اختي وريلها

[قمرميمي]

السالفة ومافيها انه اختي متزوجة الحين من 10 سنوات وريلها الصراحة
خوان من الدرجة الاولى اول سنة كان اوكي معاها بس من بعدها صار يتعرف على بنات
ويطلع معاهن ويكلمهن وهي كل مرة تواجهه ويقول خلاص اخر مرة ويعيدها دخلنا الكبار فالعايلة بعد 5 مرة تكشفه فيها بس بعد مافي فايدة لحد ما اطور الامر وصار يطلع معاهن
ويزني معاهن لحد يقولي يمكن تظلمه بالعكس سيارته ما تخلى من الكوندم او الواقي الرجالي غير المنشطات الجنسية هي الصراحة خايفة على عمرها عن يبليها فيوم بشي
من هالامراض الي نسمع عنهن لان الحبيب شكله يبي يجرب كل الجنسيات لان خذنا ارقامهن
وعطيناهن حق واحد من الاهل يشتغل فالمباحث وطلعلنا اسمائهن و جنسياتهن طبعاً انا ماراح اذكر من اي بلد بالضبط بس بعضهن خليجيات و بعضهن اسيويات وبعضهن وافدات
و الحين من اسبوع تقريباً اكتشفت انه متعرف على وافدة و الحبيب كاتب عليها اسم ريال فتلفونه و الله امس كسرت خاطري اتصلتلي تصيح تقولي خلاص مب قادرة استحمل اكثر
يكلمها بالساعات و انا يوم يدخل علي البيت ماينطق معاي بكلمة وحدة
غير جي هو مدمن على الافلام الاباحية بشكل مب طبيعي
وهي مب مقصرة معاه بشي اول ما اتزوجوا ما كان يشتغل وياخذ مصروف من امه ومع ذالك عمرها ما اشتكت غير جي كان يطلع مع ربعه بعد ما اشتغل ويصرف كل راتبه على هالخرابيط
وتضطر اخر الشهر تبيع من ذهبها علشان تقدر تصرف على البيت و على عيالها لانها ما تحب
تاخذ من عند احد فلوس حتى لو كان الوالد
وهي ماشاء الله عليها قمة فالجمال وربي الي يشوفها يقول شامية من حلاتها حتى هو يعترف انه يغار من كثر ما الناس يمدحون جمالها قدامه كل ما يطلع معاها لازم يوقفونهم البنات الي يشتغلن فالمحلات ويقعدن يمدحنها قدامه
وهي ماشاء الله عليها عندها 3 عيال ومع ذالك محافظة على جسمها ابد مو بين عليها انه عندها عيال
وما مخليه عليه قاصر سواء فبيته و لا فيه و لا فعياله ودايم تقعد معاه وتسأله شو فخاطره
وتسويله اياه
اعرف طولت عليكم بس شو اسوي ما عندي ام و لا احد اسألة وما اعرف شو انصحها تسوي لاني اصغر منها
شو تسوي معاه اكثر لانها حاطه فبالها خلاص هاذي اخر مرة تتكلم معاه و المرة الياية الكلام راح يكون فالمحكمة لانها تقول حرام يضيع عمري مع واحد كل همه سعادته وراحته هو بس

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[استندرا]

غناتي انا اشووف انها تحملت بصراحة وااايد ~
واكيد عشان عيالها ~
بس الريال لازم ترصينه~لازم يحس انه وراها رياييل ~
حتى لو تحبه بالعكس هالشي لصالحها~مرض ولوث وبلاوي~
حرام والله يسوي بها جيه ~دايما الريال يوم يشوف الحرمة ساكتة يركب ع راسها~
مفرووض تييبه جدام اهلها وترمس واذا مايبى برايه خله يحترق قلبه عليها ~
تبتعد عنه كم يوم عسب يحس بقيمتها ~
الله يعينها انشالله ويسر امورها~}}

[fullasami]

والله ما عرف شو انصحج بس الله يعينها

[uae334]

شو تتريا يعني؟؟

يموت ولا ينتحر ولا ييبلها الايدز؟؟

والله ناس مادري كيف يفكروون

كل هاا ويالسه عنده؟؟

لازم يطردها ولا يقتلها عسب تتركه؟؟


الله يعينها

[انثى بس غير]

حليلها

ربي يصبرها ويعينها ويهدي ريلها ان شاء الله

حسبي الله ونعم الوكيل

[ام غريبه]

الصرااحه ..حالتها صعبه 10 سنين متحملتنه..و دخلوا الكباار في الموضوع ..

و الرياال ما تااب.. عنده الحلال و يدور الحراام ...

الله يعينها ..

خليها تستخير ربها ...

