مآ حصلت عنوآن . . . !

**x memo x** · 2010-02-10, 21:38

بسم الله الرحمن الرحيم

السلآم عليكم و رحمة الله و بركآته . . .

شحـآلكن الغآليات . . . ! !

بخبركم عن شي غريب و كنت اعتبره عبيط . . .

السـالفه و مافيها انه ريلي . . . يحب يلعب لعبه غريبه . . .الآ و هي . . .

اننا نبحلق فـ بعض . . . و اللي ترمش عيونه يكون خسرآن

يعني يطالعني و اطالعه و اللي ترمش عيونه يخسر . . .

مره مليت من هاللعبه و قلتله ليش تلعبها من الاساس . . .

قال انا بس ادرب عيوني . . .

قال : للنظره الشرعيه . . . !

انا استغربت و احترقت قلت يمكن بيعرس . . .

قال و بكل برود : يوم اكون فالسوق و و اشوف بنات تكون النظره الاولى حلآل . . . و انا ادرب عيوني عشان اتم مبحلق و اشوفها زين و ما يكون عليه اثم > > > شو هالتفكير . . . !

و قال انه معظم الشباب تفكيرهم جي . . . > > بس ما اظن مسوين عسكريه و كل يوم يتدربون على التبحليق . . .!

ريلي مب مال طلعات و سناتر بس رمسته قهرتني لآني شفت رياييل و ياكثرهم اللي يبحلقون و ماترمش عيونهم . . . ياترى هل هذا مبدأهم . . . !

المهم انا سكتت و عصبت و ما ابديت ردة فعل . . .

لآني انقهر من تفسير الرياييل للدين غلط . . . !

يعني اذا ما عطيته اللي يباه يقول تلعنج الملآئكه و ما يقدر اذا انا تعبانه ولآ غيره . . .
دايما يقول بتزوج و ما يعرف انه للزواج الثاني شروط يعني يكون مقتدر و قادر على العدل و فتح بيوت ثانيه . . . لا و القهر يقول انه بياخذ من مصر و محدد السفره متى . . .

دآيما يقول اني لازم اطيعه لآنه هو اللي بيدخلني الجنه بس ما يحترمني يعني ما يهتم تضايقت زعلت ولا اذا كنت مريضه ولا ولهانه على اهلي و ابا اشوفهم . . . كله عنده ممنوع . . . بس المهم الطاعه التامه بدون مناقشه . .

يعني ماخذ الاحكام الاسلاميه اللي تريحه و مايعرف شو حقوق الزوجه . . .

المهم انا مب في صدد البحث عن حل للمطبات اللتي تواجهني في حياتي . . . و لكني ابحث عن طريقه اصحح فيها مفهوم الدين و الايات و الاحاديث للي يفسرها بطريقه غلط او انه يفسرها بالطريقه اللي تريحه . . .

يعني ياليت لو وحده تعرف كتب دينيه حلوه و ممتعه و سهله تبين حقوق الزوجه او فكرة هديه دينيه حلوه ممكن اهديها له . . .

و مشكوورين مقدمآ . . .

المزيد من آخر المواضيع من نفس القسم:

**دلوعه فزاع** · 2010-02-10, 21:41

هههههههههه عادي حبوبه نحن نلعبها للحين ويمكن يتمصخر عليج او حد يلعب معاه جذي ف الدوام بس ما اتوقع للنظره الشرعيه لانه مايخصه نحن نبحلق ف بعض واللي ادمع عيونه او ترمش يكون خسران بالنسبه للموضوع الثاني يفكريتزوج ليش وشو عرفه انه الوافده اللي برع البلاد مالها ماضي يعني لو كانت ف البلاد يمكن يسأل عنها وعن اخلاقها بس لو كانت من الخارج منو يسال ومب بس ريلج وايد حريم يعانون من تفكير ازواجهم جذي والله يسخر لج ريلج عليج بالاذكار والاستغفار حبيبتي

**alasi** · 2010-02-10, 21:48

هههههههههههههههههههه... أما عندج زوجج تحفة(لا تزعلين الغالية اتغشمر)... يمكن يحب يغلس عليج الغالية...بالنسبة للكتب الدينية ما عندي فكرة...إن شاء الله البنات يفيدنج....سيري المكتبة و دوري و إلا عندج النت و في برامج دينية مفيدة للزوجين

**رفيقة القرآن.** · 2010-02-10, 21:48

الله يهديه

شي شرايط اسلاميه // خذي كذا شريط بـهالخصوص وشرايط اسلاميه واعطيه الشرايط كـ هديه

خليه يسمعها بالسياره او بالوقت اللي يكون فاضي فيه

بعطيج اسامي شيوخ ألقائهم للمحاظرات رائع جدا

الشيخ حازم ابو اسماعيل
الشيخ عبد المحسن الاحمد ( القاءه مؤثر جدا)
الشيخ محمود المصري
الشيخ نبيل العوضي

