عملية تحويل المعدة

[نانوس الورديه]

السلام عليكم اخواتي

ابي اسأل منو سوت عملية تحويل معدة و استفادت و نزل وزنها

و ابي اعرف اذا لها مضاعفات و لا لأ ؟؟؟؟

وين احسن مركز اسوي عندهم العملية ؟؟؟؟؟

و اذا في احد سوت العملية في لبنان او سوريا ؟؟؟؟

ادري اسألتي واااااايد بس الموضوع مهم اخواتي

الله يوفقكم يارب

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[ميمو81]

مرحبا احتي ماانصحج فيها ذا حزام اوكي بس تحويل لااااااااااااااااااااااااااااااااااااااااااااااااا اا انا اعرف ك\ا شخص اتوفواااا

[فله72]

اول شي لازم الجراح الي بيسوي العملية يكون شاااااطر يعني مب اي دكتور والسلام
وبعدين عملية تحويل المعدة اصبحت من العمليات السهله والمنتشرة عالميا
وانا ان شاء الله راح اسويها عند الجراح البرفسور "خالد جودت" من اشطر الجراحين العرب وهو مصري الجنسية
طبعا الدكتور خالد هو الذي عمل العملية للمطرب حسين الجسمي وديانا كرزون وليلي علوي
وانا زرته في عيادته في القاهرة والحمدلله ارتحت لكلامه ولشرحه المبسط للعملية وان شاء الله اتخلص من الوزن الزائد
العملية تكلف 16 الف دولار

[..ياسمين..]

مرحبا اختي
جان تبين نصيحتي
هل انتي مستعده انج طوال حياتج تاخذين فيتامينات؟
ولى ربيعه تقول 2 من اهاليهم واحد مسوي تحوير والثاني سليف اللى هي قص المعده
الاثنين ضعفو لكن اللى مسوي تحوير شكله تعبان وهزيل بعكس الثاني

لاتسوين تحوير والله العظيم اني قريت مواضيع لحريم يبون يردون معدتهم
ووحده منهم تقول ياليتني سويت السليف

وانا مع اني مااحب ارمس لاحد يعرفني ههههه
مسويه قص المعده والحمدلله العمليه واااايد سهله
والحمدلله بعدني ماكملت شهر ونزلت كيلوات حلوات ههه (ماتبا تقول كم)
وفي بنات اعرفهم مسوينها ياقبلى ياعقبي والحمدلله مافيهم الا العافيه

ومسوينها اهنيه بالامارات عند الدكتور عبدالسلام الطائي

[OM JOOD]

سوي السليف او التكميم على قولة البعض ابتعدي عن التحوير خطير ولازم طول عمرج تاخذين فيتامينات

[الدانه 2009]

بسم الله عليج لا تسوين شي خوفتوني

[بنت_غير]

السلام عليكم ...

انا اظن انه كل عملية ولها فوائدها واضرارهاااا... انتي اختي ليش ما تقعدين تدورين فالنت ... عن كل شي بخصوص الموضوع
بخبرج شي .. انااا يوم اشتري اي شي لوووو صغير .. او حتا اقرااا عنه فالمنتدى علا طول اروح اسوي بحث بالعربي والانجليزي .... واشوووووف هالشي ..شووو فوايده .اضراره ..مناسب لمنووووو...

يعني هذي الاشياء حبيبتي صدقيني بتفيدج وايد خاصه اذا دخلت المواقع الطبيه المعترفه فيهااااا ... مش تاخذين راي الاخوات بس...لانه الشعوووور والنتيجه تختلف من وحده للثانيه.... لكن بخصوص العملية... لازم تعرفين كل ابعادهاااااا بطريقه طبيه..... اوووو روحي يا اختي حق دكتووووور .. وقوووول لي له ابااا اسوووي عملية... استشاره مافيهااا شي .... احسن من انج تسوين شي ممكن تندمين عليه طووول عمرج

وهذي والله نصحيتي للجميع... والله يوفق الكل ... وكل وحده تحقق اللي في بالهااااااا

[إمرأة لا تنسى]

انا افكر اسوي هالعمليه بس ابا اشوف الردردو ياريت حد يفيدنا

[umsa3ed]

واحد من الاهل امسونها كان ميه وشي والحين هيكل عظمي يتحرك ايروع الصراحه يمكن وزنه 40 وعى طوله فالواحد ايفكر الف مره ومره قبل ما يسويها لان العمليه اتنزل الوزن بشكل فظيع ، انا مره خبرني دكتور عن واحد امسوي العمليه وضعف بشكل مب طبيعي وصار عنده ضعف في العظلات وغير الالم لي يحسبه

[فساتيني]

سوي ربط معده عند الدكتور روجيه ف مستشفى الامارات التخصصي ف دبي يسوونها ب 28الف درهم

[ستة]

