آخر أعمالي في الخياطة ... تفضلوا في مشغلي المتواضع..

**om khalifa** · 2010-02-15, 12:48

السلام عليكم ورحمة الله وبركاته

بحطلكم اليوم بعض أعمالي الي سويتها في الفترة الأخيرة .... طبعا كنت مقصرة وياكم من فترة عسب إمتحانات العيال وبعدها الإجازة .... وخلصت قبل شهر دورة إضافية للخياطة فصلنا فيها العباة والبطلون والفستان.
وهذي صور بعض الأشياء الي فصلتها حق بتني في الإجازة

هذي التنورة أستخدمت فيها ثلاث أشكال من الأقمشة مع شريط زجزاج والبترون من تصميمي وعبارة عن أربع طبقات.

وهذا بنطلون قطعته كورديوري ناعم

هذي التنورة بطريقة الترقيع (quilt)

وهذي تنورة من قماش الكورديوري مع شريط تطريز من الأسفل

هذي مكينتي القديمة

وهذي إختها الكبيرة مع مميزات أكثر (خمسين غرزة تطريز-عمل فتحة الأزرار بكبسة واحدة- إدخال الخيط في الأبرة بيد مساعدة - ومكان عشان تركبين بكرة إضافيةإذا بغيتي تستخدمين الأبرة براسين عشان البن تك) طبعا خذت معاها دواسات لتركيب السحاب المخفي وتركيب شريط الساتان وعمل البن تك ...الشسفات الصغيرة إلي يسونها على القمصان وفساتين الأطفال)
خذتها من مؤسسة الفرج في بردبي ب 1200 درهم.... والدواسات شي ب 15 وشي ب 25 .

مكينة التنظيف لعمل تنظيفة للخياطة من الداخل للملابس والعبايات وتعيش معاج القطعة لفترة أطول بدون ما تتنسل الخيوط (تقدرين تستغنين عنها بعمل غرزة الزجزاج بالمكينة العادية وقص الزيادة)

هذي المكتبة فيها أدواتي للأعمال اليدوية (سبريهات , ألوان , فلين , شرايط)

مكتبة ألأقمشة ....

سلة الدانتيلات

طاولة صغرونة للكوي

وإنشاء الله بحطلكم أعمالي القادمة .... أشوفكم على خير

المزيد من آخر المواضيع من نفس القسم:

**ماي العين** · 2010-02-15, 12:53

ماشاء الله عليج

التنانير واااايد حلوه

الله يوفقج,,,,

**شنيوبة** · 2010-02-15, 12:54

ما شالله عليج...

شغلج روعة....

**أم اسوم** · 2010-02-15, 13:16

احب الاشغال اليدوية
واتمنى اتي اتعلمه
ماشاء الله عليج شغل ممتاز

**الشرية** · 2010-02-15, 13:20

ماشاء الله تبارك الرحمن

**--أم سيف--** · 2010-02-15, 13:47

ما شاء الله تبارك الله

روووووووووووعه التنانير

حطيلنا الباترونات

**مندرين** · 2010-02-15, 13:59

ما شاء الله رووووعة وين خذتي الدورة

**برد الشتاء** · 2010-02-15, 16:19

ما شالله تبارك الرحمن

شغلج روعة....

***شموسه دبي*** · 2010-02-15, 17:06

روووووووووووووووووووووعه

**الريـم2009** · 2010-02-15, 17:08

روووووووووووووووعه ماشالله عليج

**دبيّه** · 2010-02-15, 17:23

ماشاء الله لاقوة الا بالله..

الصراحه شغلج حلو ونظيف..ومشغلج بعد حلو..

انزين ما تبيني مساعده وياج؟؟ ههههههه

خاطري اخيط ,,عيبتني التنوره المرقعه, والتنوره أم الطبقات,,لو سمحتي نزلي

الباترون , بحاول اسوي نفسها لبنتي..

**ثلوج الصيف** · 2010-02-15, 18:22

ما شاء الله ... تبــارك الرحمن
يعطيــج ربي ألف عافيــــه
وتســـلم الأيادي

**سهاري2009** · 2010-02-15, 18:52

ماشا الله شو رايج اختي تعطينا دوره بتفصيل البنطلون ..... بصراحه ماعليج كلام ..

**om khalifa** · 2010-02-15, 19:01

تسلمن خواتي على ردودكن .... بالنسبة للدورة خذتها في مركز التنمية الأسرية في العين ... أما باترونات ملابس الأطفال فتعلمتها من النت ..... البنطلون طبقت نفس مبدأ البترون الي سويته حقي لبنتي فضبط .... وإنشاء الله بنزل البترونات في مواضيعي الياية.

**كميلا** · 2010-02-15, 19:55

ماشاء الله عليج ياالمبدعه

الموضوع: آخر أعمالي في الخياطة ... تفضلوا في مشغلي المتواضع..

أدوات الموضوع

عرض

آخر أعمالي في الخياطة ... تفضلوا في مشغلي المتواضع..

المزيد من آخر المواضيع من نفس القسم:

المواضيع المتشابهه

أعمالي الأخيرة في الخياطة ... ومع المجلة اليابانية .... حياكم..

&&&عبـــــأيات جاهزة للبيع من مشغلي &&&&

تصفيه على عبي A&D من مشغلي حياكم

::: صور لبعض آخر أعمالي في تغليفات الهدايا باللون الفوشي (تفضلوا):::

بيتى المتواضع .............................تفضلوا