الغرفه صغيره.....شوه الحل؟؟

**ام سراء** · 2010-02-15, 20:12

السلام عليكم

اختي عيشه مع زوجه في غرفه وحمام في بيت اهل زوجه
لمشكله انه بتوالد قريب بس مش عارف كيف اراتب غراض البيبي
مع اغراضه ....ابغي حل عشان اساعدها

المزيد من آخر المواضيع من نفس القسم:

**صممتي** · 2010-02-16, 09:53

السلام عليكم

الحال من بعضه بليز حد يفيدنا ويعطينا اقتراحاتات ومع صور اذا ممكن

**مغروره بحسنها** · 2010-02-16, 16:43

الله يفرج خمكن انشاء الله
توجد في اسواق السفيرادراج بلاستيكيه فوق بعضهن بعد اشكال حلوه وطفوليه
تقدرين اتحطين فيها الكريمات والادويه والحفاظات وكل اغراض البيبي
وبعد ممكن تكفي للملابس
ياريت لو عندي صور .... بس بتحصلينه في السفير

**سفيرة الفقراء** · 2010-02-16, 16:54

نفس المشكلة بس سويت ف بيتي عدة اشياء ..

صبغي الغرفة لون فاتح مثل اخضر مزرق فاتح جدا او ابيض حليبي ..

حاولي تشياي الصور ال ع اليدار لو وجد والاكسسوارات ال مالها لازمة لانها تعطي انطباع بضيق المكان كل ما زادت ..

حطي التلفزيون والريسيفر ع اليدار افضل

بالنسبة لاغراض البيبي بتكون ف الكبت ولا تشتريله كبت خاص حاولي لو الكبت جاهز وياي بدون رفوف او رف واحد نادي النجار يحط لج فيه رفوف وحتى الكبتات الثانية حطي فيها رفوف عسب تزيد مساحة خزن الاشياء

هاتي للبيبي سرير صغير وسرير ع شكل دوشك صغير عسب لو نام معاج يكون هالسرير بمثابة فاصل ينبهج لا سمح الله لو لو نمتي عنه ما تاذيه ..

الحمام اشتري خزنة صغيرة او رفوف الزوايا وعلاقات للفوط وحطيها ف الحمام ..

حاولي من الحين تجمعي الاغراض الغير ضرورية وال ما رح تستعمليها من ملابس او اي شي ماله لازمة ف الدروج عسب تسوي مساحة الخ ..

وهذا انا سويته ف بيتي كل ما احصل شي ماله لازمة ارميه عسب ما تتراكم وتقل المساحة ..اتمنى اكون افدتج

**عيوون احمد.!** · 2010-02-16, 16:56

ربي يوفقكن ويرزقكن الذريه الصـــآلحه..

**ورده الربيع11** · 2010-02-16, 19:03

انا بعد نفسج واشكر الاخت سفيره الفقرا على افكاره

**ام شوق وعزوز** · 2010-02-16, 19:09

للللللللللللللللرفع

**أم اسوم** · 2010-02-16, 19:28

لما انولدت بنتي الله يحفظها حطيت اغراضها في كبتي وكان مبعثره في كل مكان
وايد كنت متلعوزه ..وكنت دوم احن على زوجي ان يشتري كبت لها ويقول مافي مكان

بس اااااااااخر شي اشتر واخيرا وسويت له مكان بالغصب والحين انا مرتاحة وحجرتي الصراحة مرررتبة
وان شاء الله دوووووووم مب يوم

وانتي سوي عند النجار كبت يناسب حجرتج وبس.

**نونه الحبوبه** · 2010-02-17, 17:23

خصصي زاويه حق السرير ويبي النجار يسوي لج الدولاب والكبت دور ماداير السرير واشتري السرير اللي فيه ادراج من تحت

**سويت هارد** · 2010-02-22, 15:46

عليج بايكيا عندهم افكار حلوه

**ام سالم** · 2010-02-27, 23:33

الله يعينكم الصراحه
ويوسع عليكم ان شاءالله

ويسهل عليج ولادة اختج وكل حامل اللهم آمين

**كيم كارداشيان** · 2010-03-01, 13:26

أنا غرفتي ضيجة قياسا لأغراضي .. بس عندي افكار

الصبغ يكون فاتح ..