و ربي يستر عليها ..و يحفظ لها العياال

[بشبشه]

مايستاهل دمعه من عينها
ليش هيه لازم تفكر وتصيح وتتضايق وتشييل هم العيال وهوووه ولاعلى باله

[*مخآوية شمآ*]

الله يعينها على بلواهــاآ .. لو تدخل أي حد ولو تجكه ولو ولو ولو......إلخ ,.. كله ماينفع ولا بيرد عن الخراااااب إلا من نفسه يوم بيحس وبيستوعب أن اللي قاعد يسويـه حرآم .. ماشي غير تدعيله بالهدايـه ..

[نبضة أمل]

الله يعينها...واضح جداً أنها عاقلة..وطبعاً 10 سنوات أصبر على واحد يفعل منكر ولا يخاف الله

وصابرة كل هالصبر..أشوف أنها تصلي الاستخارة وتشاور أهل الاختصاص هل تصبر زيادة

على أمل اصلاحه..أم تفارقه لأن حضرته يمارس كبيرة من الكبائر وهو الزنا بالرغم أنه محصن

والله يعينها ويفرج همها..وأكرر هى عاقله بتعرف شوه تبغي بالضبط

[صفوويه]

الله يكون فعونها

والله الي من حالتهاا ماينسكت عنهااا .. لازم تحلون مشكلتها بسرررررررررررعه هذي اختكم وانتوا ملزومين فيها تشووفون لها صرفه ويااه لانه الموضوع كبييييييييييييييييييييييير وفيه امرااض مالها علااج عافاناا الله

[دانة الغراشيب]

الصراحه هذا حرااااااااااااااااااااااااااام تعيش معاه والبعد عنه احسن لانها تحملت وااااااااااااااااااااايد ومادري شو تتريا اكثر من جي هذا لووووووووث وحرام تضيع نفسها معاه ما تدرين اصلا هو الحين صاحي من الامراض او لا اصلا،انا عن نفسي انصحها تطلب الطلاق وتاخذ حقوقها من المحكمه كاملة ولا تكلف نفسها فالتفكييير فيه لانه مايستاهل لانه هذا مايعرف ربه ولا يخاف منه فكيف تبغيه يفكر فيها خليها تصلي استخاره وتاخذ حقها منه.

[أم شماني]

الله يعينها ان شاء الله ويصلحلها ان شاء الله ريلها ويسر امورها عاجلا غير اجل ..............اللهم امين

[بربرينه]

أختي أحس البعد عن هالريال غنيمه الصراحه حراااااااااام عليه والله كل حياته حرام بحرام وعنده الحلال في بيته أعوذ بالله من أمثاله خلها تكثر من الأستغفار

[قمرميمي]

الله يكون فعونها

والله الي من حالتهاا ماينسكت عنهااا .. لازم تحلون مشكلتها بسرررررررررررعه هذي اختكم وانتوا ملزومين فيها تشووفون لها صرفه ويااه لانه الموضوع كبييييييييييييييييييييييير وفيه امرااض مالها علااج عافاناا الله

شو نسوي اختي احنا بنات ماعندنا خوان و الله يخليلنا الوالد و خوالي ادخلوا فالموضوع
بس هو مب صاحي الصراحة ينطبق عليه المثل الي يقول فوق شينة قوات عينه
لما كلموه الاهل قال تخوني قالوله لو هي تخونك ماخليتها دقيقه وحدة على ذمتك

[Banoota_AD]

والله انا مااادري كيف الحريم الي ريايلهم يخونونهم يصبرن !!
بنقول لو بس بالتلفوون ؟ يزني ؟ شو هالمصاخه
والله ها يباله خيزرانه تصبحبه وتمسيبه ليين ما يقوول التوووبه !!!
وهي ماتخاف ايبلها امرااض ؟؟ الصرااحه ماعرف شو اقووول بس احس اني مقهوور ؟

عندي نصيحه الها خليها تعيش حياااتها وتهتم في عمرها وماتفكر فيه وتفكر براحتها خليها تهتم بعيالها وتربيهم تربية صالحة وتخليه يولي ! وانتي طلعيها شوي من الظيج الي هي فيه .. اطلعي وياها ولا ويا ربعها خليها تشترك في ناادي رياضي وتنسااه ! لين مايتندم .. ولو ندم مب تركظله ! لااااا ! المفروووض تعلمه الادب شوي

والله انا ماادري الرياييل شو يااهم والله انهم تخبلو !
الله يغربل هالبنااات الي مب مخلين الرياييل في حالهم
بس انا مالوم البنااات بس لاااا ! اللووووم ريلها الي ساير هالبنات ..

والسموووحه ادري طولت بس فيني حره على هالرياييل الي ماعرف شو ياهم !
وين رياييل قبل والله ...