الخادمه بالسفر

[ام بدوري]

بما اني مو من مؤيدين الخادمه بالسفر لكن الظروف واحكامها:13 (29): عندي طفل عمره سنه واخوانه 8و6 سنوات الله يحفظهم وناويه اروح المانيا 3 اسابيع وبصراحه مااقدر اخليه الصغير قلبي يعورني:1 (25): ونفس الوقت نفسى اسافر العام بس دبي 4 ايام مع الصغير ......... ياريت يا بنات تعطوني رايكم وتجاربكم مع الخدم بالسفر والسلبيات والايجابيات ولكم الف شكر

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

[البسمه المشرقه]

اممممممممم
الصراحه يالغاليه وبرايي انا
لو كنت بمكانج ماباخذ الشغاله وياي
بعتمد على نفسي وابوهم مابيقصر وياي انشاءالله
لانه ابوهم مثل ما انا امهم

وثانيا وين ماتسيرين اتحسينها لاصقه فيج الشغاله كفايه بالبيت
بعد برع البلاد
حلات السفره ويا ريلج وعيالج
هذا رايي انا وبالنسبه لتفكيري احب اكون انا وريلي وعيالي
وبالنسبه الج عيالج الاثنين كبار فديت روحهم
عليج من الصغير مايبا الا اكله وبامبرز عزج الله وبيرقد
دام الياهل ماكل ومبدل حفاظته بيسكت وبيكون هادي
وسلامتج

بسومه

[ام بدوري]

مشكوره بسومه كل الي جرب السفر مع هالعمر تاذو وماستانسو ..........وكلامج كله عدل حتى حسافه تذكرتها فيها جنطه ماركه((: محتاره بالنسبه للاب برود

[just lolita]

أختي في الله الأطفال هم أحباب الله لا أذية ولا شي .. الله يحفظهم لج قولي آمين الباجين كبار يعني يرومون يسعادونج في بعض الأشياء .. وأنا أوافق الأخت بسومة كفاية في البيت لزجة بعد برع .. بالعكس خذيها فترة راحة وإستمتعوا وعودي إعيالج الإعتماد على النفس وعلى الأب إذا قلتي برود في ريايل بروحهم يحبون يساعدون وفي لا مب معناته إنه مايحبون بس كل شي على حسب التعود والأم دائماً سبحان الله هي من قلبها تسوي كل شي وإن شاءالله سفرة موفقة

الله يحفظكم ويحفظنا جميعاً اللهم صلي على حبيبك وحبيبنا محمد وعلى آله وأزواجه وصحبه الطاهرين ومن والاه وتبعه حسان إلى يوم الدين

[ميرانا]

أختي في الله الأطفال هم أحباب الله لا أذية ولا شي .. الله يحفظهم لج قولي آمين الباجين كبار يعني يرومون يسعادونج في بعض الأشياء .. وأنا أوافق الأخت بسومة كفاية في البيت لزجة بعد برع .. بالعكس خذيها فترة راحة وإستمتعوا وعودي إعيالج الإعتماد على النفس وعلى الأب إذا قلتي برود في ريايل بروحهم يحبون يساعدون وفي لا مب معناته إنه مايحبون بس كل شي على حسب التعود والأم دائماً سبحان الله هي من قلبها تسوي كل شي وإن شاءالله سفرة موفقة

الله يحفظكم ويحفظنا جميعاً اللهم صلي على حبيبك وحبيبنا محمد وعلى آله وأزواجه وصحبه الطاهرين ومن والاه وتبعه حسان إلى يوم الدين

:1 (32): :1 (32): :1 (32): :1 (32): :1 (32):

[اناناسة]

اممممممممم
الصراحه يالغاليه وبرايي انا
لو كنت بمكانج ماباخذ الشغاله وياي
بعتمد على نفسي وابوهم مابيقصر وياي انشاءالله
لانه ابوهم مثل ما انا امهم

وثانيا وين ماتسيرين اتحسينها لاصقه فيج الشغاله كفايه بالبيت
بعد برع البلاد
حلات السفره ويا ريلج وعيالج
هذا رايي انا وبالنسبه لتفكيري احب اكون انا وريلي وعيالي
وبالنسبه الج عيالج الاثنين كبار فديت روحهم
عليج من الصغير مايبا الا اكله وبامبرز عزج الله وبيرقد
دام الياهل ماكل ومبدل حفاظته بيسكت وبيكون هادي
وسلامتج

بسومه

:1 (32): :1 (32): :1 (32): :1 (32):

[زهور ملونه]