علقي مرايا كبيييييرة على الجدار .. بتعطي انطباع ان الغرفة واسعة

حطي سرير ( كوين سايز ) موب كنج .. ايي اصغر بــ 30 سم عن الكنغ ..

اختاري سرير مرتفع علشان تستغلين المكان تحته .. أو اختاري اللي فيه كبت تحت السرير

استعملي اكياس الضغط حطي فيها الشراشف والبطانيات والثاياب اللي ما تستعملينهم وحطيهم فوق الكبت

حطي الثلاجة وكبت النعول برا الغرفة واقفلي الثلاجة طبعا

اشتري دروج بتواير ( تلاقينهم في دايسو والسوق الايراني ) حطيهم تحت السرير علشان الاغراض

لا تشترين اغراض واااايد .. حددي 12 لبس في الشهر كديهم وعقب طلعي غيرهم ) حطي ملابسج بشنطة فوق الكبت ) ..

لا تكثرين من القباضات والاكسسوارات .. استعملي اللي عندج لين يخربووون .. وعقب اشتري غيرهم .. والافضل تطلعين لج كمن قطعة من يخربون تطلعين غيرهم

استعملي علاقات للسلاسل والاكسسوارات علشان ما يعتفسون ف الادراج وعلشان تكسبين المساحة

استعملي مقسمات ادراج علشان تكسبين المساحات

حاولي تحطين الاغراض اللي ما بتستعملينهم في شنط أو كياس وتقفلينهم وتنزلينهم الاستووور .. ويوم تحتاجينهم ترجعين تطلعينهم

هاللي تذكرته

**كيم كارداشيان** · 2010-03-01, 13:29

صح ممكن تفصلين كبت باللي يناسبج عند النجار على كبر الطوفة .. وتخلينه مرايا من برع كااامل بيعطيج لوك واااسع للغرفة وبتحطين فيه اغراضج

مثل ما قلت لج استغلي الجدرات للتخزين .. استعملي الارفف وايد بتخفف عليج ضيق المساحة

**miss_layali** · 2010-03-01, 21:50

لاتكثرين الاغرااض بالغرفه لانه بيكون وياج بيبي

ااخذي كبت بلاستيكي بتلاقينه في كل مكان والارخص في هدياا العين
وحطيه بالكبت داخل مب برااا بيخرب شكله الغرفه لانهاا اصلاا مب غرفة اطفاال

وشتري سرير << منز << الياهل يكون من لوون سريرج عشان التناسق

اجلي احلام غرفة البيبي البنك والاخضر وهسوالف لين تسوين غرفه خااصه لليهال بس مب غرفة نومج انتي حرام بتستوي دفاشه عقب

وعشان اختصاار الاماكن استغلي الكبت من داااخل سوي كله نظام بكسات وعلاقات مختصره وكباته بلاستيك عشان يضم
وشتري بكسات تخشينهن تحت السرير للاشاء الي ماتستعملينهم اصلااا الي بالمواسم

استغلي الكبت من فووق ببكسات شكلهن حلوو باغرااض مب مستعمله بعد

وحاولي سوين تلفزون معلق مب تحت بمكتبه عشان ضيق المساحه
لاتختارين الالوان الغامقه ابداا بحجرتج

وعشان تغيرين من نفسيتج كل فتره وفتره
غيري الشرشف اسبوعيااا اشتري شراشف الكفرات اسهل بتخزين ونظف
وان شاء الله بيوسع عليج

ولله يوفقج

الموضوع: الغرفه صغيره.....شوه الحل؟؟

أدوات الموضوع

عرض

الغرفه صغيره.....شوه الحل؟؟

المزيد من آخر المواضيع من نفس القسم:

المواضيع المتشابهه

ألبويضه صغيره..شو الحل؟؟

سيقان منقطه بقع صغيره غامقه وشعر تحت الجلد؟؟؟ الحل

عطور صغيره 00عطور صغيره00عطور صغيره**بسعر حلو

مساعده صغيييييييييييييييييييييييره صغيره صغيره