المصاصه (اللهايه)

**أم فطوومه** · 2010-02-09, 16:07

السلام عليكم خواتي

بنتي عمرها سنه ونص ولازم وقت رقادها تمص مصاصه عشان ترقد... والحمدلله مب متعوده الا في وقت الرقاد... بس اشوفها مصختها واخاف تتعلق وااايد بالمصاصه..

كيف اخليها تكره المصاصه؟؟؟

الي عانت من هالمشكله وعرفت تحلها تخبرني.... لا تبخلون علي

المزيد من آخر المواضيع من نفس القسم:

**فطــــوم** · 2010-02-09, 16:54

انا عن نفسي اعطي عيالي مصاصه واصلا المصاصه مالها اضرار بالعكس حتى امي دوم تقولي اعطي عيالج مصاصه مابتوبلين صياحهم اذا هم صياحين ومن يمكل سنه خلاص اخليها عنهم ويخلونها بسهوله عادي ..
واذا خايفه ان بنتج تتعود عليها عادي اصلا هاذا من صالحج انتي بترتاحين ادري ان في وايد حريم مايأيدن كلامي بس انا اشوف عشان الام ترتاح شوي تعطي عيالها مصاصه واذا بنتج فديتها من انوع الي ماتصيح وايد لاتعطينها وحتى وقت ارقاد لاتعطينها انا قبل يوم كان ولدي يمص المصاصه واكثر شي يدور عليها وقت رقاده يمصها ويرقد ويوم قرت اخليها سويت هطريقه تدوخهم وتخليهم يرقدون بدون مايفكرون فالمصاصه واطريقه اني اساند بضهري على الكنبه او اي شي وامد اريولي واحط مخده فوق آخر اريولي واحد راسه مجابلني عالمخده وريوله صوبي صوب بطني يعني مادري اذا اشرح انفهم ولا واهزه يمين ويسار شوي شوي بهالطريقه بدأ ينسى الملهيه انتي جربي هطريقه مع بنتج فديتها ومب كل ليله تعطينها الملهيه جربي يوم هيه ويوم لاء لين تنساها .. وان شاءالله انها مابتتعود عليها اذا انتي ماتبينها تتعود .. ^.^

**Hard2Ctrl** · 2010-02-09, 19:29

.. ارفع شعار المصاصه ..

لان مستحيل اشوف بنتي اتصيح و المصاصه على طول تهديها .. يعني اول ما يبتها هيه معظم الوقت كانت تباها .. احين قامت روحها تكتفي فيها خمس دقايق و تفرها ما تباها .. يعني احس الحمدلله هي يالسه اتاقلم عمرها على حسب حاجتها حق المصاصه بروحها .. بس المصاصه ضروريه وقت الرقاد و اذا كانت بس حزه النوم تباها فا مافي ضرر .. لين متى بتم تمصها لين عمر سنتين مثلا .. عادي خليها تمصها فالنهايه بتودرها . يعني لو يا الموضوع على الرقده

**روزمري** · 2010-02-09, 21:12

امممممممممم ابدا ما افكر اجربها الى بنتي مع انها بكاية درجه اولى

بس اخاف من اضرارها او تعلق الطفل فيها

وبعد ما يعجبني مظهر الطفل وهو يمصها خخخخخخخخ

>>> سمعت انها تاثر على اسنان الطفل اذا استخدمها فترة طويلة

والعهدة على الراوي >> انا ما يخصني ههههههههه

**(الملقوووفه)** · 2010-02-09, 22:12

جان زين يطيع ياخذها ولدي

عيالي الاثنين خذوووها وودروها بصراحه انا عقيتها عن بنتي وعادي عقب تمت تصيح يومين ونست السالفه

**أم فطوومه** · 2010-02-18, 13:46

عيل يبالي اعودها مع انها من ترقد اشوفها تعق المصاصه عنها ومراااات لااااا يالسه تمص

وانا مع المصاصه.... الصراحه الأم ما تقدر من دونه.... عني انا بربي ان شاء الله بعد شهرين... وشاريه مصاصه من احينه حق الياهل

**فريدة** · 2010-02-18, 14:04

اول شيء احضره في تجهيزات البيبي
يا ستي احمدي ربنا انها رضيت تاخدها احنا ناقصين صداعهم
وبعدين اشغلي نفسك ببكره