وبصلاتج ادعيله بـهالدايه // واشكي حالج لربج وربج قريب سميع مجيب الدعاء

**hiba_003** · 2010-02-10, 21:52

الله يهديه

**bellegirl** · 2010-02-10, 22:25

لا حول ولا قوة إلأ بالله

أول شي قولــج ماشاء الله عليج ,, رزقك الله بشي من أفضل الخصال ,, صبورة ^_^

ربي يثبتج على هذا المنوال ,, وان شاء الله أجرج محفوظ عند رب العالميــــن

اختي الغالية ^_^ ,, ريلج شكله من النوع الي يستانس بحرق أعصاب الغير سبحان الله !!

صدقيني اذا صدق كان يبغى يعرس مابيخبرج ههههه ,, جي طبيعة الرياييل ,, هو بس يدور يشوف غيرتج ,, ويشوفج تعانين علشانــه !

وأكبر دليل عن هذا الشي تفسيره لديننا العظيم بالي يتماشى مع هواه !

فأنصحــج اختي الغالية بالدعاء له ربي يهديه ويصلح من حاله في ساعات الاستجابة وفي قيام الليل ^_^

صدقيي كل ماتقربتي من الله سبحانه وتعالى ,, كل ما الاشياء الزينة لج بتستوي

وأنصحج تشترين محاضرات الدكتور صلاح الراشد ماشاء الله عليه ,, وتسمعونها مع بعض بتستفيدون وايد باذن الله ,, وعن الكتب هذي بعضها اختي الغالية مع الكاتب لسهولة البحث ^_*

- آداب الزفاف في السنة المطهرة.......الشيخ محمد ناصر الدين الألباني
- أربعون نصيحة لاصلاح البيوت.......... الشيخ محمد صالح المنجد
- الأسرة في ضوء الكتاب والسنة.........الدكتور أحمد سيد فراج
- الحياة السعيدة_رجال من المريخ ونساء من الزهر.........المدرب عثمان سالم باعثمان
- العلاقة الزوجية والصحة النفسية في الإسلام وعلم النفس........الدكتور كمال إبراهيم مرسي
- تحفة العروس ومتعة النفوس .. التجاني
- قبل الزفاف.........الاستاذة عواظف العبيد
- كتاب الزواج عند العرب ...........عبد السلام الترمانيني
- كيف تكسبين قلب زوجك وترضين ربك.......عادل فتحي عبد الله

بس تقدرين تحصلين أكثر في المكاتب ,, والسموحة على القصور ^_^

ربي يسخركم لبعض ويوفقكم كلل خير

**الجـــوريـــ** · 2010-02-10, 22:29

الله يعينج علييييييه ..

**مرود كحالي** · 2010-02-10, 22:32

الله المستعاااااااااااااااان !!!!!

**طموحة** · 2010-02-10, 22:33

الله يعينج على تفكيره !!!

**دلع مغرور** · 2010-02-10, 22:33

هههههههه
ماعليجـ بسـ شراتـ مايسويـ انتي بعد سويـ شراتهـ وكل كلمهـ يقولها قوليـ شراتها وبجذهـ بيحسـ عـ اليـ يقولهـ
الله لا يحرمكمـ منـ بعضـ

**ابتسامة قمر** · 2010-02-10, 22:36

!__!

الله يعينج ويهديه

**شهب** · 2010-02-10, 22:45

الله المستعان

لا اله الا انت سبحانك اني كنت من الظالمين

**غــلاوي** · 2010-02-10, 23:10

يمكن يتغيلس عليج

الله يهديه يااا رب

**ღcute girlღ** · 2010-02-10, 23:18

الله المستعان

**cute uae** · 2010-02-11, 00:20

المشاركة الأصلية كتبت بواسطة طموحة

الله يعينج على تفكيره !!!

الموضوع: مآ حصلت عنوآن . . . !

أدوات الموضوع

عرض

مآ حصلت عنوآن . . . !

المزيد من آخر المواضيع من نفس القسم:

المواضيع المتشابهه

. . يوـؤن آن هآـي<~ للخقة عنوآن وهيـي عنوآنه . . }مجهود شخصيْ{

الهدؤؤؤؤء عنوآن الإنســآن الوآعي

مـآحصلت عنوآن منـآسب ..!

عنوآن آمنة الحوسني ..؟

اعاني من ريحه الطبخ اللي عالقه في البيت كله حصلت والحمدلله حصلت لي حل...