ما قدرت أطنش الموضوع.بس حبيت أفيدكم أنا مسوتنها تقريبا من خمس سنين.وأنصح ان محد يسويها ولا تغترون بالنتيجه في البدايه.لأن هذا يدوم خلال سنه وسنتين فقط وعقب كل شي يرجع الا الصحه اللي بتضحين فيها ما بترجع.والفيتامينات والابر ما تفيد وايد.اللي عندها فقر دم بيزيد واللي ماعندها بيصير عندها.
انا شفت الموت أول أسبوع لدرجة اني كنت أزوع دم.ونظري خف وتركيزي قل.وصار عندي هشاشة عظام وتوني من 3 شهور اكتشفت التهاب المفاصل.
كل ما أكل لقمه أغص وأتعب كأني بموت ومرات أزوع اللي اكله.الحين اللي نزلته رديته بالضبط خاصه اني حملت وولدت.يعني نتايج العمليه مؤقته.وتعتمد أولا واخيرا على الأمعاء اللي تنقص والمعده اللي تنقص.تخيلي جسمج من الداخل مب طبيعي.يعني عندج امعاء مفصوله ومعده من بقايا المعده الاوليه اللي قبل العمليه معلقينها بدون فايده بجسمج.أنا لليوم أعاني من الام بعد كل وجبه يرتفع فيها ضغطي واصب عرق وأفصخ ملابسي الداخليه وأتمدد وأرجع لحالتي الطبيعيه عقبها بخمس الى 10 دقايق. حتى فحوصات السكر ما تكون سليمه 100% يعني مثال لو شربتي محلول البرتقال اللي يعطونه للكشف عن فحص السكر للحوامل فقط.كان يطلع عندي ملخبط وكل مره بنتيجه.
أنا عن تجربة شفت واجب علي أنصحكم.وما أحب اشوف حد يعاني اللي انا أعانيه.والقهر ان وزني رد.يعني الموضوع ما يرزى !
كان وزني 98 وصرت 60 خلال سنه واليوم أنا بالتسعين مره ثانيه.هذي العمليه للحالات المعقده الميؤوس منها فوق 120 مثل ماكان الدكتور ينصح.

[مشتاقه لربي]

ادخلي منتديات الدكتور سلطان التمياط....ونستفيدين اكثر يالغلا.....أنا مسويه تصغير معده والحمدلله راضيه بالنتيجه...
وربيعتي مسويه تصغير امورهاا فالسليم .....كانت 100 وصار 50ك

سويهاا وتوكلي عالله .....ما عليج من التخويف واقري مواضيعي عن التصغير.....يمكن يناسبج.

[عيون سيف]

امنهم أنا بصراحه بسوي للعمليه وموعدهاااا قريب في مستشفى خليفه عند النميري ودكتوور قالي كل شي اذا واهتميت في نفسي مثلا قبل العمليه لازم اسوي رجيم واللعب رياضه عشان اتعودعلى هذا النمط واهم شي بعد العمليه أني امشي على التعليمات مثل مايقووول ومابيصير فيني نفس اللي تقولون وانا تعرفت على بنات معاي على ألبي بي مسوين العمليه قالوووو الحمدالله اموورهم طيبه بس انه اول فتره صار تساقط في الشعر والالم خف مع مرور الاسبوع الثاني والحمدالله كلهن بخير وحياتهم طبيعيه ومافيهم شي وبلعكس حبو نفسهم اكثر وصار لهم بنات من نفس الفىه يمشون كل يوم ٣٠دقيقه ويشجعون بعض وانا اللحين من زمن الفريق ويشجعووني بصراحه انبهر يوم وحده أستشيركم في شي تقعدوون تخوفوونها وتكسرووون مياديفهاااا حررررام يمكن هي جرررربت وايد اشياء ومانفع معها مثلي. بليز الواحدييييا يقول كلام تجيعي لا لايقعديخووووف العالم والي يموووتون من هاااا العمليه لنهم يرحوووون حق دكتوور بدون مايسااالون عنه ولنه يموووتون ارخص *

[دفا الروح]

هلا خواتي
انا مسوية عملية تصغير يعني قص معده من شهر بالضبط
والحمد لله الامور طيبه بس اللي مضايجني نزلت بس 5 كيلو واللي اعرفهن نزلزوا 10 كيلو بالشهر

انصحج اختي وانصح كل وحده متعقده من وزنها تسوي العمليه
أنا كان وزني 85 وسويتها عند الدكتور عبدالسلام في مستشفى النور

اتمنى انزل واستوي رشيقه
دعواتكم حبايبي

[علوه]

استخيري حبيبتي كل عملية لها اضرارها الغاليه
بس ترا العملية مو سحر عشان تنقصين وزنج
تراها شي يساعدج تفقدين كمن كيلو عقب انتي لازم لازم لازم لالالالالالالالالالالالالالازم تشتغلين عشان تثبتين او تنقصين الكيلوات الباجية رياضة ومع رجيم وتقليل اكل لازم تنتبهين شو تاكلين ولازم رياضة عشان فقدان الوزن السريع خلال اول ست شهور بيرهل الجسم وايد
طبعا بتتعبين وبتصيحين وبتيج ايام بتعضين ايدج من الندم ليش سويتيها عشان جيه اقولج استخيري قبل
ومثل ما قالوا البنات يرد الوزن لازم تحافظين حبيبتي الميزان يكون عندج داااايما وتتعودين على نمط غذائي عشان ما يرد ينزل
انا قالوا لي جمله وضحكت عليهم لكن فعلا طلعت صح خبروني انه " حياتج ماراح تكون مثل ما كانت قبل راح تتغير بشكل جذري" وفعلا هالشي صار وان شاءالله للاحسن
بلنسبة للاخت لما تقول بعد الاكل تتعب وتعرق والضغط هاي اعراض شي نسميه دامبينق سيندروم dumpimg syndrome لو تقرين انجليزي دوري عليها فيه انواع معينه بعد تحويل المجري ما راح تقدرين تاكلينها او لازم تاكلينها بكميات بسيطه جدا طبعا هالاعراض تصير واحد من الاثنين اما كلتي زياده عن ما تتحملين او كلتي اكل متروس سكر ودهوون
كل هالاشياء بيشرحها لج الطبيب واخصائية التغذية لازم تشوفينهم قبل وبعد العملية ^_^ موفقه حبيبتي