**أم يوسف 85** · 2010-02-18, 14:28

لاتذكروني بالمصاصة ) :
ولدي تعلق فيها بدرجة فظيعة

اصلا يقولون ان المصاصة تهدي الياهل
اذكر ولدي الله يحفظه يصيح ويصارخ والمصاصة محطوطة في حلجة
وين الحجي اللي يقولونه عنها ان تهدي الياهل وتلهيه

يا الغالية اول مايقوم من الرقاد خشيها عنه
بس وقت الرقاد طلعيها له

نصيحتي ترى المصاصة تعذيب
واحنه عانينة مع ولدي

**وردة صفرة** · 2010-02-18, 16:48

انا بنوتي فديتها عطيتها اياها على الثالث بس شو تعلقت فيها لدرجة انها قامت ماترضع الا بموت وللحين تاخذها بس الصراحة واااااااااااااااااايد مريحة ... تباها اكثر اذا فيها رقاد...
بس المشكلة ابوها ذابحني ..خذيها خذيها عنها أونه (تمص عافيتها) احيانا احس صدق لانه كله تمص تمص "تعب" بس على الراحة مريحتني.. وبس

**اللآلئ** · 2010-02-22, 14:53

انا ما عطتي بنتي مصاصه بصراحه..
مع ان بنتي صياحه درجه اولى و ماترضى الا بالشل 24 ساعه
لكن عندي مبدأ اتعب عمري 6 شهور و لاا انفخ لها بطنمها غازاات و اتم يابسه من بطنها
راحتها فديتها اولى من راحتي ^^

**شذى الود** · 2010-02-22, 16:56

انا بعد مع المصاصة الصراحة لانها وااااايد تنفع وتريح
خاصة اذا الياهل بس يبى يرضع مب يشرب الحليب من صدر امه (الصراحة تعذيب!)
انا من ينولدون والمصاصة عندي
والصراحة الحين بنتي واااااااااااااااااااااااااااااااااااااااايد متعلقة فيها
مع انها كبيرة ثلاث سنين بس ما تباها إلا حزة الرقاد ومن ترقد اشيل المصاصة من حلجها
شو اسوي !!!

**[ حبيبته ]** · 2010-02-22, 21:04

ياريت بنتي تمسك المصاصة

أحاول أعودها و جربت كم نوع بعد ما تاخذ ..

**خواطــر** · 2010-02-22, 23:09

اذا ما تحملنا عيالنا منو بيتحملهم
كل شي بالتعويد ..عوديها ترقد بدون كل هالامور

**ام ندى الحلوة** · 2010-02-23, 11:49

بناتي صياحات وما سكتتهم غير المصاصة
يوم ابا اعقها عنهم اقص راسها ويستغربون يوم يمصونها ومن يطلعونها من بوزهم اقول لهم اخخخ مب حلوة يلا اركضي عقيها في الزبالة لانها وصخة مب حلوة
وعقب كل ما يبونها اقول انتي بروحج عقيتيها في الزبالة خلاص راحت
كم يوم وينسون
بس الراس قصي منه وايد لدرجة انهم ما يرومون يقبضونها فبوزهم
لو قصيتي شوية بيمصونها عاااااااادي وحياتج
الصغيرونة عمرها 10 شهور ومن كم شهر عقت المصاصة بروحها لانها حصلتالبديل

صددددددددررررررررررريييييي ويا ريتها تمت بالمصاصة لانها معذبتني في رقادها للللللللللللللازم تمص صدري عشان ترقد حتى لو شبعانة

**أم فطوومه** · 2010-02-23, 13:29

الله يعينا من هاليهال.... ما شاء الله على امهات قبل لا مصاصه ولا حليب مرضعه... وما شاء الله عيال قبل غير عن احينه

الموضوع: المصاصه (اللهايه)

أدوات الموضوع

عرض

المصاصه (اللهايه)

المزيد من آخر المواضيع من نفس القسم:

المواضيع المتشابهه

علاقات الاطفال (اللهايه - المصاصه) أشكال جديده \ الدفعه الثانيه

اريد افطم عيالي عن اللهايه (المصاصه) ارجو المساعده

علاقة الملاهي ( المصاصه .. اللهايه ) مـــــــن لـــنــدن

المصاصه او اللهايه