ويع الخياطة ونفسيتي تعبانة والحين انا حامل وادعولي اقوم بالسلامة .

[عيش وملح]

مرحبا ..
تبون الصدق أنا ما أحس بالولادة بالمرة .. تعرفون ليش؟؟؟؟ ..
لأن كل ولاداتي عمليات... ها ها ها ها ..

[zoomyat]

عن نفسي بنتي عمرها الحين 9 اشهر ونص ... بس يوم ولادتها كانت سالفه ..
بس اللي يضحك فالموضوع ان اليوم اللي قبل ما ايني الطلق سايره انا وريلي نتمشى على الكورنيش وعقب سرنا السينما . عاد كان اول مره في حياتي ادش عرض الساعه 12 نص الليل .. فكان تغيير صدق ..
عاد ما استانست بالفلم لاني كنت احاتي اني بربي - كنت اتحسب الولاده مثل اللي انشوفه فالافلام والمسلسلات الم وعقب ثواني ويطلع الياهل - هههههههه
فكنت احاتي اني بربي عليهم فالفلم ..
المهم ردينا البيت .. الصبح ياني الطلق سرت المستشفى .. قالوا لي تو الناس تمي امشي .. تميت رايحه راده رايحه راده لين ما دار راسي .. دخلوني غرفه الولاده .. وربيت بالسلامه ...
وطول فتره الاربعين كنت في بيت امي .. فعشان جي ما حسيت اني تعبانه ولا شي ... كنت طول الوقت على النت من الملل وبنتي يوم اتقوم ارضعها واذا صاحت ولا شي وماعرفت اسكتها الوالده تاخذها عني .. لين ما اتعلمت شوي شوي كيف اسكتها ...
بس اكره شي يوم كنت انسى واكل شي فيه غازات ! واتم البنت اتصيح من الغازات وما اتصيح هالصياح الا نص الليل ! والكل راقد .. فاتم انا متوهقه وياها .. مرات كنت اصيح وياها وانا شالتنها واقولها ماما خلاص حبيبتي بسج صياح ذبحتي عمرج ... واصيح وياها .. ههههه اسميه فلم هندي كان ..
بس الصراحه ايام حلوة كانت

فلا تحاتين لانج يوم بتتذكرين هالايام بتمين تضحكين على الحركات اللي اتسوينها ...

[أم يزوي]

خواتي حبيت اسئلكم عن الجدول الصيني الي يبين ولد ولا بنت . يعني كاتبين فيه العلاقة بين عمر الحرمة والشهر اللي استوى اخصاب عندها وشو بتيب ولد والا بنت ؟ فاللي جربته او تعرف عن اي معلومات تفيدنا وهل صح هالشي والا لا.
وخاصة انه يقولون صحته 99% وانا جربته يوم بنتي يزوي وطلع صح يبت بنت.والله العالم مع هذا انا مش مقتنعة فيه لانه ما في شي يوضح علاقة العمر بشهر الاخصاب وشو خص هذا فهذا؟ واللي عندها شي تفيدنا يزاها الله خير.:22 (4):