هلا والله اختي برأي ما تاخذين الشغاله انا دوم اسافر واعيالي اصغر بوايد من اعيالج بالعكس ما اتبهدل وياهم الحمد الله والله يطول بعمر ابوا العيال ما يقصر وياي في اي شئ ارتب الاشياء الي اباها اول باول ، صديقتي ماخذه وياها شغالاتها الهنتين بلجيكا وليومج ما شافتهم العين شردوا عنها

والسموحه

[ريحانة الجنه]

حبيبتي افضل انج ما تاخذين البشكاره وياج وعيالج فديتهم بيحسون ابراحه يوم يكونون ويا امهم وبوهم لا تحرمينهم من السعاده ونتي بتكونين مطمنه ومرتاحه نفسيا يوم بتشوفين عيالج حولج الله يحفظهم انشالله

[سمــ الرياض ـاء]

هلا خيتو

انا بعد اقولك لاتاخذينها بتطفشك وماتاخذين راحتك وخلي العيال الكبار يساعدونك

هذا اذا ما انحاشت منك اهناك عاد هم يدورونها من الله

ورحلة موفقة بمشيئة الله

[القصواء]

أختي الفاضله...
لاأؤيد أخذ الخادمه في السفر وبشده ..
1-خسارة التذكره عليها ...
2-إحتمال هروب الخادمه خاصة إذا سافرت بها إلى دوله أوربيه..
3-مابتاخذين راحتج مع عيالج وأبوعيالج..
ولاتتركين عيالج وتسافرين لأني جربت هالشي..الصراحه ماستانست ولا ريحت زوجي دايما أفكر بعيالي وكل شوي أتصل أتطمن عليهم...ياحلاة حشرتهم وشقاوتهم ولا إني أسافر بدونهم...

[ام بدوري]

مشكوريييييييين على الرد ماقصرتو وشوف شالله يكتب ........ انا ودي اخذ راحتي ويا بو العيال اذا اليهال ويانا والصغير عيونا كله عليهم يعني ماكو سالفه الا قوم جيبه ولشوفهم وين راحو مادرييي ولشرايكم على الاقل الخادمه تركض وراهم وانا قاعده ويا المعزب اشرب قهوه (((: على راحتنا وهما حوالينا

[إمارات]

والله يا أختي أنا رأيي أنك تاخذيها معاك.. أنت رايحة تتفسحي وتستانسي مو رايحة تركضي ورا عيالك ولا تخدمي وتشتغلي سوا بالبيت أو بره... وبعدين أنت على كل الأحوال ما رح تاخذي راحتك لأنه عيالك معاك وهم كبار ما شالله فما فرقت عالخدامة!!! أنا جربت السفر مع خدامة وبدون ووجدت فرق كبير وراحة أكبر مع الخادمة بس للأمانة كانت السفرات كلها مع أهلي مو مع زوجي

بس رأيي تاخذيها أريحلك والله .. ولو سافرتي وما أخذنيها تذكريني وقولي أم يوسف قالت هههههههه الله يختارلك الخير أختي

[ام بدوري]

مشكوره ام يوسف كلامج يريح وبعدين الخادمه راح تكون بغرفه بروحها بالفندق بعيده عني وعن بو العيال (;

[Um_TnToN]

مرحبا ,,,,
أنا عن نفسي أقول كل وحده و كيف تتعامل مع اليهال ....أنا أسافر في السنه أكثر من 4 مرات و عيالي من عمرهم 6 شهور آخذهم وياي بدون خدامه والله أحس إنه الأم تتقرب من عيالها أكثر و أكثر ... حتى الريل بيساعدج و بيحس بالفرق .... العلاقه بتتقرب بين الحرمه و ريلها و عيالها ... عن تجربه

[maitha2007]

بالنسبه لي سافرت مره سانغفورة وخذيت الخدامه معاي لانه ولدي كان اربع شهور كنت اطلع مع ريلي واخلي البيبي مع الشغاله في الفندق لانه كنت اخاف عليه من الجو هناك والتعب عليه كان ما يرضع مني وكان وايد متعلق بالشغاله اكثر عني وهي اللي يشوفها اقصد الشغاله يقول كانه هي امه من كثر ما هي متعلقه فيه وتحبه وتقرا عليه حتى انها كانت ما تعطيني اشله اول الايام تقول لي انتي ما تعرفين شي بعدج وكنت اغار منها وايد لين ما كمل ولدي سنتين وهو يحبها اكثر عني سفرتها لهذا السبب والحمدلله ولدي الحين تعلق فيني ونساها .........؟